Levhitika 5:11 - BIBELE Mahungu Lamanene

¹¹ “Loko munhu loyi a pfumala matuva mambirhi kumbe mavondlo mambirhi ya matuva yo susa ha wona xidyoho lexi a xi endleke, a nga humesa xintewana xin'we xa mapa lamanene yi va mhamba yo susa swidyoho leswi a swi endleke; mapa lawa, ma nga tshuki ma cheriwa mafurha kumbe murhi wa risuna, hikuva i mhamba yo susa swidyoho.

Xitsonga (Bibele)

¹¹ “ ‘Loko a pfumala matuva mambirhi hambi mavondlo mambirhi ya magugurhwana, u ta humesela nandzu wa yena ku avanyisa ka vukhume ka efa ya mapa layo basa, yi ta va mhamba ya nandzu. A nga tshuki a chela mafurha ehenhla ka wona, hambi yi ri mirhi ya risuna, hikuva i mhamba ya nandzu.

Levhitika 5:11 Referans Kwoze

Tinhlayo 5:15

Loko swi ri tano, wanuna loyi ú fanele ku ya ni nsati wa yena eka muprista, a ri ni swo humesa gandzelo leri lavekaka eka wansati wo tano, xi nga xintewana xin'we xa mapa ya maxalana; a nga tshuki a chela mafurha kumbe murhi wa risuna emapeni lawa, hikuva i mapa ya gandzelo ra wanuna wo ehleketela nsati ni ra ku paluxa timhaka leswaku ntiyiso wu humela erivaleni.

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Tinhlayo 7:13

Nhlengo wa yena a wu ri lowu: Ndyelo ya silivhere yo tika 1,56 kg, ni xihiso xa silivhere xo tika 840 g, hi ku ya hi ntiko wa lexi ku pimiwaka ha xona lexi hlayisiwaka exivandleni lexo hlawuleka, haswimbirhi ka swona swi tele hi mapa lamanene ya gandzelo lama pfanganyisiweke ni mafurha;

Levhitika 5:12

Munhu wa kona ú fanele ku yisa mapa lawa eka muprista, kutani muprista ú ta nusa yo tata xandla, ma va yo suma ha wona, a ma hisa alitarini, swin'we ni magandzelo lama hiseriwaka HOSI Xikwembu; leyi i mhamba yo susa swidyoho.

Levhitika 5:9

Kutani ú ta teka ngatinyana ya tuva leri ra mhamba yo susa swidyoho, a xuva ha yona lomu matlhelo ka alitari; ngati leyin'wana hinkwayo, ú ta yi kamela ehansi ka alitari; leyi hi yona mhamba yo susa swidyoho.

Levhitika 5:6

kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

Eksoda 16:36

(Mpimo wa xintewana lowu vuriwaka “omere” wu nghena ka khume eka mpimo lowu vuriwaka “efa”.)

Eksoda 16:18

Kambe loko va swi pima hi xintewana, va kuma leswaku lava nga hlengeleta swo tala, a va nga ri na leswi tlulaka mpimo, ni lava nga hlengeleta switsongo, a va nga kayivelanga; un'wana ni un'wana a a hlengeletile leswi a nga kotaka ku dya a swi heta.

Luka 2:24

Naswona va humesa magandzelo lama lerisiweke eNawini wa Hosi, ma nga matuva mambirhi, kumbe mavondlo mambirhi ya matuva.

Vaheveru 9:22

Hikuva hakunene, ehansi ka Nawu, hi nga ku hinkwaswo swi basisiwa hi ku cheriwa ngati, kutani ehandle ka ku halatiwa ka ngati ku hava ku rivaleriwa ka swidyoho.

Levhitika 1:14

“Loko munhu a lava ku humesela HOSI Xikwembu yin'wana ya tinyanyana, a endla ha yona magandzelo lama hisiwaka, ú fanele ku humesa matuva kumbe mavondlo ya matuva.

Levhitika 6:20

“Siku leri Aroni ni vana va yena va cheriwaka mafurha enhlokweni, va fanele ku humesela HOSI Xikwembu magandzelo hi swilo leswi: xintewana xin'we xa mapa lamanene, wu nga mpimo lowu ringanaka ni mapa ya magandzelo ya siku rin'wana ni rin'wana; a va humese hafu nimpundzu, hafu leyin'wana nimadyambu.

Levhitika 14:21

“Munhu wa xisiwana, loyi a pfumalaka swifuwo swo ringana swo humesa ha swona magandzelo yo riha milandzu, a nga humesa xinyimpfana xin'we ntsena xa khuna, xi va nyiko leyo hlawuleka ya HOSI Xikwembu, leswaku a basisiwa ha yona; ú fanele ku humesa ni xintewana xin'we xa mapa lamanene, ma nga mapa ya magandzelo ya swa le masin'wini lama pfanganyisiweke ni mafurha; naswona ú ta ta ni xikhudzanyana xin'we xa mafurha man'wana.

Levhitika 27:8

Loko loyi a tiboheke hi ku hlambanya a ri xisiwana, a tsandzeka ku hakela mali leyi vekiweke, a a yise munhu loyi a n'wi humesaka eka muprista, kutani muprista ú ta fika a veka mali leyi loyi a hlambanyeke a nga ta yi kota.

Levhitika 12:8

Loko wansati wa kona a pfumala xinyimpfana, a nga ta ni matuva mambirhi kumbe mavondlo mambirhi ya matuva; rin'we ri ta va ra magandzelo lama hisiwaka, lerin'wana ri va ra mhamba yo susa swidyoho. Muprista ú ta basisa wansati hi matuva lawa, kutani wansati ú ta tlhela a va la tengeke.”