Levhitika 6:10 - BIBELE Mahungu Lamanene

¹⁰ Muprista ú fanele ku ambala hembe ya yena ya ntsembyani ni xiburukwana xa ntsembyani xo tisiva ha xona, a teka nkuma lowu saleke alitarini loko ku hisiwa magandzelo, a wu chela kusuhi ni alitari.

Xitsonga (Bibele)

¹⁰ Muprista u ta ambala hembe ya ntsembyana, ni buruku ra ntsembyana, kutani u ta susa nkuma wa ndzilo lowu nga hisa mhamba ealitarini, a wu veka etlhelweni ra alitari.

Levhitika 6:10 Referans Kwoze

Levhitika 16:4

Ú fanele ku ambala swiambalo swa ntsembyani swa vaprista, ku nga hembe, ni xiburukwana, ni vamba, ni xihuku; kambe ú fanele ku rhanga a hlamba miri a nga si swi ambala, hikuva swi hlawulekile.

Nhlavutelo 19:14

Kutani mavandla ya le tilweni lama ambaleke tinguvu ta ntsembyani wa risima, lowo basa ni wa nkoka, ma n'wi landzelela ma gadile tihanci to basa.

Nhlavutelo 19:8

ú nyikiwile ku ambala swa ntsembyani wa risima, wo vangama ni wa nkoka.” Leswi swa “ntsembyani wa risima”, swi vula mintirho yo lulama ya vahlawuriwa va Xikwembu.

Nhlavutelo 7:13

Kutani un'wana wa vakulukumba a ndzi vutisa a ku: “Lava ambaleke tinguvu to leha leto basa i vamani xana? Va huma kwihi xana?”

Pisalema 37:20

kambe lavo homboloka va nge poni, valala va HOSI Xikwembu va ta vuna kukota swiluva swa le nhoveni, va ta tshwa va hela, va nyamalala.

Pisalema 20:3

A xi tsundzuke tinyiko hinkwato leti u ti humeseke, xi amukela ni magandzelo ya wena lama hisiwaka!

Tinhlayo 16:35

Kutani HOSI Xikwembu xi xikisa ndzilo wa xona wu hisa lava 250 lava humeseke mirhi ya risuna, va fa.

Tinhlayo 16:21

“Hambanani ni ntlawa wolowo, hikuva ndzi lava ku va herisa hinkwavo sweswi.”

Levhitika 1:13

Loko swi ri swa le ndzeni ni manqina, swona ú fanele ku rhanga a swi hlantswa. Kutani muprista ú ta teka nyama hinkwayo a yi hisa ehenhla ka alitari. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 1:9

Loko swi ri swa le ndzeni ni manqina, swi fanele ku rhanga swi hlantswiwa. Kutani muprista ú ta hisa nyama hinkwayo alitarini. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 4:12

ú ta swi rhwala hinkwaswo, a huma na swona emixaxeni, a ya swi hisela exivandleni lexi tengeke, lexi minkuma ya magandzelo yi cheriwaka eka xona.

Levhitika 6:11

Loko a hetile, ú fanele ku hluvula leswi a swi ambaleke, a ambala swin'wana, kutani a olela nkuma lowu, a wu yisa ehandle ka mixaxa exivandleni lexi tengeke.

Levhitika 8:2

“Tana na Aroni ni vana va yena enyangweni ya Ntsonga lowo Hlawuleka, u teka ni swiambalo swa vuprista, ni mafurha yo tola, ni xinkuzana xa mhamba yo susa swidyoho, ni makhuna mambirhi, ni xirhundzu xa swinkwa leswo-ke-comela,

Ezekiele 44:19

Loko va huma eTempeleni ku ya hlangana ni vanhu exivaveni xa le handle, va ta rhanga va hluvula swiambalo swa vona swa vuprista leswi va swi ambalaka loko va ri entirhweni; va ta swi siya emakamarini ya swona layo hlawuleka, kutani va ambala swiambalo swin'wana, hikuva vanhu ntsena va nga tshuka va tivangela khombo loko va khumba swiambalo leswo hlawuleka swa vaprista.

Levhitika 2:11

“Magandzelo hinkwawo ya swa le masin'wini lawa mi ma humeselaka HOSI Xikwembu ma nga tshuki ma cheriwa comela, hikuva a ma cheriwi comela kumbe vulombe loko mi hisela HOSI Xikwembu emhamba;

Levhitika 6:18

Xinkwa lexi xi ta dyiwa hi vana va xinuna va ka Aroni, hi ku landza nawu lowu mi vekeriweke wona hi tlhelo ra magandzelo lama hiseriwaka HOSI Xikwembu. Nawu lowu wu boha n'wina ni vatukulu va n'wina hilaha ku nga heriki. Un'wana ni un'wana loyi a nga ta khumba xinkwa lexi, ú ta hundzuka loyi a hlawulekeke.”

Levhitika 6:22

Loyi a fanelaka ku hisa xinkwa lexi exikarhi ka vana va Aroni, hi loyi a nga ta cheriwa mafurha enhlokweni leswaku a teka ntirho wa Aroni. Xinkwa lexi xi fanele ku humesiwa hinkwaxo, xi hiseriwa HOSI Xikwembu hi ku landza nawu lowu nga ta ka wu nga hundzuki.

Levhitika 21:22

Hambiswiritano, wa pfumeleriwa ku dya swakudya swa magandzelo lama humeseriweke mina exivandleni lexo hlawuleka ngopfu, a nga dya ni tinyiko leto hlawuleka.