Levhitika 8:4 - BIBELE Mahungu Lamanene

⁴ Kavaloko Muxe a endla hilaha HOSI Xikwembu xi n'wi leriseke hakona, kutani ntshungu wa Vaisraele wu hlengeletana enyangweni ya Ntsonga lowo Hlawuleka.

Xitsonga (Bibele)

⁴ Muxe a endla hilaha Yehovha a n'wi leriseke hakona, nhlengeletano yi hlengeletana enyangweni ya tabernakela ya nhlengeletano.

Levhitika 8:4 Referans Kwoze

1 Vakorinto 15:3

Ndzi mi hundzisele leswi na mina ndzi swi amukeleke, swi nga leswikulu eka hinkwaswo: Hileswaku Yesu ú fele swidyoho swa hina, hilaha Matsalwa ma vulaka hakona;

1 Vakorinto 11:23

Timhaka leti ndzi ti hundziseleke eka n'wina hi leti ti humeke eka Hosi hi xiviri xa yona: Hileswaku, hi vusiku lebyi a nyiketiweke hi byona, Hosi Yesu ú tekile xinkwa,

Matewu 28:20

mi va dyondzisa ku hlayisa hinkwaswo leswi ndzi mi leriseke swona; kutani vonani, ndzi na n'wina masiku hinkwawo, ku ko ku hela misava.”

Duteronoma 12:32

“Hinkwaswo leswi ndzi mi lerisaka swona, mi fanele ku tikarhatela ku hanya hi swona; mi nga engeteleli nchumu kumbe ku hunguta nchumu eka swona.

Levhitika 8:35

Hi masiku lawa ya 7, vusiku ni nhlekanhi, mi fanele ku tshama enyangweni ya Ntsonga lowo Hlawuleka mi ri karhi mi endla leswi HOSI Xikwembu xi swi leriseke; loko swi nga ri tano, mi ta fa. Hi swona leswi ndzi nga lerisiwa swona.”

Levhitika 8:29

Kutani Muxe a teka xifuva, a widzela HOSI Xikwembu leswaku yi va nyiko ya xona leyo hlawuleka; xifuva lexi, hi xona xiphemu lexi Muxe a kumeke xona eka xifuwo lexi tlhaveriweke ku vekiwa ka vaprista, hilaha HOSI Xikwembu xi n'wi leriseke hakona.

Levhitika 8:17

Kambe nyama hinkwayo ya xinkuzana, ni dzovo ra xona, ni nswanyi, Muxe a swi teka a ya swi hisa ehandle ka mixaxa, hilaha HOSI Xikwembu xi n'wi leriseke hakona.

Levhitika 8:13

Kutani Muxe a vitana vana va Aroni, a va ambexa tihembe, a va khama hi mavamba, a va boha swihuku leswitsongo etinhlokweni, hilaha HOSI Xikwembu xi n'wi leriseke hakona.

Levhitika 8:9

a n'wi ambexa xihuku enhlokweni, emahlweni ka xona a bohelela harhi leyo hlawuleka ya nsuku ya xiphepherhele, hilaha HOSI Xikwembu xi n'wi leriseke hakona.

Eksoda 39:29

va rhunga ni vamba hi ntsembyani wo saseka lowu lukiweke, ni voya bya muhlovo wa rihlaza ra tilo, ni wa xivunguvungu, ni lowo tshwuka, va ri rhungelela mavalavala, hilaha HOSI Xikwembu xi leriseke Muxe hakona.

Eksoda 39:26

Loko va vekela xingelengele xa nsuku, a va landzisa hi xifaniso xa xihenge, sweswo-sweswo ku rhendzeleka ni nguvu leyi ya ntirho wa vuprista, hilaha HOSI Xikwembu xi leriseke Muxe hakona.

Eksoda 39:21

Kutani va khomisa xincekana xa le xifuveni eswingwavileni swa efodi hi swingwavila leswi, va swi bohelela hi ngoti ya rihlaza ra tilo, leswaku xincekana xi tshama ehenhla ka vamba ra efodi, xi ta kala xi nga suki eka yona, hilaha HOSI Xikwembu xi leriseke Muxe hakona.

Eksoda 39:7

Va bohelela maribye lawa etingotini ta efodi ta le makatleni, leswaku ma ta va xikombiso xa tinyimba ta Israele, hilaha HOSI Xikwembu xi leriseke Muxe hakona.

Eksoda 39:5

Vamba ro tiyisa ni ku boha efodi va ri rhunga ku fana na yona, hi voya bya muhlovo wa nsuku, ni wa rihlaza ra tilo, ni wa xivunguvungu, ni lowo tshwuka, ni ntsembyani wo saseka lowu lukiweke; va ri endla hilaha HOSI Xikwembu xi leriseke Muxe hakona.

Eksoda 39:1

Kutani va rhunga swiambalo leswo saseka swa ntirho wa le xivandleni lexo hlawuleka, hi voya bya muhlovo wa rihlaza ra tilo, ni wa xivunguvungu, ni lowo tshwuka; va rhunga swiambalo leswi swo hlawuleka swa Aroni, hilaha HOSI Xikwembu xi leriseke Muxe hakona.

Levhitika 8:3

u vitana ni ntshungu hinkwawo wa Vaisraele, wu ta hlengeletana enyangweni.”

Levhitika 8:5

Kutani Muxe a ku ka vona: “Leswi hi swona leswi HOSI Xikwembu xi leriseke leswaku swi endliwa.”