Levhitika 7:18 - BIBELE Mahungu Lamanene

¹⁸ Loko nyama leyi nga ta va ya ha sele hi siku ra vunharhu, yo dyiwa, loyi a humesaka magandzelo ya kona ya xinakulobye a nge nkhensiwi, swi ta tekiwa wonge a nga humesanga nchumu; sweswo swa yila, loyi a dyaka nyama ya kona ú ta va a tivangele nandzu.

Xitsonga (Bibele)

¹⁸ Kungakuloko va dya nyama ya gandzelo ra ku khensa hi siku ra vunharhu, la ri humeseke a nga ka a nga amukeriwi, ri nga ka ri nga hlayeriwi yena; xi ta va xilo lexi yilaka; la nga ta dya xona u ta rhwala nandzu wa yena.

Levhitika 7:18 Referans Kwoze

Tinhlayo 18:27

Kutani nhlengo wa n'wina wu ta tekiwa wu fana ni nhlengo wa lava humesaka vukhume hi mavele ya nguva leyintshwa ni vhinyo ya kona.

Levhitika 22:25

Naswona mi nga tshuki mi ndzi humesela swakudya hi swifuwo swo tano, leswi mi swi kumeke eka vanhu lava va nga riki Vaisraele. Swifuwo leswi a swi hetisekanga, swi tekiwa swi ri ni swivati, kutani a swi nga amukeriwi loko mo humesa ha swona magandzelo.”

Levhitika 11:41

“Swihadyana hinkwaswo leswi tateke misava, swa yila ku swi dya.

1 Petro 2:24

Yena hi byakwe, ú rhwele swidyoho swa hina emirini wa yena le xihambanweni, leswaku na hina hi fa hi tlhelo ra ku dyoha, hi hanyela ku lulama. Mi tshunguriwile hi mimpfembeti ya yena.

Vaheveru 9:28

swi tano na Kriste: Ú nyiketiwile kan'we ku rhwala swidyoho swa lavo tala; hikokwalaho, ú ta humelela ra vumbirhi, ku nga ri ku ta susa swidyoho, kambe ku ta ponisa lava va n'wi languteleke hi ku hiteka.

Varhoma 4:11

A a nga si yimba, ú yimbisiwile ndzhaku. Kutani ú nyikiwile ku yimba wu ri mfungho wo tiyisa ku lulama loku a ku kumeke hi ku pfumela, loko a nga si yimba. A swi ri leswaku Abrahama a ta va tatana emoyeni eka hinkwavo lava pfumelaka, kutani va hlayiwa lava lulameke hambiloko va nga yimbanga.

Luka 16:15

Yena a ku ka vona: “Loko mi ri n'wina, mi tiendla lava lulameke emahlweni ka vanhu; kambe Xikwembu xi tiva timbilu ta n'wina; hikuva leswi vanhu va swi tekaka swi ri swa le henhla, emahlweni ka Xikwembu a hi nchumu.

Malakiya 1:13

Mi vulavula mi ri karhi mi ndzi monya, mi ku: ‘Ndzhwalo wa kona, a hi ku tika ka wona!’ Loko mi ta ni swifuwo leswi yiviweke, kumbe leswi lamaleke ni leswi vabyaka, kutani mi ndzi humesela magandzelo hi swilo leswo tano, mina ndzi nga ka ndzi nga swi amukeli. Ndzi vula sweswo, mina HOSI.

Malakiya 1:10

Loko ingi ku nga va na un'wana exikarhi ka n'wina loyi a pfalaka timbanti ta Tempele, leswaku mi nga ha ti mi ta tshivela mindzilo mahala alitarini ya mina! A ndzi tsakeli ku mi vona, hambi ma ri magandzelo lawa mi ndzi humeselaka wona, a ndzi nga ma amukeli. Ndzi vurisa sweswo, mina HOSI ya matimba hinkwawo.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Hosiya 8:13

Va rhandza ngopfu ku humesa magandzelo, va tlhava swifuwo, va dya nyama, kambe sweswo a swi ndzi tsakisi mina HOSI. Milandzu ya vona a ndzi yi rivali mina HOSI, ndzi ta va bela swidyoho swa vona. Va ta fanela ku tlhelela etikweni ra Egipta.

Ezekiele 18:20

Munhu la dyoheke, hi yena ntsena loyi a fanelaka ku fa. N'wana a nge beriwi ku homboloka ka tata wa yena, na yena tatana a nge beriwi ku homboloka ka n'wana wa yena. Ku lulama ka munhu wo lulama, ku ta hanyisa yena ntsena, ni ku homboloka ka munhu wo homboloka ku ta dlayisa yena ntsena.

Yeremiya 14:12

Hambi va nga titsona swakudya, a ndzi nga yingisi swikhongelo swa vona. Loko va ndzi hisela magandzelo ya nyama kumbe ya mapa, a ndzi nga va amukeli, ndzi ta va herisa hi matlhari, ni tindlala, ni mintungu.”

