Levhitika 3:1 - BIBELE Mahungu Lamanene

¹ “Loko munhu a humesa magandzelo ya xinakulobye hi xin'wana xa swifuwo swa yena leswikulu, ú fanele ku pambula lexi nga solekiki xa xinuna kumbe xa xisati, a ya na xona emahlweni ka HOSI Xikwembu.

Xitsonga (Bibele)

¹ “ ‘Loko nhlengo wa munhu wu ri gandzelo ra ku khensa, ni loko a humesa xifuwo lexikulu, hambi xa xinuna, hambi xa ntswele, u ta xi humesa xi nga ri na xivati emahlweni ka Yehovha.

Levhitika 3:1 Referans Kwoze

Tinhlayo 6:14

kutani ú ta humesela HOSI Xikwembu nyiko ya yena, ku nga xinyimpfana xa khuna xa lembe rin'we lexi nga solekiki, xi va gandzelo leri hisiwaka, ni xinyimpfana xa thokazi xa lembe rin'we lexi nga solekiki, xi va mhamba yo susa swidyoho, ni khuna leri nga solekiki, ri va gandzelo ra xinakulobye.

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

1 Yohane 1:3

Leswi hi swi voneke ni ku swi twa, hi mi tivisa swona na n'wina, leswaku mi va ni xinakulobye na hina. Xinakulobye xi kona exikarhi ka hina na Tatana, ni le xikarhi ka hina ni n'wana wa yena Yesu Kriste.

Vaheveru 10:22

a hi tshineleleni Xikwembu hi mbilu leyi namarhelaka ntiyiso ni ku pfumela loku hetisekeke; timbilu ta hina leti xuviweke, a ti base ti hambana ni ripfalo lero biha, ni miri wa hina wu va lowu hlantswiweke hi mati layo tenga.

Amosi 5:22

Hambiloko mi ndzi humesela magandzelo lama hisiwaka, mi humesa ni tinyiko hi swa le masin'wini, ndzi nga ka ndzi nga swi amukeli; ni magandzelo ya xinakulobye lawa mi ma humesaka hi swifuwo swa n'wina leswi nonisiweke, a ndzi nga vi na mhaka na wona.

Vakolosa 1:20

ni ku endla leswaku, ha yena, swilo hinkwaswo swi vuyelelana na xona, hikuva hi yena Kriste la tiseke ku rhula hi ku fa ka yena exihambanweni; hinkwaswo, hambi la misaveni, hambi le matilweni, swi vuyelelana ni Xikwembu ha yena.

Malakiya 1:14

Ú ni khombo, muxisi loyi a nga ni nkuzi entlhambini wa yena, a tiboha ku ndzi humesela yona mina N'wini wa hinkwaswo; kambe ematshan'weni ya yona, a humesa xifuwo lexi solekaka, a ndzi gandzela ha xona! Mina HOSI ya matimba hinkwawo, ndzi mufumi lonkulu, vito ra mina ri fanele ku xiximiwa ematikweni hinkwawo.”

Malakiya 1:8

Loko mi ndzi humesela magandzelo hi swifuwo leswi feke mahlo, kumbe leswi lamaleke ni leswi vabyaka, xana n'wina a mi swi voni leswaku swi bihile xana? Ringetani ku endlisa sweswo, mi nyika vafumi va n'wina, mi vona loko va nga swi tsakela, va mi amukela! Ndzi vurisa sweswo mina HOSI ya matimba hinkwawo.

Ezekiele 45:15

“Entlhambini wa swifuwo leswitsongo swa 200, mi ta pambula xifuwo xin'we, mi vuya na xona hi le madyelweni ya swifuwo swa Vaisraele. Kutani tinyiko leti hinkwato ti ta tisiwa eTempeleni, ti humesiwa ti va magandzelo lama hisiwaka ni ya xinakulobye, leswaku mi rivaleriwa swidyoho swa n'wina. Ndzi vula sweswo mina HOSI N'wini wa hinkwaswo.

Swivuriso 7:14

“A ndzi boheka ku humesa magandzelo, kutani namuntlha ndzi hetisile leswi ndzi tshembiseke swona.

1 TIKRONIKA 21:26

Kutani a akela HOSI Xikwembu alitari kona, a xi humesela magandzelo lama hisiwaka ni ya xinakulobye, a khongela HOSI Xikwembu, xona xi n'wi hlamula hi ndzilo lowu humaka etilweni, wu wela ehenhla ka alitari wu hisa magandzelo ya kona.

