Levhitika 3:9 - BIBELE Mahungu Lamanene

⁹ Eka magandzelo lawa ya xinakulobye, leswi munhu loyi a nga ta swi humesa swi va mhamba leyi hiseriwaka HOSI Xikwembu, hi leswi: Mafurha, ni ncila hinkwawo, wu tsemiwa hi le khondzweni, ni mpambani, ni mafurha hinkwawo lama khomaneke ni swa le ndzeni,

Xitsonga (Bibele)

⁹ Va ta humesa mhamba leyi hiseriwaka Yehovha, yi huma egandzelweni ra ku khensa: ma ri mafurha, ni ncila lowu nga ta tsemiwa swinene, ku fika ekhondzweni, ni mafurha lama funengetaka marhumbu, ni mafurha hinkwawo lama pambelaka marhumbu,

Levhitika 3:9 Referans Kwoze

Levhitika 9:19

va teka ni mafurha ya homu ni ya khuna, ni ncila wa khuna, ni mpambani, ni tinso, ni tlhelo lero saseka ra xivindzi,

Eksoda 29:22

“U ta teka mafurha ya khuna leri, ni ncila, ni mpambani, ni tlhelo lero saseka ra xivindzi, ni tinso ha timbirhi ka tona ni mafurha ya kona, ni nenge wa xinene, hikuva i khuna leri tlhaveriwaka ku vekiwa ka vaprista;

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Swivuriso 23:26

N'wananga, ndzi yingise swinene, u tekelela leswi ndzi swi endlaka,

Levhitika 8:25

Kutani Muxe a tsema mafurha, ni ncila, ni mafurha hinkwawo lama khomaneke ni swa le ndzeni, a tsema ni tlhelo lero saseka ra xivindzi, ni tinso hi timbirhi ka tona, ni mafurha ya kona, a tsema ni nenge wa xinene.

Levhitika 7:3

Mafurha ya xona hinkwawo ma fanele ku tsemiwa, wu nga ncila, ni mafurha lama khomaneke ni swa le ndzeni,

Levhitika 17:5

Mhaka hileswaku Vaisraele va fanele ku teka swifuwo swa vona leswi va swi tlhavaka emakaya, va swi yisa eka muprista enyangweni ya Ntsonga lowo Hlawuleka, va swi humesela HOSI Xikwembu kona, swi va magandzelo ya xinakulobye.

Tinhlayo 7:88

swifuwo hinkwaswo swo humesa ha swona gandzelo ra xinakulobye, a ti ri tihavi ta 24, ni makhuna ya 60, ni swiphongho swa 60, ni swinyimpfana swa 60 swa makhuna swa lembe rin'we. Leyi hi yona mihlengo yo khangula alitari leyi humesiweke loko alitari yi totiwile mafurha.

1 SAMIELE 10:8

U ta ndzi rhangela emahlweni u ya emutini wa Giligala. Kutani mina ndzi ta ku kuma kona, siku ndzi nga ta ta ndzi ta humesa magandzelo lama hisiwaka, ni ku tlhava magandzelo ya xinakulobye. U ta ndzi yimela kona masiku ya 7, ku kondza ndzi fika, ndzi ta ku komba leswi u nga ta endla swona.”

2 SAMIELE 6:17

Va fika ni Areka ya HOSI, va yi tikirheta endhawini ya yona, entsongeni lowu Davhida a a wu dzimele ku yi veka kona, kutani Davhida a humesela HOSI Xikwembu magandzelo lama hisiwaka ni ya xinakulobye.

1 TIHOSI 3:15

Kavaloko Solomoni a phaphama, a vona leswaku a ku ri ku lorha. Kutani a tlhelela eYerusalema, a fika a yima emahlweni ka Areka ya Ntwanano wa HOSI, a tlangela hi ku humesa magandzelo ya xinakulobye yo hisiwa ni lawa ya dyiwaka, a endlela malandza ya yena hinkwawo enkhuvo.

1 TIHOSI 8:63

Solomoni a humesela HOSI Xikwembu emagandzelo ya xinakulobye hi swifuwo leswikulu swa 22 000, ni swifuwo leswitsongo swa 120 000. Hosi Solomoni ni Vaisraele hinkwavo va khangurisa sweswo yindlu ya HOSI Xikwembu.

1 TIHOSI 8:64

Hi siku rero, hosi Solomoni a hlawulekisa ndhawu ya le xikarhi, exivaveni lexi nga mahlweni ka Tempele, a humesela kona magandzelo lama hisiwaka, ni magandzelo ya swa le masin'wini, ni mafurha ya magandzelo ya xinakulobye, hikuva alitari ya koporo ya le ndzeni ka Tempele a yi ri yitsongo ngopfu ku humesela ka yona swa magandzelo lawa hinkwawo.

1 TIKRONIKA 16:1

Va fika ni Areka ya Xikwembu, va yi tikirheta entsongeni lowu Davhida a a wu dzimele ku yi veka kona, kutani va humesela Xikwembu emagandzelo lama hisiwaka ni ya xinakulobye.