Levhitika 6:7 - BIBELE Mahungu Lamanene

⁷ Muprista ú ta n'wi basisa emahlweni ka mina, kutani ú ta rivaleriwa hinkwaswo leswi a nga vaka a tivangele nandzu hi ku endla swona.”

Xitsonga (Bibele)

⁷ Muprista u ta n'wi phahlela mhamba emahlweni ka Yehovha, kutani u ta rivaleriwa, hambi nandzu wa yena wu nga va wihi ni wihi.”

Levhitika 6:7 Referans Kwoze

Levhitika 4:26

Loko ma ri mafurha ya xiphongho, muprista ú ta ma hisa hinkwawo ehenhla ka alitari, ku fana ni mafurha ya xifuwo xa magandzelo ya xinakulobye. Hi ndlela leyi, muprista ú ta basisa swidyoho swa murhangeri loyi, kutani ú ta rivaleriwa swona.

1 Yohane 1:9

Kambe loko hi tivula swidyoho swa hina, Xikwembu xa tshembeka, xi avanyisa hi ku lulama, kutani xi ta hi rivalela swidyoho swa hina, xi hi hlantswa xi susa ku homboloka ka hina hinkwako.

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Matewu 12:31

“Hi laha ndzi nge ka n'wina: Vanhu va ta rivaleriwa xidyoho xihi ni xihi, hambi ri ri rito ra ku sandza Xikwembu; kambe loko va sandza Moya lowo Kwetsima, va nga ka va nga rivaleriwi;

Mikiya 7:18

We HOSI, xana xi kona xikwembu xin'wana lexi fanaka na wena xana? Vanhu lava nga masalela ya ndzhaka ya wena, wa va rivalela milandzu ya vona, a wu hlayeli leswaku va tiarise kangani. Loko u hlundzukile, vukari bya wena byi hatla byi rhelela, hikuva u tsakela ngopfu ku hi komba tintswalo ta wena leto tshembeka.

Ezekiele 33:19

Kambe loko munhu wo homboloka a hambana ni mintirho ya yena leyo biha, kutani a sungula ku endla leswi nga swona, swi nga leswo lulama, munhu yoloye ú ta ponisa vutomi bya yena.

Esaya 1:18

HOSI Xikwembu xi ri: “Tanani hi kanela mhaka swin'we: Hambiloko swidyoho swa n'wina swi mi tshwukisile mi fana ni xivunguvungu, ndzi ta mi basisa, mi fana ni gamboko; ni loko swi mi tshwukisile mi fana ni ngati, ndzi ta mi basisa mi fana ni voya lebyi basisiweke bya tinyimpfu.

Levhitika 5:18

a pambula rin'wana ra makhuna ya ntlhambi wa yena, leri nga solekiki, ra nxavo wo ringana ni wa xifuwo xa magandzelo yo riha milandzu, kutani a ri yisa eka muprista. Muprista ú ta basisa munhu loyi, kutani ú ta rivaleriwa xihoxo lexi a xi endleke ku nga ri ha vomu.

Levhitika 5:13

Hi ndlela leyi, muprista ú ta basisa munhu loyi eka xidyoho xihi na xihi lexi a xi endleke, kutani ú ta rivaleriwa. Mapa lawa ya saleke, ma ta va ya muprista, ku fana ni loko ku humesiwa magandzelo ya swa le masin'wini.”

Levhitika 5:10

Tuva lera vumbirhi, muprista ú ta humesa ha rona magandzelo lama hisiwaka, hi ku ya hi nawu wa kona. Hi ndlela leyi, muprista ú ta va a basisile munhu loyi, kutani ú ta rivaleriwa swidyoho leswi a swi endleke.

Levhitika 4:31

Munhu wa kona ú fanele ku tsema mafurha hinkwawo ya mbuti, ku fana ni leswi va tsemisaka swona mafurha ya xifuwo xa magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, ma va mhamba leyi ku nun'hwela ka yona ku nga ta tsakisa HOSI Xikwembu. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho swa yena.

Levhitika 4:20

Xinkuzana lexi, muprista ú ta xi humesa ku fana ni xinkuzana lexin'wana xa mhamba yo susa swidyoho, a basisa ntshungu ha xona, kutani wu ta rivaleriwa xidyoho xa wona.

Eksoda 34:7

lexi kombaka tintswalo leti to tshembeka ku fika eka rixaka ra khume ra madzana, lexi rivalelaka milandzu, ni ku tiarisa, ni swidyoho, kambe xi nga tshikiki ku ba lava dyoheke, ku fika eka vana va vona, ni ka vatukulu va vona ku yisa erixakeni ra vunharhu ni ra vumune.”

Levhitika 6:8

Kutani HOSI Xikwembu xi byela Muxe

Levhitika 7:2

Xifuwo xa kona xi fanele ku tlhaveriwa endhawini leyi ku tlhaveriwaka eka yona xifuwo xa magandzelo lama hisiwaka, kutani ngati ya xona yi tirhisiwa ku xuva alitari matlhelo hinkwawo.

Levhitika 2:1

“Loko munhu a humesela HOSI Xikwembu magandzelo ya swa le masin'wini, ú fanele ku humesa mapa lamanene, a ma chela mafurha, a ma n'wan'wasela ni murhi wa risuna.