Levhitika 8:3 - BIBELE Mahungu Lamanene

³ u vitana ni ntshungu hinkwawo wa Vaisraele, wu ta hlengeletana enyangweni.”

Xitsonga (Bibele)

³ kutani u vitana nhlengeletano hinkwayo enyangweni ya tabernakela ya nhlengeletano.”

Levhitika 8:3 Referans Kwoze

Timhaka 2:1

Kuteloko siku ra Pentekosta ri fikile, vadyondzisiwa hinkwavo a va hlengeletanile exivandleni xi ri xin'we.

2 TIKRONIKA 30:13

Hi n'hweti ya vumbirhi ya lembe, vanhu lavo tala va hlengeletana eYerusalema, va tela nkhuvo wa Xinkwa lexo-ke-comela. A va ri ntshungu lowukulu,

Pisalema 22:25

Hi wena u ndzi nyikaka matimba ya ku ku dzunisa exikarhi ka ntshungu lowukulu, emahlweni ka lava va ku chavaka, ndzi ta ku humesela magandzelo lawa ndzi nga tiboha ku ma humesa.

Nehemiya 8:1

Hi siku ro sungula ra n'hweti leyi, Vaisraele hinkwavo va ya va ya hlengeletana erivaleni leri nga mahlweni ka nyangwa leyi vuriwaka Nyangwa-ya-Mati. Vaisraele a va byerile mutsari Ezra leswaku a ta ni buku leyi nga ni Nawu lowu HOSI Xikwembu xi wu nyikeke Muxe leswaku a ya wu fikisa eka Vaisraele.

2 TIKRONIKA 30:25

Lava hlengeletaneke, a va tsakile hinkwavo, va nga va ka Yuda, ni vaprista, ni Valevhi, ni Vaisraele hinkwavo lava a va tile enkhubyeni va huma etikweni ra vona, ni Vaisraele lava a va ri valuveri etikweni ra Yuda.

2 TIKRONIKA 30:2

A a sungurile hi ku kanela mhaka ni tindhuna ta yena ni vaaki va Yerusalema, va twanana ku dya nkhuvo wa Paseka hi n'hweti ya vumbirhi ya lembe.

2 TIKRONIKA 5:6

Kutani hosi Solomoni a yima emahlweni ka Areka, swin'we ni ntshungu hinkwawo wa Vaisraele lava fikeke eka yena, kutani va humesa magandzelo ya swifuwo leswo tala swa ntsandza-vahlayi, leswikulu ni leswitsongo.

2 TIKRONIKA 5:2

Kutani Solomoni a rhamba vakulukumba hinkwavo va Israele eYerusalema, va nga vafambisi hinkwavo va tinyimba ta Vaisraele, ni varhangeri va mindyangu ya vona; makungu ya yena a ku ri ku ya teka Areka ya Ntwanano wa HOSI Xikwembu emutini wa Davhida lowu vuriwaka Siyoni.

1 TIKRONIKA 15:3

Kutani Davhida a hlengeleta Vaisraele hinkwavo eYerusalema leswaku va heleketa Areka ya HOSI endhawini leyi yi nga lunghiseriwa yona.

1 TIKRONIKA 13:5

Hiloko Davhida a hlengeleta Vaisraele hinkwavo, ku sukela endzilekaneni wa Egipta edzongeni ku ya fika exiphandzeni xa Hamata en'walungwini, leswaku va ya teka Areka ya Xikwembu eKiriyata-Yeyarimi.

Tinhlayo 21:16

Loko va suka kwalaho, va yile va ya fika eBere (hileswaku “exihlobyeni”), laha HOSI Xikwembu xi nga lerisa Muxe xi ku: “Hlengeleta Vaisraele leswaku ndzi ta va nyika mati.”

Tinhlayo 20:8

“Teka nhonga ya wena, kutani wena ni makwenu Aroni mi hlengeleta ntshungu, mi lerisa ribye emahlweni ka wona leswaku ri humesa mati; leyi hi yona ndlela leyi u nga ta humesa mati ha yona eribyeni, u nyika ntshungu, wu nwa ni swifuwo swa wona.”

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Levhitika 8:4

Kavaloko Muxe a endla hilaha HOSI Xikwembu xi n'wi leriseke hakona, kutani ntshungu wa Vaisraele wu hlengeletana enyangweni ya Ntsonga lowo Hlawuleka.

Tinhlayo 8:9

U ta ta ni Valevhi emahlweni ka Ntsonga lowo Hlawuleka, kutani u hlengeleta ntshungu hinkwawo wa Vaisraele.

Levhitika 14:11

Muprista loyi a nga ku basiseni ka munhu loyi, ú ta n'wi teka, swin'we ni swilo leswi, a n'wi yisa emahlweni ka HOSI Xikwembu enyangweni ya Ntsonga lowo Hlawuleka.