Levhitika 7:6 - BIBELE Mahungu Lamanene

⁶ Wanuna un'wana ni un'wana loyi a nga muprista a nga dya nyama ya xifuwo xa kona, yi dyeriwa exivandleni lexi hlawulekeke, hikuva yi hlawulekile ngopfu.

Xitsonga (Bibele)

⁶ Vavanuna hinkwavo va vaprista va ta dya yona. Va ta yi dya exivandleni lexo kwetsima; i xilo lexi kwetsimaka ngopfu.

Levhitika 7:6 Referans Kwoze

Levhitika 6:29

Nyama leyi yi ta dyiwa hi wanuna un'wana ni un'wana loyi a nga muprista; yi hlawulekile swinene.

Levhitika 2:3

Mapa lama saleke eka magandzelo lawa, ma ta va ya Aroni ni vana va yena; ma hlawulekile swinene, hikuva hi lawa ma saleke eka mhamba leyi hiseriwaka HOSI Xikwembu.

1 Vakorinto 9:13

Xana a mi tivi leswaku lava tirhaka swa mintirho ya Tempele va dya swakudya swa le Tempeleni, ni leswaku lava tisaka magandzelo alitarini va averiwa swa wona ke?

1 Vakorinto 10:18

Anakanyani maendlele ya Vaisraele. Xana lava dyaka swakudya leswi humeseriweke Xikwembu egandzelweni, a va hlanganisiwi na xona Xikwembu egandzelweni ra kona ke?

Levhitika 7:5

Muprista ú ta hisa swilo leswi ehenhla ka alitari, a swi hisela HOSI Xikwembu; lawa i magandzelo yo riha milandzu.

Ezekiele 42:13

Kutani mupimi a ku ka mina: “Makamari ya le n'walungwini ni ya le dzongeni, lama langutanaka ni rivala, i makamari layo hlawuleka; ndhawu ya kona yi hlawulekile, hikuva hi kona laha vaprista lava tirhelaka HOSI Xikwembu eTempeleni va dyelaka ni ku hlayisela kona swakudya leswo hlawuleka swa magandzelo, ku fana ni swa le masin'wini leswi humeseriwaka Xikwembu, kumbe nyama ya magandzelo yo susa swidyoho ni ya magandzelo yo riha milandzu.

Hagayi 2:12

Loko munhu a rhwele nyama leyo hlawuleka ya magandzelo hi ku yi phutsela hi xiambalo xakwe, kutani a khumba swakudya hi xiambalo xexo, swo kota vuswa, kumbe xixevo xa matsavu, kumbe vhinyo, kumbe mafurha, kumbe swakudya swihi ni swihi, xana swi ta hlawuleka na swona ke?” Vaprista va hlamula va ku: “E-e!”

Levhitika 6:11

Loko a hetile, ú fanele ku hluvula leswi a swi ambaleke, a ambala swin'wana, kutani a olela nkuma lowu, a wu yisa ehandle ka mixaxa exivandleni lexi tengeke.

Levhitika 21:22

Hambiswiritano, wa pfumeleriwa ku dya swakudya swa magandzelo lama humeseriweke mina exivandleni lexo hlawuleka ngopfu, a nga dya ni tinyiko leto hlawuleka.