Yeremiya 14:10

HOSI Xikwembu xi vula sweswo ehenhla ka vanhu lava, xi ri: “Va tsakela ku ndzi fularhela; a va tshami ehansi. Hikokwalaho mina HOSI a ndza ha va amukeli; swidyoho swa vona a ndzi nga swi rivali, ndzi ta va bela swona.”

Esaya 66:3

“Munhu loyi a ndzi humeselaka magandzelo hi homu, wa ha ri yena loyi a gandzelaka swikwembu swin'wana hi ku dlaya munhu; loyi a ndzi tlhavelaka nyimpfu, wa ha ri yena loyi a tlhavelaka swikwembu swin'wana embyana; loyi a ndzi humeselaka magandzelo hi swa le masin'wini, wa ha ri yena loyi a humeselaka swikwembu swin'wana ngati ya nguluve; loyi a ndzi hiselaka mirhi ya risuna, wa ha ri yena loyi a dzunisaka swikwembu swa swifaniso. Vanhu lava va endla hi ku rhandza, va tsakela swilo swa vona swa manyala.

Esaya 65:4

Va tshama emasirheni, va xwa vusiku va ri exihundleni; va dya nyama ya tinguluve, va nyamisa swibya swa vona hi ku chela eka swona swakudya leswi yilaka.

Levhitika 22:23

Loko mi humesa magandzelo lawa mi ngo ma humesa hi ku titwa, mi nga tlhava hambi yi ri nkuzi kumbe nyimpfu leyi mavoko kumbe milenge ya yona yi nga ringananiki; kambe xifuwo xo tano a xi nkhenseki eka magandzelo lawa mi tiboheke hi ku hlambanya leswaku mi ta ma humesa.

Levhitika 22:16

hi ku pfumelela munhu ntsena ku dya tinyiko ta kona; hikuva munhu wo tano ú ta va a tivangele nandzu lowu a nga ta fanela ku wu riha: Hi mina HOSI, Xikwembu lexi hlawulekisaka tinyiko leti.”

Levhitika 20:19

“Ku nga vi na munhu loyi a etlelaka ni makwavo wa mana wa yena, hikuva na yena i mana wa yena; naswona ku nga vi na loyi a etlelaka ni makwavo wa xisati wa tata wa yena, hikuva i hahani wa yena; lava endlaka sweswo va ta va va tivangele nandzu.

Levhitika 20:17

“Ku nga tshuka ku va ni wanuna loyi a tekaka makwavo wa yena, loyi va mameke vele rin'we, kumbe loyi va ngo hlangana eka tatana, kutani vanhu lava va etlela swin'we. Mhaka leyi yi nyumisa ngopfu; vanhu volavo ha vambirhi ka vona va fanele ku hlongoriwa, va ka vona va langutile. Wanuna ú ta va a tivangele nandzu hi ku etlela ni makwavo wa yena.

Levhitika 17:16

Kambe loko a nga hlantswi swiambalo, ni loko a nga hlambi miri, ú ta va a tivangele khombo.”

Levhitika 10:19

Aroni a hlamula Muxe, a ku: “Vona, namuntlha va humesile mhamba ya vona yo susa swidyoho, ni magandzelo ya vona lama hisiwaka emahlweni ka HOSI Xikwembu, kambe sweswo a swi sivelanga khombo leri ri ndzi humeleleke. Xana loko a ndzi lo dya nyama ya mhamba yo susa swidyoho namuntlha, a swi ta va swi tsakisile HOSI Xikwembu xana?”

Levhitika 10:17

“Hikwalaho ka yini mi nga dyanga nyama ya xiphongho xa mhamba yo susa swidyoho, mi yi dyela exivandleni lexo hlawuleka, xana? Nyama ya mhamba leyi yi hlawulekile swinene; mi nyikiwile yona leswaku mi ta susa ha yona swidyoho swa ntshungu wa Vaisraele, mi va basisa emahlweni ka HOSI Xikwembu.

Levhitika 5:17

“Munhu loyi a dyoheke, kambe ku nga ri ha vomu, a endla xin'wana xa swilo leswi ndzi leriseke leswaku swi nga tshuki swi endliwa, ú ni nandzu; kutani ú fanele ku wu rhwala;

Levhitika 7:19

Nyama leyi khumbaneke ni swilo leswi nga tengangiki, yi nga tshuki yi dyiwa, a yi hisiwe! “Vanhu hinkwavo lava tengeke, va nga dya nyama

Swivuriso 15:8

Magandzelo ya munhu wo homboloka, HOSI Xikwembu xa ma nyenya, kambe xi tsakela xikhongelo xa munhu wo lulama.

Levhitika 19:5

“Loko mi ndzi tlhavela xifuwo xa magandzelo ya xinakulobye, xi tlhaveni hi ndlela leyi yi nga ta endla leswaku ndzi mi tsakela.