Levhitika 7:14 - BIBELE Mahungu Lamanene

¹⁴ Eka swinkwa leswi ni swimbhundzwa leswi, a a pambule xin'we-xin'we, yi va nyiko leyi humeseriwaka HOSI Xikwembu; leswi swi ta va swa muprista loyi a nga ta fambisa ntirho wo xuva hi ngati ya xifuwo xa magandzelo lawa ya xinakulobye.

Xitsonga (Bibele)

¹⁴ Va ta pambula eka nyiko yin'wana ni yin'wana, ku avanyisa loku nga ta humeseriwa Yehovha; swi ta va swa muprista la xuveke ngati ya gandzelo ra ku khensa.

Levhitika 7:14 Referans Kwoze

Tinhlayo 18:19

“Mihlengo hinkwayo leyo hlawuleka leyi Vaisraele va ndzi humeselaka yona mina HOSI, ndzi ku nyika yona wena ni vana va wena hinkwavo, hilaha ku nga heriki; ntwanano lowu ndzi wu endlaka na wena ni vatukulu va wena, wu fana ni leswi lungiweke hi munyu, wu nga ka wu nga onhaki.”

Tinhlayo 31:41

Muxe a nyika muprista Eliyazara leswi humeseriweke HOSI Xikwembu, hilaha xi n'wi leriseke hakona.

Tinhlayo 31:29

Kutani swilo leswi u ta swi nyika muprista Eliyazara, wu va nhlengo lowu humeseriwaka mina HOSI.

Levhitika 6:26

Muprista loyi a nga ta fambisa ntirho wa mhamba yo susa swidyoho, hi yena ntsena loyi a nga ta dya nyama ya kona, a yi dyela exivandleni lexi hlawulekeke, ku nga xivaveni xa Ntsonga lowo Hlawuleka.

1 Vakorinto 10:18

Anakanyani maendlele ya Vaisraele. Xana lava dyaka swakudya leswi humeseriweke Xikwembu egandzelweni, a va hlanganisiwi na xona Xikwembu egandzelweni ra kona ke?

Duteronoma 18:8

Mulevhi wo tano ú ta kuma swakudya swo ringana ni swa lavan'wana, ehandle ka leswi a nga swi kumaka hi ku xavisa tinhundzu leti a siyeriweke tona hi vatata wa yena.