Levhitika 4:5 - BIBELE Mahungu Lamanene

⁵ Kutani Muprista Lonkulu loyi ú fanele ku teka ngatinyana ya xinkuzana, a nghena na yona eka Ntsonga lowo Hlawuleka,

Xitsonga (Bibele)

⁵ Muprista, la kwetsimisiweke hi mafurha, u ta teka ngati ya nkunzi, a yi tisa etabernakeleni ya nhlengeletano;

Levhitika 4:5 Referans Kwoze

Levhitika 16:14

Kutani Aroni ú fanele ku peta ritiho ra yena kan'we engatini ya xinkuzana, a yi n'watseka ehenhla ka xitshamu xa ndzivalelo hi tlhelo ra le vuxeni, a tlhela a peta ritiho ka 7, a ri karhi a n'watseka ngati a yi kongomisa emahlweni ka Areka.

Tinhlayo 19:4

Muprista Eliyazara ú ta peta ritiho ra yena engatini ya thokazi ka 7, a ri karhi a yi n'watseka a yi kongomisa etlhelweni ra nyangwa ya Ntsonga lowo Hlawuleka.

1 Yohane 1:7

Kambe loko hi famba eku vonakaleni, kukota leswi xona xi nga eku vonakaleni, ha twanana, hi ni xinakulobye, kutani ngati ya Yesu N'wana wa xona ya hi hlantswa yi susa swidyoho hinkwaswo.

Levhitika 16:19

Kutani ú ta peta ritiho ra yena engatini ka 7, a ri karhi a yi n'watseka, a yi kongomisa etlhelweni ra alitari; ú ta basisa alitari ni ku yi hlawulekisa, hikuva Vaisraele va ta va va yi nyamisile.

Levhitika 4:3

Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Levhitika 6:23

Leswi vaprista va humesaka ha swona magandzelo ya vona ya swa le masin'wini, swi fanele ku hisiwa hinkwaswo, ku nga dyiwi nchumu eka swona.”

Levhitika 16:15

“Kutani Aroni ú fanele ku tlhava xiphongho xa mhamba yo susa swidyoho swa Vaisraele, a nghena ni ngati ya xona exivandleni lexi pfariweke hi xisirhelelo, kutani a yi n'watseka ku fana ni ngati ya xinkuzana, a yi kongomisa ehenhla ka xitshamu xa ndzivalelo ni le mahlweni ka Areka.