Levhitika 9:6 - BIBELE Mahungu Lamanene

⁶ kutani Muxe a ku: “HOSI Xikwembu xi mi lerisile ku endla leswi hinkwaswo leswaku ku kwetsima ka xona ku ta tikomba eka n'wina.”

Xitsonga (Bibele)

⁶ Muxe a ku: “Hi xona lexi Yehovha a mi leriseke xona; xi endleni, kutani ku kwetsima ka Yehovha ku ta mi humelela.”

Levhitika 9:6 Referans Kwoze

Levhitika 9:23

Kavaloko Muxe na Aroni va nghena eka Ntsonga lowo Hlawuleka. Loko va huma, va tlhela va katekisa Vaisraele, kutani ku kwetsima ka HOSI Xikwembu ku tikomba eka ntshungu hinkwawo.

Ezekiele 43:2

Kutani ndzi vona ku vonakala ka Xikwembu xa Israele, ku ta hi le vuxeni; ku vulavula ka xona a ku fana ni mpfumawulo wa magandlati ya le lwandle, naswona ku vonakala ka xona a ku voninga misava hinkwayo.

Eksoda 24:16

Ku vonakala ka HOSI Xikwembu ku tshama ehenhla ka ntshava. Yi khubumetiwa hi papa masiku ya 6, kutani hi siku ra vu-7, HOSI Xikwembu xi vitana Muxe xi ri endzeni ka papa.

Eksoda 16:10

Loko Aroni a ri karhi a vulavula ni ntshungu hinkwawo wa Vaisraele, va languta etlhelo ra mananga, kutani va vona ku kwetsima ka HOSI Xikwembu epapeni.

Levhitika 9:5

Kutani va ta ni leswi Muxe a va leriseke swona, va fika va yima emahlweni ka Ntsonga lowo Hlawuleka; ntshungu hinkwawo wu hlengeletana emahlweni ka HOSI Xikwembu,

Eksoda 29:43

Ndzi ta hlangana ni Vaisraele endhawini yoleyo, kutani ku kwetsima ka mina ku ta yi hlawulekisa.