Levhitika 6:16 - BIBELE Mahungu Lamanene

¹⁶ Mapa lama salaka ma ta dyiwa hi Aroni ni vana va yena; ma fanele ku endla xinkwa lexo-ke-comela, lexi nga ta dyeriwa exivandleni lexi hlawulekeke, ku nga xivaveni xa Ntsonga lowo Hlawuleka.

Xitsonga (Bibele)

¹⁶ Leswi nga ta sala, xi ta dyiwa hi Aroni ni vana va yena; va ta swi dya ni xinkwa lexo kala comela exivandleni lexo kwetsima, exivaveni xa tabernakela ya nhlengeletano.

Levhitika 6:16 Referans Kwoze

Ezekiele 44:29

Hinkwaswo leswi Vaisraele va swi nyiketaka eka mina, loko va ndzi tisela swa le masin'wini kumbe loko va ndzi humesela magandzelo yo susa swidyoho kumbe yo riha milandzu, hi swona leswi vaprista va nga ta kuma swona.

Levhitika 2:3

Mapa lama saleke eka magandzelo lawa, ma ta va ya Aroni ni vana va yena; ma hlawulekile swinene, hikuva hi lawa ma saleke eka mhamba leyi hiseriwaka HOSI Xikwembu.

Levhitika 6:26

Muprista loyi a nga ta fambisa ntirho wa mhamba yo susa swidyoho, hi yena ntsena loyi a nga ta dya nyama ya kona, a yi dyela exivandleni lexi hlawulekeke, ku nga xivaveni xa Ntsonga lowo Hlawuleka.

Eksoda 12:8

“Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

1 Vakorinto 5:8

Hikokwalaho, a hi endleni nkhuvo ku nga ri hi comela xa khale, ku nga ri hi comela xa vudyoho ni ku homboloka, kambe ku ri hi xinkwa xo-ke-comela, xo tenga ni xa ntiyiso.

Levhitika 5:13

Hi ndlela leyi, muprista ú ta basisa munhu loyi eka xidyoho xihi na xihi lexi a xi endleke, kutani ú ta rivaleriwa. Mapa lawa ya saleke, ma ta va ya muprista, ku fana ni loko ku humesiwa magandzelo ya swa le masin'wini.”

Tinhlayo 18:8

Kutani HOSI Xikwembu xi ku ka Aroni: “Ndzi veka emavokweni ya wena ntirho wa ku hlayisa mihlengo leyo hlawuleka hinkwayo leyi Vaisraele va ndzi humeselaka yona; eka yona, ku ta va ni leswi mi nga ta lawuriwa swona, wena ni vana va wena hilaha ku nga heriki.

Levhitika 6:23

Leswi vaprista va humesaka ha swona magandzelo ya vona ya swa le masin'wini, swi fanele ku hisiwa hinkwaswo, ku nga dyiwi nchumu eka swona.”

2 TIKRONIKA 31:14

Loyi a amukelaka tinyiko leti vanhu va ti humeselaka Xikwembu hi ku titwa, a a ri Kore n'wana Imina wa ka Levhi, mulanguteri wa nyangwa ya Tempele ya le vuxeni; naswona hi yena loyi a a pambula eka leswi humeseriwaka HOSI Xikwembu ni ka leswo hlawuleka ngopfu, a phamela ha swona vaprista ni Valevhi.