Levhitika 4:4 - BIBELE Mahungu Lamanene

⁴ U ta ta ni xinkuzana xexo enyangweni ya Ntsonga lowo Hlawuleka, a fika a tlhandleka voko ra yena enhlokweni ya xona, kutani a xi tlhavela kona, emahlweni ka HOSI Xikwembu.

Xitsonga (Bibele)

⁴ U ta tisa nkunzi enyangweni ya tabernakela ya nhlengeletano, emahlweni ka Yehovha; u ta tlhandleka voko ra yena enhlokweni ya nkunzi, kutani va ta yi tlhava emahlweni ka Yehovha.

Levhitika 4:4 Referans Kwoze

1 Petro 3:18

Kriste na yena ú fele swidyoho kan'we, a fela n'wina; yena munhu lowo lulama ú fele lava nga lulamangiki, leswaku a ta mi fikisa eka Xikwembu; ú dlayiwile hi tlhelo ra miri, kambe ú endliwile la hanyaka hi tlhelo ra moya.

Daniele 9:26

Eku heleni ka nkarhi lowu wa malembe ya 7 lama hlayiwaka ka 62, muhlawuriwa wa Xikwembu ú ta dlayiwa, ku ri hava la n'wi yimelelaka. Kutani ku ta humelela mufumi un'wana la nga ta herisa muti ni Tempele hi mavuthu ya yena. Ku hela ka swona ku ta fana ni ndhambi: Ku ta va ni tinyimpi ni maxangu ku fikela makumu, hilaha swi bohiweke hakona.

Esaya 53:6

Hinkwerhu a hi fana ni tinyimpfu leti lahlekeke, un'wana ni un'wana a a tifambela hi ndlela ya yena; hambiswiritano, HOSI Xikwembu xi tekile swidyoho swa hina hinkwerhu, xi swi rhwexa munhu loyi.

Levhitika 16:21

ú ta tlhandleka mavoko enhlokweni ya xiphongho xexo, a ri karhi a longoloxa mintirho hinkwayo leyo biha ya Vaisraele, ni ku tiarisa ka vona, ni swidyoho swa vona hinkwaswo; loko a swi vekile enhlokweni ya xiphongho, ú ta xi rhumela emananga, xi khayimiwa hi wanuna loyi a tilunghiseleke ntirho lowu.

Levhitika 4:15

vakulukumba va kona va fika va tlhandleka mavoko enhlokweni ya xinkuzana lexi, kutani xinkuzana xi tlhaviwa emahlweni ka HOSI Xikwembu.

Levhitika 4:29

a fika a tlhandleka voko ra yena enhlokweni ya mbuti leyi ya mhamba yo susa swidyoho, a yi tlhavela endhawini leyi va tlhavelaka eka yona swifuwo swa magandzelo lama hisiwaka.

Levhitika 8:14

Muxe a ta ni xinkuzana xa mhamba yo susa swidyoho, Aroni ni vana va yena va tlhandleka mavoko ya vona enhlokweni ya xinkuzana lexi.

Tinhlayo 8:12

Valevhi va ta tlhandleka mavoko ehenhla ka tinhloko ta tinkuzi, kutani Valevhi va ta basisiwa hi ku tlhaviwa ka tinkuzi leti, yin'we yi va ya mhamba yo susa swidyoho, leyin'wana yi va ya gandzelo leri hisiwaka, ri humeseriwa mina HOSI.

2 TIKRONIKA 29:23

Kutani eku heteleleni, ku tisiwa timbuti ta mhamba yo susa swidyoho, ti yimisiwa emahlweni ka hosi Hezekiya ni nhlengeletano hinkwayo, kutani vanhu hinkwavo va tlhandleka mavoko ya vona etinhlokweni ta tona.