Luka 1:42 - BIBELE Mahungu Lamanene

⁴² a tlakusa rito a ku: “U katekile exikarhi ka vavasati, ku katekile ni n'wana la nge ndzeni ka wena.

Testamente Leyimpsha Xichangana

⁴² atlakusa rito aku: “Ukatekile xikarhi ka vavasati, kukatekile ni n'wana lweyi anga ndzeni ka wena.

Xitsonga (Bibele)

⁴² “U katekile xikarhi ka vavasati, ku katekile ni n'wana la nga ekhwirini ra wena.

Luka 1:42 Referans Kwoze

Luka 19:38

“A ku dzunisiwe Mufumi la taka hi vito ra Hosi! Ku rhula a ku ve ematilweni, ni ku kwetsima ematilweni ya le henhla-henhla!”

Vaavanyisi 5:24

“Yena Yaele nkata Hebere lowa Mukeni a a nkhensiwe exikarhi ka vavasati; exikarhi ka vavasati lava tshamaka emintsongeni, a ku nkhensiwe yena ngopfu!

Luka 1:28

Ntsumi yi fika yi ku ka yena: “Avuxeni, wena la nga kombiwa tintswalo, Hosi yi na wena.”

Genesa 22:18

Kutani vanhu hinkwavo laha misaveni va ta katekisiwa hikwalaho ka vatukulu va wena, hikuva wena u yingisile rito ra mina.’ ”

Luka 1:48

hikuva ú langutile vusiwana bya mina nandza wa yena, kutani ku sukela sweswi, vanhu va minkarhi hinkwayo va ta ku, ndzi katekile.

Pisalema 21:6

Hi wena u endleke leswaku a kateka minkarhi hinkwayo, a tshama a tsakile emahlweni ka wena.

Vaheveru 12:2

A hi languteni eka Yesu, musunguri ni muhetisisi wa ku pfumela ka hina, loyi a nga chavangiki ku byarha xihambano, a nga vuli nchumu hi tingana ta kona, hikwalaho ka ku tsaka loku vekiweke emahlweni ka yena; kutani sweswi ú tshamile evokweni ra xinene exiluvelweni xa Xikwembu.

Varhoma 9:5

Vakokwa wa hina i va vona; na yena Kriste ú huma erixakeni ra vona, hi tlhelo ra ku velekiwa. Xikwembu lexi nge henhla ka swilo hinkwaswo, a xi vongiwe hilaha ku nga heriki. Amen!

Pisalema 45:2

Exikarhi ka majaha, ku hava loyi a ku tlulaka hi ku saseka, loko u vulavula, tintswalo to khuluka kunene; hakunene Xikwembu xa ku katekisa minkarhi hinkwayo.

Luka 1:41

Loko Elizabeta a twa ku xewetiwa hi Mariya, n'wana a tshuka-tshuka endzeni ka yena. Kutani Elizabeta a tala Moya lowo Kwetsima,

Luka 1:43

Swi endlise ku yini leswaku mana wa Hosi yanga a ta eka mina xana?