Levhitika 4:3 - BIBELE Mahungu Lamanene

³ Loko loyi a dyoheke a ri Muprista lonkulu, nandzu wa kona wu khumba Vaisraele hinkwavo; hikokwalaho ú ta fanela ku humesela HOSI Xikwembu xinkuzana lexi nga solekiki, yi va mhamba yo susa xidyoho lexi a xi endleke.

Xitsonga (Bibele)

³ Loko a ri muprista la kwetsimisiweke hi mafurha loyi a dyoheke, a tisele tiko nandzu hikwalaho ka xidyoho lexi a xi endleke, u ta humesela Yehovha nkunzi leyi nga riki na xivati, ri va gandzelo ra nandzu.

Levhitika 4:3 Referans Kwoze

2 Vakorinto 5:21

“Vuyelelanani na Xikwembu!” Kriste a a nga ri na xidyoho; hambiswiritano, Xikwembu xi n'wi endlile leswaku a va xo xidyoho hikwalaho ka hina, leswaku hikwalaho ka yena, hi endliwa lava lulameke emahlweni ka Xikwembu.

Levhitika 9:2

kutani a ku ka Aroni: “Tana ni xinkuzana xa mhamba yo susa swidyoho, ni khuna ra magandzelo lama hisiwaka, swi va leswo saseka hi swimbirhi ka swona, leswaku u ta swi humesela HOSI Xikwembu;

Levhitika 4:14

Siku ntshungu wu swi tivaka leswaku wu dyohile, wu fanele ku humesa xinkuzana xa mhamba yo susa swidyoho, va ya na xona emahlweni ka Ntsonga lowo Hlawuleka,

Vaheveru 5:3

Hi mhaka ya sweswo wa boheka ku tihumesela magandzelo hikwalaho ka swidyoho swa yena, swin'we ni ku humesela vanhu.

Ezra 8:35

Enkarhini wolowo, lava va vuyeke hi le vukhumbini va humesa magandzelo lama hisiwaka, va humesela Xikwembu xa Vaisraele. Vaisraele hinkwavo va humesile tinkuzi ta 12, ni makhuna ya 96, ni swinyimpfana swa 77, ni swiphongho swa 12 swa mhamba yo susa swidyoho. Hinkwaswo leswi, a swi ri swa magandzelo lama hiseriwaka HOSI Xikwembu.

Varhoma 8:3

Leswi Nawu wu tsandzekeke ku swi endla, hi mhaka ya ku tsana ka ntumbuluko wa laha misaveni, Xikwembu xi swi kotile: Xi avanyisile ku dyoha entumbulukweni lowu hi ku rhumela N'wana wa xona wa xiviri, a ri ni miri lowu fanaka ni miri wa hina wo fumiwa hi ku dyoha, leswaku a ta kota ku hlula ku dyoha.

Ezekiele 43:19

Mina HOSI N'wini wa hinkwaswo ndzi ri, lava va nga ta ndzi humesela magandzelo alitarini, hi vona vaprista ntsena, vona va ka Sadoki, va nyimba ya ka Levhi. U ta va lavela nkuzi ya gandzelo ro susa swidyoho,

Eksoda 29:21

U ta teka ngati yin'wana eka leyi nga alitarini, u teka ni mafurha layo tola, u xuva Aroni ni vana va yena ni swiambalo swa vona swa vuprista; kutani Aroni ni vana va yena va ta va va hlawulekile, ni swiambalo swa vona swa vuprista swi ta va swi hlawulekile.

Eksoda 29:14

Kambe nyama ya xinkuzana, ni dzovo ra xona, ni nswanyi, u ta ya swi hisa hi ndzilo ehandle ka mixaxa. Leyi hi yona mhamba ya ku susa swidyoho.

Eksoda 29:7

Kutani u teka mafurha layo hlawuleka, u n'wi chela enhlokweni, u n'wi tota.

Tinhlayo 8:8

Kutani u va byela va ta ni xinkuzana ni mapa lamanene lama nga ta humesiwa na xona, lama pfanganyisiweke ni mafurha; na wena u ta ni xin'wana xinkuzana xa mhamba yo susa swidyoho.

Levhitika 16:11

“Kutani Aroni ú fanele ku humesa xinkuzana, a xi tlhava xi va mhamba yo susa swidyoho, a tibasisa ha xona, a basisa ni va ka vona, hi ku xi tlhava.

Levhitika 16:6

“Aroni ú fanele ku rhanga a humesa xinkuzana, xi va mhamba yo susa swidyoho, a tibasisa ha xona, a basisa ni va ka vona.

Levhitika 8:12

Kutani a teka mafurha man'wana, a chela enhlokweni ya Aroni, a n'wi tota a n'wi hlawulekisa.

