Levhitika 8:12 - BIBELE Mahungu Lamanene

¹² Kutani a teka mafurha man'wana, a chela enhlokweni ya Aroni, a n'wi tota a n'wi hlawulekisa.

Xitsonga (Bibele)

¹² A chela mafurha ya ku tola enhlokweni ya Aroni ku n'wi hlawula.

Levhitika 8:12 Referans Kwoze

Eksoda 30:30

Aroni ni vana va yena, na vona mi ta va chela mafurha lawa, mi va hlawulekisa leswaku va va vaprista, va ndzi tirhela.

Pisalema 133:2

Swi fana ni mafurha layo nun'hwela lama cheriweke enhlokweni ya Aroni, ma xiririka emalebvini ya yena, ma ya fika ni le nhan'wini.

Eksoda 29:7

Kutani u teka mafurha layo hlawuleka, u n'wi chela enhlokweni, u n'wi tota.

Levhitika 4:3

Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Eksoda 28:41

U ta ambexa makwenu Aroni ni vana va yena eswiambalo leswi swa vuprista, u va chela mafurha enhlokweni, u va veka ni ku va hlawulekisa leswaku va ta va vaprista, va ndzi tirhela.

Levhitika 7:36

Esikwini leri ra ku cheriwa ka vona mafurha enhlokweni, HOSI Xikwembu xi lerisile leswaku Vaisraele va hamba va va nyika xiphemu lexi; vaprista va fanele ku nyikiwa xona hilaha ku nga heriki.”

Levhitika 8:30

Kutani Muxe a teka mafurhanyana yo tola ni ngatinyana eka leyi nga alitarini, a xuva Aroni ni vana va yena, ni swiambalo swa vona swa vuprista; hi ndlela leyi, Muxe a hlawulekisa Aroni ni vana va yena, ni swiambalo swa vona swa vuprista.

Levhitika 10:7

Naswona mi nga tshuki mi suka laha nyangweni ya Ntsonga lowo Hlawuleka; loko mo suka, mi ta fa, hikuva mi totiwile mafurha ya HOSI Xikwembu.” Kutani Aroni ni vana va yena va endla hilaha Muxe a va leriseke hakona.