Vaavanyisi 21:4

Siku leri tlhandlamaka, Vaisraele va pfuka ka ha ri mpundzu swinene, va aka alitari kwale, va tlhela va humesa ni magandzelo lama hisiwaka ni ya xinakulobye.

Vaavanyisi 20:26

Kavaloko vavanuna hinkwavo va mavuthu ya Vaisraele va tlhandluka va kongoma eBetele, va fika va tshama, va rila emahlweni ka HOSI Xikwembu, va nga dyi nchumu siku hinkwaro dyambu ri kondza ri ya pela, va ri karhi va humesela HOSI Xikwembu magandzelo lama hisiwaka, ni ya xinakulobye.

Tinhlayo 7:17

ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Nahaxoni n'wana Aminadaba.

Levhitika 17:5

Mhaka hileswaku Vaisraele va fanele ku teka swifuwo swa vona leswi va swi tlhavaka emakaya, va swi yisa eka muprista enyangweni ya Ntsonga lowo Hlawuleka, va swi humesela HOSI Xikwembu kona, swi va magandzelo ya xinakulobye.

Eksoda 29:28

Aroni ni vana va yena va ta nyikiwa nyama leyi hi nawu lowu nga ta boha Vaisraele hilaha ku nga heriki, hikuva hi yona nyiko eka vaprista, leyi Vaisraele va nga ta yi pambula eka magandzelo ya vona ya xinakulobye; i mhamba ya vona leyi va yi humeselaka mina HOSI Xikwembu.

Eksoda 24:5

Kutani Muxe a rhuma majaha ya Israele ku tlhava tihomu, va humesela HOSI Xikwembu magandzelo lama hisiwaka ni ya xinakulobye.

Eksoda 20:24

Mi ta ndzi akela alitari hi misava, kutani mi ndzi humesela magandzelo ya n'wina lama hisiwaka ni ya xinakulobye ehenhla ka yona, mi tlhavela eka yona swifuwo swa n'wina leswikulu ni leswitsongo. Etindhawini hinkwato leti ndzi ti hlawuleke leswaku mi ndzi gandzela eka tona, ndzi ta ta eka n'wina, ndzi ta mi katekisa.

Levhitika 3:6

“Loko munhu a humesela HOSI Xikwembu magandzelo ya xinakulobye hi xin'wana xa swifuwo swa yena leswitsongo, ú fanele ku pambula xa xinuna kumbe xa xisati, lexi nga solekiki a humesa xona.

Levhitika 9:18

Kutani a tlhava homu ni khuna, swi va swa magandzelo ya xinakulobye ya Vaisraele; vana va yena va n'wi nyiketa ngati, a xuva ha yona alitari matlhelo hinkwavo;

Tinhlayo 7:59

ni tihavi timbirhi, ni makhuna ya ntlhanu, ni swiphongho swa ntlhanu, ni swinyimpfana swa ntlhanu swa makhuna swa lembe rin'we, swi ri swa gandzelo ra xinakulobye. Lowu hi wona nhlengo wa Gamaliele n'wana Pedasuru.

Tinhlayo 15:8

Loko mi tlhava nkuzi mi humesa gandzelo leri hisiwaka kumbe leri dyiwaka, leri mi nga tiboha hi ku hlambanya leswaku mi ta ri humesa, kumbe loko mi ndzi humesela gandzelo ra xinakulobye mina HOSI,

Duteronoma 12:27

mi ta humesela kona nyama ni ngati ya magandzelo lama hisiwaka, ehenhla ka alitari ya HOSI Xikwembu xa n'wina. Ngati ya magandzelo lawa, mi ta yi chela ehenhla ka alitari, nyama yona mi nga ha dya.

Ezekiele 43:27

Loko vhiki ra kona ri ta va ri herile, hi kona vaprista va nga ta pfumeleriwa ku yima alitarini, va humesa magandzelo ya n'wina yo susa swidyoho ni ya xinakulobye masiku hinkwawo. Kutani mina ndzi ta swi tsakela ndzi swi amukela. Ndzi vula sweswo mina HOSI N'wini wa hinkwaswo.”

Levhitika 1:10

“Loko munhu a lava ku humesa magandzelo lama hisiwaka hi yin'wana ya tinyimpfu ta yena kumbe timbuti ta yena, ú fanele ku tlhava leyi nga solekiki ya xinuna.

Levhitika 9:4

ni homu ni khuna, swi va swa magandzelo ya xinakulobye lama nga ta humeseriwa HOSI Xikwembu, ni mapa ya magandzelo ya swa le masin'wini lama cheriweke mafurha. Leswi swa laveka, hikuva HOSI Xikwembu xi ta tikomba eka vona namuntlha.”