Levhitika 5:6

kutani a humesela HOSI Xikwembu mhamba leyi nga ta susa xidyoho lexi; a nga humesa xifuwo lexitsongo xa xisati, xo fana ni nyimpfu kumbe mbuti. Kutani muprista ú ta n'wi basisa exidyohweni lexi a xi endleke.

Eksoda 30:10

Kan'we hi lembe, Aroni ú ta basisa alitari hi ku teka ngatinyana ya xifuwo lexi tlhaveriweke mhamba yo susa swidyoho, a tota timhondzo ta alitari; alitari yi ta basisiwa hi ndlela leyi kan'we hi lembe, ni le ka vatukulu va n'wina hinkwavo. Alitari leyi yi ta va yi hlawulekile ngopfu eka mina HOSI.”

Vaheveru 9:12

Ú nghenile kan'we ntsena exivandleni lexo hlawuleka ngopfu, kutani a nga tekanga ngati ya timbuti ni ya marhole ku ya gandzela hi yona, kambe ú lo gandzela hi ngati ya yena, a hi kumela ha yona ku kutsuriwa loku nga heriki.

Levhitika 4:5

Kutani Muprista Lonkulu loyi ú fanele ku teka ngatinyana ya xinkuzana, a nghena na yona eka Ntsonga lowo Hlawuleka,

Levhitika 4:23

Loko a tivisiwa xidyoho lexi a xi endleke, ú fanele ku ta ni xiphongho lexi nga solekiki leswaku a ta humesa magandzelo ha xona,

Levhitika 4:28

Loko a tivisiwa xidyoho lexi a xi endleke, ú fanele ku ta ni mbuti ya thokazi leyi nga solekiki, a ta yi humesa yi va mhamba yo susa swidyoho swa yena,

Tinhlayo 16:22

Kutani va wela hansi hi mimombo, va ku: “Oho Xikwembu, wena Xikwembu xa swilo hinkwaswo leswi hanyaka, xana u nga hlundzukela ntlawa lowu hinkwawo hikwalaho ka ku dyoha ka munhu un'we xana?”

2 TIKRONIKA 29:21

A va ri ni tinkuzi ta 7, ni tinyimpfu ta makhuna ta 7, ni swinyimpfana swa 7, ni timbuti ta swiphongho ta 7, va tilulamiserile ku humesa magandzelo yo basisa Tempele ni mhamba yo susa swidyoho swa vanhu va le ntsindza ni swa tiko hinkwaro. Kutani va fika va lerisa vaprista va ndyangu wa ka Aroni leswaku va tlhava swifuwo leswi, va humesa ha swona magandzelo alitarini ya HOSI Xikwembu.

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

Levhitika 6:18

Xinkwa lexi xi ta dyiwa hi vana va xinuna va ka Aroni, hi ku landza nawu lowu mi vekeriweke wona hi tlhelo ra magandzelo lama hiseriwaka HOSI Xikwembu. Nawu lowu wu boha n'wina ni vatukulu va n'wina hilaha ku nga heriki. Un'wana ni un'wana loyi a nga ta khumba xinkwa lexi, ú ta hundzuka loyi a hlawulekeke.”

Levhitika 9:3

u byela ni Vaisraele leswaku va ta ni leswi: Xiphongho xa mhamba yo susa swidyoho, ni rhole ni xinyimpfana, swi va leswi nga solekiki swa lembe rin'we, swa magandzelo lama hisiwaka,

Levhitika 16:3

“Siku Aroni a nghenaka exivandleni lexo hlawuleka ngopfu, ú fanele ku ta ni xinkuzana xa mhamba yo susa swidyoho, ni nyimpfu ya khuna ya magandzelo lama hisiwaka.

Levhitika 16:5

Naswona ntshungu wa Vaisraele wu fanele ku n'wi nyika swiphongho swimbirhi swa mhamba yo susa swidyoho, ni nyimpfu yin'we ya khuna ya magandzelo lama hisiwaka.

Ezekiele 40:39

Naswona erikupakupeni leri ra le nyangweni a ku ri ni matafula ya mune, mambirhi evokweni ra ximatsi, ni mambirhi eka lera xinene. Swifuwo swa magandzelo lama hisiwaka ni swa lama susaka swidyoho ni swa lama rihaka milandzu, a swi dlayeriwa ematafuleni lawa.

Ezekiele 44:27

Kutani siku a tlhelelaka eTempeleni ku ya tirha ntirho wa yena lowo hlawuleka exivaveni xa le ndzeni, ú ta rhanga a tihumesela gandzelo ro susa swidyoho. Ndzi vula sweswo mina HOSI N'wini wa hinkwaswo.