Levhitika 8:6 - BIBELE Mahungu Lamanene

⁶ Kutani Muxe a vitana Aroni ni vana va yena, a va hlambisa hi mati;

Xitsonga (Bibele)

⁶ Kavaloko Muxe a tshineta Aroni ni vana va yena, a va hlantswa hi mati.

Levhitika 8:6 Referans Kwoze

Vaefesa 5:26

Ú endlile leswi leswaku a ta yi hlawulekisa hi rito ra yena, a yi endla leyi tengeke hi ku yi khuvula hi mati.

1 Vakorinto 6:11

Hi leswi van'wana va n'wina a mi ri swona; kambe sweswi mi basisiwile, naswona mi endliwile lava hlawulekeke ni lava lulameke, hi vito ra Hosi Yesu Kriste ni Moya wa Xikwembu xa hina.

Eksoda 29:4

U ta ta na Aroni ni vana va yena va xinuna enyangweni ya Ntsonga lowo Hlawuleka, kutani u ta va hlambisa hi mati.

Ezekiele 36:25

Ndzi ta mi xuva hi mati layo tenga, kutani thyaka leri mi nga tivangela rona hi ku gandzela swikwembu swa n'wina swa hava, ndzi ta ri susa hinkwaro.

Esaya 1:16

Hlambani, mi basa; mintirho ya n'wina leyo biha, yi suseni emahlweni ka mina; mi nga ha tlheli mi dyoha,

Pisalema 51:7

Ndzi xuve hi xitluka xa murhi wa hisopa, kutani ndzi ta va la tengeke, ndzi hlantswe, ndzi ta basa ku tlula ni gamboko.

Pisalema 51:2

Ndzi hlantswe swinene u ndzi basisa, u susa ku homboloka ka mina ni ku dyoha ka mina.

Pisalema 26:6

We HOSI, ku komba leswaku a ndzi na nandzu, ndzi hlamba mavoko ya mina, kutani ndzi ya rhendzeleka alitari ya wena,

Eksoda 40:12

“Kutani u ta ta na Aroni ni vana va yena va xinuna enyangweni ya Ntsonga lowo Hlawuleka, u fika u va hlambisa hi mati;

Eksoda 30:19

Mati lawa, Aroni ni vana va yena va ta hlamba mavoko ni milenge ha wona.

Nhlavutelo 7:14

Ndzi ku ka yena: “Swo tiva hi wena, Hosi yanga.” Hiloko a ku ka mina: “Lava, hi lava humaka eku xanisekeni lokukulu; va hlantswile tinguvu ta vona, va ti basisile hi ngati ya Xinyimpfana.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Vaheveru 9:10

kambe swo tirha eka swakudya, ni swakunwa, ni mikhuva leyo tala ya ku tibasisa, ni milawu ya swa miri leyi vekiweke, ku ko ku fika nkarhi wa ku ololoxa hinkwaswo.

Zakariya 13:1

“Hi siku rero ku ta baleka xihlovo lexi xi nga ta basisa vatukulu va Davhida ni vaaki va Yerusalema, xi susa swidyoho swa vona ni swilo swa vona swa manyala.”

Eksoda 30:20

Loko va nghena eka Ntsonga lowo Hlawuleka, kumbe loko va tshinela kusuhi ni alitari ku ya tirha kona, ni ku ndzi hisela magandzelo mina HOSI Xikwembu, va ta rhanga hi ku hlamba hi mati lawa, leswaku va nga tshuki va fa.

Levhitika 8:5

Kutani Muxe a ku ka vona: “Leswi hi swona leswi HOSI Xikwembu xi leriseke leswaku swi endliwa.”

Levhitika 16:4

Ú fanele ku ambala swiambalo swa ntsembyani swa vaprista, ku nga hembe, ni xiburukwana, ni vamba, ni xihuku; kambe ú fanele ku rhanga a hlamba miri a nga si swi ambala, hikuva swi hlawulekile.