Levhitika 3:5 - BIBELE Mahungu Lamanene

⁵ Kutani vana va Aroni va ta swi teka va swi hisa ehenhla ka alitari, swin'we ni magandzelo lama nga ta va ma ri endzilweni. Leyi i mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Xitsonga (Bibele)

⁵ Vana va Aroni va ta swi hisa ealitarini, ehenhla ka holokosta leyi vekiweke tihunyini leti va tshiveleke ndzilo ha tona, yi ta va mhamba leyi hisiwaka leyi nga ni risuna eka Yehovha.

Levhitika 3:5 Referans Kwoze

Levhitika 6:12

Ndzilo wa le alitarini wu fanele ku hlanganyetiwa leswaku wu nga timeki. Mpundzu wun'wana ni wun'wana, muprista ú ta tlhandleka tihunyi tin'wana, a veketela nyama ya magandzelo lama hisiwaka ehenhla ka tona, a hisa ni mafurha ya magandzelo ya xinakulobye.

1 Petro 2:5

Kutani, ku fana ni maribye lama hanyaka, na n'wina mi fanele ku akiwa mi endla yindlu ya moya, leswaku mi ta va vaprista lava hlawulekeke, mi humesa magandzelo ya moya lama amukelekaka eka Xikwembu ha Yesu Kriste.

Eksoda 29:13

Kutani u ta teka mpambani hinkwawo, ni tlhelo lero saseka ra xivindzi, ni tinso hi timbirhi ka tona, ni mafurha ya kona, u swi hisa ehenhla ka alitari.

Ezekiele 44:15

Xikwembu xi ri: “Vaprista va nyimba ya ka Levhi, vona va ka Sadoki, va hlayisile milawu ya ntirho wa kwala Tempeleni ya mina, enkarhini lowu Vaisraele va nga ndzi fularhela. Hikokwalaho ndzi ta va pfumelela ku ndzi tirhela eTempeleni, va ndzi humesela magandzelo, ku katsa ni mafurha ni ngati. Ndzi vula sweswo mina HOSI N'wini wa hinkwaswo.

Ezekiele 44:7

Mi pfumelela vamatiko lava nga yimbangiki, lava nga riki na mhaka na mina, leswaku va nghena eTempeleni ya mina, va yi nyamisa, loko n'wina mi ri karhi mi ndzi humesela swakudya hi magandzelo, ku katsa ni mafurha ni ngati, kutani mi tshovile ntwanano exikarhi ka mina na n'wina hi swilo hinkwaswo swa manyala leswi mi swi endleke.

2 TIKRONIKA 35:14

Eku heteleleni, Valevhi va lulamisa swakudya swa vona ni swa vaprista, hikuva vaprista va ka Aroni a va ri entirhweni wa ku hisa magandzelo ni mafurha ya kona siku hinkwaro ri kondza ri pela; hikwalaho ka swona Valevhi va lulamisela vaprista xikan'we ni ku lulamisa swa vona vinyi.

1 TIHOSI 8:64

Hi siku rero, hosi Solomoni a hlawulekisa ndhawu ya le xikarhi, exivaveni lexi nga mahlweni ka Tempele, a humesela kona magandzelo lama hisiwaka, ni magandzelo ya swa le masin'wini, ni mafurha ya magandzelo ya xinakulobye, hikuva alitari ya koporo ya le ndzeni ka Tempele a yi ri yitsongo ngopfu ku humesela ka yona swa magandzelo lawa hinkwawo.

Levhitika 4:35

Munhu wa kona ú fanele ku tsema mafurha hinkwawo ya nyimpfu leyi, ku fana ni leswi va tsemisaka swona mafurha ya nyimpfu ya magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, laha magandzelo lama humeseriwaka HOSI Xikwembu ma hiseriwaka kona. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho leswi a swi endleke.

Levhitika 4:31

Munhu wa kona ú fanele ku tsema mafurha hinkwawo ya mbuti, ku fana ni leswi va tsemisaka swona mafurha ya xifuwo xa magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, ma va mhamba leyi ku nun'hwela ka yona ku nga ta tsakisa HOSI Xikwembu. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho swa yena.

Levhitika 1:9

Loko swi ri swa le ndzeni ni manqina, swi fanele ku rhanga swi hlantswiwa. Kutani muprista ú ta hisa nyama hinkwayo alitarini. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 3:4

ni tinso hi timbirhi ka tona, ni mafurha ya kona; tinso leti ti fanele ku tsemiwa swin'we ni tlhelo lero saseka ra xivindzi.

Levhitika 3:11

Kutani muprista ú ta hisa swilo leswi ehenhla ka alitari, swi va swakudya leswi swi humeseriwaka HOSI Xikwembu.

Levhitika 7:28

HOSI Xikwembu xi byela Muxe

Levhitika 9:17

Endzhaku ka swona, a humesa mapa ya magandzelo ya swa le masin'wini, a nusa yo tata xandla a ma hisa ehenhla ka alitari, a tlhandleka eka magandzelo lama hisiwaka ya nimixo.

Tinhlayo 15:8

Loko mi tlhava nkuzi mi humesa gandzelo leri hisiwaka kumbe leri dyiwaka, leri mi nga tiboha hi ku hlambanya leswaku mi ta ri humesa, kumbe loko mi ndzi humesela gandzelo ra xinakulobye mina HOSI,

Tinhlayo 28:3

U ta va byela leswaku siku rin'wana ni rin'wana hilaha ku nga heriki, va ta tlhava swinyimpfana swimbirhi swa makhuna swa lembe rin'we leswi nga solekiki, va ndzi humesela magandzelo lama hisiwaka;

Tinhlayo 28:12

Nkuzi yin'wana ni yin'wana va ta yi humesa ni xitshatshana xin'we xa mapa lamanene lama pfanganyisiweke ni mafurha, kasi khuna va ta ri humesa ni swintewana swimbirhi swa mapa lamanene, lama pfanganyisiweke ni mafurha.

Levhitika 1:13

Loko swi ri swa le ndzeni ni manqina, swona ú fanele ku rhanga a swi hlantswa. Kutani muprista ú ta teka nyama hinkwayo a yi hisa ehenhla ka alitari. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 1:17

Kutani ú ta handzula tuva hi le xikarhi hi ku ri khoma hi timpiko, kambe a nga ri chaputi! Kutani muprista ú ta ri hisa endzilweni lowu nga henhla ka alitari. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Tinhlayo 18:17

Loko ma ri mativula ya homu kumbe ya nyimpfu kumbe ya mbuti, a mi nga ma kutsuri, hikuva wona ma hlawulekile. Mi ta xuva alitari hi ngati ya wona, kutani mi hisa mafurha ya wona, mi ndzi endlela gandzelo leri ku nun'hwela ka rona ku nga ta ndzi tsakisa mina HOSI.