Levhitika 6:11 - BIBELE Mahungu Lamanene

¹¹ Loko a hetile, ú fanele ku hluvula leswi a swi ambaleke, a ambala swin'wana, kutani a olela nkuma lowu, a wu yisa ehandle ka mixaxa exivandleni lexi tengeke.

Xitsonga (Bibele)

¹¹ U ta susa tinguvu ta yena, a ambala tin'wana, hi kona a nga ta yisa nkuma ehandle ka mixaxa, exivandleni lexi tengeke.

Levhitika 6:11 Referans Kwoze

Ezekiele 44:19

Loko va huma eTempeleni ku ya hlangana ni vanhu exivaveni xa le handle, va ta rhanga va hluvula swiambalo swa vona swa vuprista leswi va swi ambalaka loko va ri entirhweni; va ta swi siya emakamarini ya swona layo hlawuleka, kutani va ambala swiambalo swin'wana, hikuva vanhu ntsena va nga tshuka va tivangela khombo loko va khumba swiambalo leswo hlawuleka swa vaprista.

Levhitika 4:12

ú ta swi rhwala hinkwaswo, a huma na swona emixaxeni, a ya swi hisela exivandleni lexi tengeke, lexi minkuma ya magandzelo yi cheriwaka eka xona.

Levhitika 16:27

Naswona xinkuzana ni xiphongho xa mhamba yo susa swidyoho, swi nga swifuwo leswi ngati ya swona yi yisiweke exivandleni xo hlawuleka ku xi basisa, swi fanele ku rhwariwa swi yisiwa ehandle ka mixaxa, kutani nyama ya swona yi ta hisiwa kona, swin'we ni dzovo ni nswanyi.

Levhitika 4:21

Ú ta rhwala nyama ya xinkuzana lexi a huma na yona emixaxeni, a ya yi hisa ku fana ni nyama ya xinkuzana lexo sungula. Leyi hi yona mhamba yo susa swidyoho swa ntshungu.

Levhitika 6:10

Muprista ú fanele ku ambala hembe ya yena ya ntsembyani ni xiburukwana xa ntsembyani xo tisiva ha xona, a teka nkuma lowu saleke alitarini loko ku hisiwa magandzelo, a wu chela kusuhi ni alitari.

Levhitika 6:12

Ndzilo wa le alitarini wu fanele ku hlanganyetiwa leswaku wu nga timeki. Mpundzu wun'wana ni wun'wana, muprista ú ta tlhandleka tihunyi tin'wana, a veketela nyama ya magandzelo lama hisiwaka ehenhla ka tona, a hisa ni mafurha ya magandzelo ya xinakulobye.

Eksoda 29:37

Hi masiku lawa ya 7, u ta humesela alitari emhamba ya ku yi basisa, u yi hlawulekisa; hikokwalaho yi ta va leyi hlawulekeke swinene, kutani xin'wana ni xin'wana lexi nga ta khumbana na alitari xi ta hundzuka lexi hlawulekeke.”

Levhitika 6:20

“Siku leri Aroni ni vana va yena va cheriwaka mafurha enhlokweni, va fanele ku humesela HOSI Xikwembu magandzelo hi swilo leswi: xintewana xin'we xa mapa lamanene, wu nga mpimo lowu ringanaka ni mapa ya magandzelo ya siku rin'wana ni rin'wana; a va humese hafu nimpundzu, hafu leyin'wana nimadyambu.

Levhitika 6:22

Loyi a fanelaka ku hisa xinkwa lexi exikarhi ka vana va Aroni, hi loyi a nga ta cheriwa mafurha enhlokweni leswaku a teka ntirho wa Aroni. Xinkwa lexi xi fanele ku humesiwa hinkwaxo, xi hiseriwa HOSI Xikwembu hi ku landza nawu lowu nga ta ka wu nga hundzuki.

Levhitika 7:6

Wanuna un'wana ni un'wana loyi a nga muprista a nga dya nyama ya xifuwo xa kona, yi dyeriwa exivandleni lexi hlawulekeke, hikuva yi hlawulekile ngopfu.

Levhitika 24:9

Swinkwa leswi swi ta va swa Aroni ni vana va yena; va ta swi dyela exivandleni lexi hlawulekeke, hikuva swi ta va xiphemu lexo hlawuleka ngopfu lexi va nga ta hamba va nyikiwa xona hilaha ku nga heriki, eka magandzelo lama humeseriwaka mina HOSI.”