Luka 1:25 - BIBELE Mahungu Lamanene

²⁵ “Hakunene Hosi yi ndzi pfunile, yi ndzi susa tingana exikarhi ka vanhu.”

Testamente Leyimpsha Xichangana

²⁵ “Hakunene Hosi yinipfunile, yinisusa tingana xikarhi ka vanhu.”

Xitsonga (Bibele)

²⁵ “Hi swona leswi Hosi yi ndzi endleke swona, enkarhini lowu yi nga ndzi languta ku susa tingana ta mina exikarhi ka vanhu.”

Luka 1:25 Referans Kwoze

Esaya 4:1

Eminkarhini yoleyo, vavasati va 7 va ta namarhela wanuna un'we, va ku: “Swakudya ni swiambalo, hi ta tilavela; hi kombela ntsena ku va vasati va wena, hi susiwa tingana.”

Vaheveru 11:11

Hi ku pfumela, Sara hi xiviri xa yena ú kotile ku va a tika hambileswi a a ri mhika, a hundzeriwile hi nkarhi, hikuva ú tivile leswaku loyi a n'wi tshembiseke wa tshembeka.

Luka 1:13

Kambe ntsumi yi ku ka yena: “U nga chavi Zakariya, hikuva ku khongela ka wena ku yingisiwile; Elizabeta, nsati wa wena, ú ta ku velekela n'wana wa mufana, kutani u ta n'wi thya vito ra Yohane,

1 SAMIELE 1:6

Kutani Penina a a tala ku karhata nkatikulobye Hana, a n'wi hlekula hi mhaka ya leswi HOSI Xikwembu a xi n'wi tsonile vana.

Genesa 25:21

Rhaveka nkata Isaka a a ri mhika, kutani Isaka a n'wi khongelela eka HOSI, kutani HOSI yi hlamula xikhongelo xa yena, Rhaveka nsati wa yena a tika.

Vaavanyisi 11:37

A tlhela a ku ka tata wa yena: “Ndzi kombela ku endleriwa xilo xin'we ntsena: Ndzi tshike ndzi famba ndzi ya tsendzeleka tin'hweti timbirhi etintshaveni, ndzi ri ni tintangha ta mina, ndzi ya rilela leswi ndzi nga ta fa ndzi nga tekiwanga.”

Esaya 25:8

HOSI N'wini wa hinkwaswo ú ta herisa rifu ri helela makumu; vanhu hinkwavo, ú ta va sula mihloti, a endla leswaku emisaveni hinkwayo, vanhu va yena va nga hlekuriwi. Leswi swi vuriwile hi HOSI Xikwembu.

Luka 1:24

Endzhaku ka masiku wolawo, Elizabeta nsati wa yena a tika, kutani a tifihla ntlhanu wa tin'hweti, a ri karhi a ku:

2 SAMIELE 6:23

Kutani Mikala N'wa-Sawulo a nga vanga na n'wana, ku kondza a fa.