Levhitika 9:2 - BIBELE Mahungu Lamanene

² kutani a ku ka Aroni: “Tana ni xinkuzana xa mhamba yo susa swidyoho, ni khuna ra magandzelo lama hisiwaka, swi va leswo saseka hi swimbirhi ka swona, leswaku u ta swi humesela HOSI Xikwembu;

Xitsonga (Bibele)

² a ku eka Aroni: “Teka xinkuzana xa gandzelo ra nandzu, ni khuna ra holokosta, swi nga ri na xivati, u swi tlhavela Yehovha.

Levhitika 9:2 Referans Kwoze

Levhitika 4:3

Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Vaheveru 7:27

Ú hambanile ni vaprista lavakulu lavaya: A nga boheki ku rhanga a tihumesela, masiku hinkwawo, magandzelo yo riha swidyoho swa yena, a nga si humesela vanhu van'wana emagandzelo yo riha swidyoho swa vona. E-e! Leswi, ú swi endlile kan'we loko a tinyiketile hi yexe.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Levhitika 8:18

Kutani Muxe a ta ni khuna ra magandzelo lama hisiwaka. Aroni ni vana va yena va tlhandleka mavoko ya vona enhlokweni ya rona,

Levhitika 8:14

Muxe a ta ni xinkuzana xa mhamba yo susa swidyoho, Aroni ni vana va yena va tlhandleka mavoko ya vona enhlokweni ya xinkuzana lexi.

Eksoda 29:1

“Leswi u nga ta swi endla eka Aroni ni vana va yena loko u va hlawulekisa leswaku va va vaprista va ndzi tirhela, hi leswi: U ta lava xinkuzana ni makhuna mambirhi ya tinyimpfu lama nga solekiki.

Vaheveru 5:3

Hi mhaka ya sweswo wa boheka ku tihumesela magandzelo hikwalaho ka swidyoho swa yena, swin'we ni ku humesela vanhu.

Levhitika 9:3

u byela ni Vaisraele leswaku va ta ni leswi: Xiphongho xa mhamba yo susa swidyoho, ni rhole ni xinyimpfana, swi va leswi nga solekiki swa lembe rin'we, swa magandzelo lama hisiwaka,

Ezekiele 29:1

Hi lembe ra vukhume hi ri evukhumbini, hi siku ra vu-12 ra n'hweti ya vukhume, HOSI Xikwembu xi vulavula na mina xi ku:

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

Levhitika 16:3

“Siku Aroni a nghenaka exivandleni lexo hlawuleka ngopfu, ú fanele ku ta ni xinkuzana xa mhamba yo susa swidyoho, ni nyimpfu ya khuna ya magandzelo lama hisiwaka.

Levhitika 16:5

Naswona ntshungu wa Vaisraele wu fanele ku n'wi nyika swiphongho swimbirhi swa mhamba yo susa swidyoho, ni nyimpfu yin'we ya khuna ya magandzelo lama hisiwaka.