Levhitika 8:9 - BIBELE Mahungu Lamanene

⁹ a n'wi ambexa xihuku enhlokweni, emahlweni ka xona a bohelela harhi leyo hlawuleka ya nsuku ya xiphepherhele, hilaha HOSI Xikwembu xi n'wi leriseke hakona.

Xitsonga (Bibele)

⁹ A n'wi vehela xihuku enhlokweni, ni le mahlweni ka xihuku, a bohela xiphepherhele xa nsuku, wu nga musingasoro lowo kwetsima, hilaha Yehovha a leriseke Muxe hakona.

Levhitika 8:9 Referans Kwoze

Zakariya 3:5

Ntsumi yi engeta yi ku: “N'wi ambexeni xihuku xo basa enhlokweni.” Kutani va n'wi ambexa xona, va n'wi ambexa ni swiambalo leswintshwa, ntsumi ya HOSI yi ri karhi yi swi vona.

Eksoda 29:6

u n'wi ambexa xihuku enhlokweni, u vekela ni harhi leyo hlawuleka ya xiphepherhele exihukwini.

Eksoda 28:4

Swiambalo leswi va nga ta rhunga swona hi leswi: Xincekana xa le xifuveni, ni efodi, ni nguvu yo leha, ni hembe yo rhungeleriwa mavalavala, ni xihuku, ni vamba. Va fanele ku rhungela makwenu Aroni ni vana va yena va xinuna eswiambalo leswo hlawuleka, leswaku va ta va vaprista, va ndzi tirhela.

Eksoda 40:16

Kutani Muxe a endla hinkwaswo hilaha HOSI Xikwembu xi n'wi leriseke hakona, a nga siyi nchumu.

Levhitika 8:21

Swa le ndzeni ni manqina, Muxe ú rhange hi ku swi hlantswa a nga si swi hisa ni nyama leyin'wana hinkwayo ehenhla ka alitari. Lawa hi wona magandzelo lama hiseriwaka HOSI Xikwembu, lawa ku nun'hwela ka wona ku xi tsakisaka, hilaha xi leriseke Muxe hakona.

Levhitika 8:36

Kutani Aroni ni vana va yena va endla hinkwaswo leswi HOSI Xikwembu xi va leriseke swona hi nomo wa Muxe.