Levhitika 5:16 - BIBELE Mahungu Lamanene

¹⁶ Tlhandlakambirhi, ú fanele ku humesa mihlengo leyi a a rivele ku yi humesa, a tlhandlekela hi xiphemu xa ⅕ xa nxavo wa kona, a ya nyika muprista. Muprista ú ta n'wi basisa hi khuna ra gandzelo ro riha milandzu, kutani ú ta rivaleriwa nandzu wa yena.

Xitsonga (Bibele)

¹⁶ U ta humesa mali ya lexi a xi tekeke xi ri xa vukwetsimelo; kambe a engetela hi vuntlhanu bya swona, a swi nyika muprista; kutani muprista u ta n'wi phahlela mhamba hi khuna leri humesiwaka ku va gandzelo ra ku riha, kutani u ta rivaleriwa.

Levhitika 5:16 Referans Kwoze

Tinhlayo 5:7

Hikokwalaho, ú fanele ku nkhensa nandzu wa yena, a riha hinkwaswo hi ku tlherisela loyi a n'wi dyoheleke swilo leswi onhakeke, a tlhela a tlhandlekela xiphemu xa ⅕ xa nxavo va swilo swa kona.

Levhitika 22:14

“Loko munhu ntsena o tshuka a dya tinyiko leto hlawuleka, kambe ku nga ri ha vomu, ú fanele ku tlherisela muprista swo ringana ni leswi a swi dyeke, a tlhandlekela hi xiphemu xa swona xa ⅕.

Levhitika 27:31

Loko munhu a lava ku kutsula byin'wana vukhume bya yena, ú fanele ku tlhandlekela xiphemu xa ⅕ eka mali yo kutsula ha yona.

Levhitika 27:27

Kambe loko xifuwo xa kona xi ri lexi nga tengangiki, n'wini wa xona a nga xi kutsula hi mali leyi vekiweke, a tlhandlekela hi xiphemu xa ⅕ xa yona. Loko xi nga kutsuriwi, xi fanele ku xavisiwa hi mali ya kona leyi vekiweke.

Levhitika 27:15

Loko munhu loyi a nyiketeke yindlu ya yena eka mina HOSI a lava ku yi kutsula, ú fanele ku humesa mali leyi vekiweke, a tlhandlekela hi xiphemu xa ⅕ xa mali ya kona. Kutani yindlu leyi yi ta tlhela yi va ya yena.

Levhitika 27:13

Loko n'wini wa xifuwo a lava ku xi kutsula, ú fanele ku humesa mali leyi muprista a vekeke yona, a tlhela a tlhandlekela hi xiphemu xa ⅕ xa mali ya kona.

Levhitika 5:10

Tuva lera vumbirhi, muprista ú ta humesa ha rona magandzelo lama hisiwaka, hi ku ya hi nawu wa kona. Hi ndlela leyi, muprista ú ta va a basisile munhu loyi, kutani ú ta rivaleriwa swidyoho leswi a swi endleke.

Timhaka 26:20

Ndzi sungurile hi va le Damaska ni va le Yerusalema, ndzi ya emahlweni etikweni hinkwaro ra Yudiya, ni le ka vamatiko, ndzi ri karhi ndzi va khongotela ku hundzuka, va tlhelela eka Xikwembu, kutani va tirha mintirho leyi fambelanaka ni ku hundzuka ka vona.

Luka 19:8

Hiloko Zakiya a suka a yima, a ku ka Hosi: “Vona Hosi, ndzi ta avanyisa rifuwo ra mina hi le xikarhi, ndzi nyika swisiwana; ni loko ndzi tekile xilo xa munhu hi ku n'wi xisa, ndzi ta n'wi tlherisela xona ka mune.”

Pisalema 69:4

Lava va ndzi vengaka mahala, va tele ku tlula misisi ya nhloko ya mina; valala va mina lava, va ni matimba va ringeta ku ndzi herisa, va ndzi hembela va ku ndzi fanele ku tlherisa leswi ndzi nga swi yivangiki.

Levhitika 5:13

Hi ndlela leyi, muprista ú ta basisa munhu loyi eka xidyoho xihi na xihi lexi a xi endleke, kutani ú ta rivaleriwa. Mapa lawa ya saleke, ma ta va ya muprista, ku fana ni loko ku humesiwa magandzelo ya swa le masin'wini.”

Levhitika 5:6

kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

Levhitika 4:26

Loko ma ri mafurha ya xiphongho, muprista ú ta ma hisa hinkwawo ehenhla ka alitari, ku fana ni mafurha ya xifuwo xa magandzelo ya xinakulobye. Hi ndlela leyi, muprista ú ta basisa swidyoho swa murhangeri loyi, kutani ú ta rivaleriwa swona.

Eksoda 22:1

“Loko munhu a yiva homu kumbe nyimpfu, kutani a yi dlaya kumbe a yi xavisa, homu ya kona ú ta yi riha hi ntlhanu wa tihomu, kasi nyimpfu yona ú ta yi riha hi mune wa tinyimpfu.

Levhitika 7:2

Xifuwo xa kona xi fanele ku tlhaveriwa endhawini leyi ku tlhaveriwaka eka yona xifuwo xa magandzelo lama hisiwaka, kutani ngati ya xona yi tirhisiwa ku xuva alitari matlhelo hinkwawo.

Tinhlayo 5:8

Kambe loko mudyoheriwa a nga ri na xaka leri swilo swo riha nandzu swi nga ta tlheriseriwa eka rona, swilo swa kona swi fanele ku yisiwa eka mina HOSI, swi va swa muprista, swi tlhandlekela nyimpfu ya mhamba leyi humeseriwaka ku basisa muonhi.

1 SAMIELE 6:3

Va hlamula va ku: “Loko mi tlherisa Areka ya Xikwembu xa Israele, mi nga yi tlherisi ntsena, kambe ringetani hi matimba ku yi tlherisa yi ri ni mhamba yo riha nandzu eka Xikwembu lexi, hi kona mi nga ta hola, naswona hi kona mi nga ta tiva leswi a swi mi vangela ku biwa hi nkhavi wa Xikwembu.”

Levhitika 4:20

Xinkuzana lexi, muprista ú ta xi humesa ku fana ni xinkuzana lexin'wana xa mhamba yo susa swidyoho, a basisa ntshungu ha xona, kutani wu ta rivaleriwa xidyoho xa wona.