Levhitika 26:8 - BIBELE Mahungu Lamanene

⁸ Vavanuna va ka n'wina va ntlhanu va nga hlongorisa valala va 100, kasi vavanuna va 100 va nga hlongorisa valala va 10 000; mi ta swi kota ku hlula valala va n'wina hi fumu.

Xitsonga (Bibele)

⁸ Vanhu va ntlhanu va n'wina va ta hlongorisa dzana, ni dzana ra va ka n'wina va ta hlongorisa dzana ra madzana; valala va n'wina va ta dlawa hi matlhari emahlweni ka n'wina.

Levhitika 26:8 Referans Kwoze

Yoxuwa 23:10

Wanuna un'we exikarhi ka n'wina ú kota ku hlongorisa vavanuna va madzana-dzana, hikuva HOSI Xikwembu xa n'wina hi xona xi mi lwelaka, hilaha xi tshembiseke hakona.

Duteronoma 28:7

“HOSI Xikwembu xi ta mi hlulela valala lava va nga ta mi pfukela: Va ta mi tela va xaxamerile, kambe va ta tlhela hi ku tsutsuma, va hangalaka va ku bàmfée!

Duteronoma 32:30

Xana munhu a nga hlongorisa vanhu va gidi a ri yexe xana? Hambi vanhu vambirhi va nga hlula vanhu va khume ra magidi ke? E-e, sweswo swi nga endleka ntsena loko HOSI Xikwembu, Ribye ra vona leri tiyeke, xi lo va tshika, xi va fularhela.

1 TIKRONIKA 11:20

Abixayi makwavo wa Yowabu a a ri un'wana wa vafambisi va tinhenha ta 30; siku rin'wana a teka tlhari ra yena, a ya lwa ni vavanuna va 300, a va dlaya. Hi ndlela leyi a va un'wana wa lava dumeke, ehandle ka tinhenha letikulu tinharhu.

Tinhlayo 14:9

Ntsena mi nga tshuki mi fularhela HOSI Xikwembu, naswona mi nga va chavi vanhu va tiko leriya, hikuva hi ta va hlula hi ku olova; swikwembu swa vona leswi a swi va sirhelela swi fambile, kasi HOSI Xikwembu xona xi na hina, kutani mi nga va chavi!”

1 TIKRONIKA 11:11

Timhaka ta tinhenha ta Davhida hi leti: Yaxobuwama lowa Muhakimoni a a ri yena murhangeri exikarhi ka tinhenha tinharhu letikulu. Siku rin'wana a khoma tlhari ra yena a ya lwa ni vanhu vo ringana 300, a va dlaya xikan'we hinkwavo.

Levhitika 26:7

Mi ta kota ku hlongorisa valala va n'wina, mi va hlula hi fumu.

Vaavanyisi 15:15

Kutani Samsoni a kuma rihlaya ra mbhongolo leya ha ku faka, a ri teka, a dlaya vavanuna vo ringana 1 000 ha rona.

Estere 9:16

Vayuda lavan'wana lava a va ri eswifundzheni swa hosi, na vona va hlengeletanile leswaku va ta tilwela, va tilamulela emavokweni ya valala va vona, kutani va dlaya vanhu va 75 000 eka valala va vona, kambe va nga phanghi swilo swa vona.

Zakariya 12:8

Enkarhini wolowo, HOSI Xikwembu xi ta sirhelela vaaki va Yerusalema, leswaku lava tsaneke exikarhi ka vona va ta tiya ku fana na Davhida. Loko va ri vatukulu va Davhida, vona va ta rhangela tiko ku fana ni ntsumi ya Xikwembu, kumbe ku fana ni Xikwembu hi xiviri.

Tinhlayo 31:4

Eka nyimba yin'wana ni yin'wana, mi ta humesa vavanuna va 1 000, va ya enyimpini.”