Levhitika 5:2 - BIBELE Mahungu Lamanene

² Kumbe munhu a nga tshuka a khumba xilo lexi nyameke xo fana ni ntsumbu wa xiharhi, kumbe wa xifuwo, kumbe wa xihadyana xin'wana; hambiloko a nga swi tivi, ú nyamisiwile kutani ú ni nandzu.

Xitsonga (Bibele)

² Kumbe loko munhu a khumba a nga swi tivi, xilo lexi yilaka, kukotisa ntsumbu wa xiharhi, hambi wu ri ntsumbu wa xifuwo, hambi wu ri ntsumbu wa xikokovi, u tinyamisile, u ni nandzu.

Levhitika 5:2 Referans Kwoze

Levhitika 5:17

“Munhu loyi a dyoheke, kambe ku nga ri ha vomu, a endla xin'wana xa swilo leswi ndzi leriseke leswaku swi nga tshuki swi endliwa, ú ni nandzu; kutani ú fanele ku wu rhwala;

Duteronoma 14:8

Nguluve yi na swona swinyondzwana leswi avaneke hi le xikarhi, kambe eka n'wina a yi ve leyi nga tengangiki, hikuva a yi gayeli; mi nga tshuki mi dya nyama ya yona, hambi wu ri ntsumbu wa yona mi nga wu khumbi.

Hagayi 2:13

Hagayi a ya emahlweni a ku: “Loko munhu un'wana a nyamisiwile hi ku khumbana ni xilo lexi feke, kutani a ya khumba swakudya leswi, xana swi ta nyamisiwa na swona ke?” Vaprista va hlamula va ku: “Ina, swi ta nyamisiwa na swona.”

Levhitika 11:11

Minkarhi hinkwayo, ku dya nyama ya swona swi ta yila eka n'wina, hambi ku ri ku swi khumba loko swi file, swa yila.

2 Vakorinto 6:17

Hikokwalaho, Hosi yi ri: “Humani exikarhi ka vona, mi hambana na vona; mi nga tshuki mi khumba leswi nga tengangiki, kutani ndzi ta mi amukela.

Luka 11:44

“Mi ni khombo n'wina, hikuva mi fana ni masirha lama nga vonakiki, lawa vanhu va ma kandziyelaka va nga ma tivi.”

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Pisalema 19:12

I mani loyi a nga vonaka swihoxo swa yena xana? Ndzi basise eka milandzu leyi tumbeleke.

Levhitika 7:21

Munhu a nga tshuka a khumbana ni xilo lexi nga tengangiki; ku nga va thyaka ra vanhu, kumbe xiharhi lexi nga tengangiki, kumbe xilo xihi na xihi lexi yilaka hi ku ka xi nga tenganga; loko munhu wo tano o dya nyama ya xifuwo xa magandzelo ya xinakulobye lama humeseriwaka HOSI Xikwembu, ú fanele ku hlongoriwa a suka exikarhi ka va ka vona.”

Levhitika 5:4

Kumbe munhu a nga tshuka a tiboha hi ku hlambanya leswaku a ta endla swin'wana, swi nga va leswo biha kumbe leswinene, kutani a nga rhangi hi ku tiehleketa swinene; ku nga va ku hlambanya kwihi na kwihi loku vanhu va nga tibohaka ha kona va nga tiehleketanga. Hambiloko xidyoho xa yena a nga xi tivi, siku a byeriwaka xona, ú ta va ni nandzu.

Levhitika 4:13

“Ntshungu hinkwawo wa Vaisraele wu nga tshuka wu dyoha ku nga ri ha vomu, naswona wu nga swi tivi leswaku wu dyohile, hi ku endla xin'wana xa swilo leswi HOSI Xikwembu xi leriseke leswaku swi nga tshuki swi endliwa, kutani ntshungu wu tikuma wu ri ni nandzu.

Levhitika 5:3

Kumbe munhu un'wana a nga tshuka a khumbile thyaka rihi na rihi ra vanhu leri nyamisaka; hambiloko a nga swi tivi leswaku ú khumbile swin'wana, siku a swi tivaka ú ta va ni nandzu.

Levhitika 11:8

Mi nga tshuki mi dya nyama ya swiharhi leswi, ni loko swi file, mi nga tshuki mi swi khumba; eka n'wina a swi ve leswi nga tengangiki.

Tinhlayo 19:22

Xin'wana ni xin'wana lexi khumbiwaka hi munhu loyi a nga tengangiki, na xona xi ta va xi nga tenganga; naswona un'wana ni un'wana la nga ta khumba xilo xexo, na yena ú ta va a nga tenganga, dyambu ri kondza ri pela.”