Levhitika 26:4 - BIBELE Mahungu Lamanene

⁴ Loko mi endla sweswo, ndzi ta mi nisela mpfula hi tinguva ta kona, kutani masimu ya n'wina ma ta humesa ntshovelo lowo tala, ni mirhi ya n'wina ya mihandzu yi ta tswala swinene.

Xitsonga (Bibele)

⁴ ndzi ta mi nyika timpfula emikarhini ya tona; misava yi ta humesa swa yona, ni mirhi ya masimu yi ta veka mihandzu ya yona.

Levhitika 26:4 Referans Kwoze

Zakariya 8:12

hikuva va ta rima, va byala mbewu hi ku rhula, mirhi ya vhinya yi tswala mihandzu. Misava yi ta humesa ntshovelo, matilo ma nisa mberha, kutani vanhu va mina lava poneke, va ta kuma swilo leswi hinkwaswo, swi va ndzhaka ya vona.

Pisalema 67:6

Misava yi hi humesele mihandzu, Xikwembu, xona Xikwembu xa hina, xi hi katekisile.

Ezekiele 36:30

Mirhi ya n'wina yi ta veka mihandzu leyo tala, mi pfuna ni mavele, leswaku vamatiko va nga ha mi soli hi ku mi vona mi ri etindlaleni.

Esaya 30:23

HOSI Xikwembu xi ta nisa mpfula, leswaku yi cheleta timbewu leti mi ti byaleke emasin'wini; leswi mi nga ta tshovela swona emasin'wini, swi ta nandziha swi tlhela swi xurhisa. Eminkarhini yoleyo, swifuwo swa n'wina swi ta kuma madyelo lamakulu.

Ntirho 5:10

Hi xona xi nisaka mpfula emisaveni, xi khulukisa ni milambu ematikweni.

Duteronoma 28:12

HOSI Xikwembu xi ta mi pfulela vuhlayiselo bya xuma xa xona, ma nga matilo, xi mi nisela mpfula etikweni ra n'wina hi tinguva ta kona; xi ta katekisa ni mintirho hinkwayo leyi mi nga ta yi tirha. Mi ta lomba vanhu va matiko layo tala swilo swa n'wina, kambe n'wina a mi nga lombi nchumu eka vona.

Duteronoma 11:14

xi ta mi nisela mpfula etikweni ra n'wina hi nguva ya kona; leyo sungula yi ta na, hambi yi ri leyo tsema nguva, kutani mi ta pfuna mavele ni vhinyo ni mafurha.

Levhitika 25:21

Hi lembe ra vu-6, ndzi ta mi rhumela minkateko, kutani tiko ra n'wina ri ta mi humesela swakudya swo ringana malembe manharhu.

Timhaka 14:17

Hambiswiritano, a xi tshikanga ku tikomba leswi xi nga swona, hi ku endla leswinene; xi mi nyikile timpfula to huma etilweni, na tinguva ta ndzalo, xi mi andzisela ni swakudya, xi tata timbilu ta n'wina hi ku tsaka.”

Matewu 5:45

leswaku mi hundzuka vana va Tata wa n'wina la nge matilweni, hikuva ú tsuvukisa dyambu ra yena ehenhla ka lavo biha ni lavanene, ú nisa mpfula ehenhla ka lavo lulama ni lavo homboloka.

Pisalema 85:12

HOSI Xikwembu hi xiviri xa xona xi nyika leswinene, kutani misava yi hi humesela mihandzu.

Pisalema 68:9

We Xikwembu, u nisile timpfula letikulu, u pfuxetile tiko ra wena, hikuva a ri herile matimba.

Nhlavutelo 11:6

Va ni matimba yo pfala tilo leswaku mpfula yi nga ni, loko va ri karhi va vula Rito. Naswona va ni matimba yo hundzula mati hinkwawo ma endla ngati; va nyikiwile ni matimba ya ku ba misava hi mintungu ya tinxaka-xaka, nkarhi wihi na wihi loko va swi lava.

Yakobo 5:7

Loko swi ri tano, vamakwerhu, lehisani timbilu, Hosi yi kondza yi ta. Vonani, murimi ú yimele mihandzu leyinene ya misava, a yi lehisela mbilu yi ko yi kuma mpfula yo sungula ni leyo hetelela.

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Esaya 5:6

Ndzi ta yi tshika yi tlhumelana, ndzi nga yi hlakuli, ni vhinya ndzi nga yi tsheni, ku ta mila mitwa ni swigatlu ntsena; ndzi ta lerisa mapapa leswaku ma nga ha nisi mpfula ensin'wini leyi!”

Pisalema 104:13

U cheleta tintshava hi timpfula u ri ematilweni, misava yi kolwa hi leswi u yi endlelaka swona.

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Levhitika 25:19

Tiko ra n'wina ri ta mi mirisela swakudya, kutani mi ta dya mi xurha, mi tshama mi hlayisekile.

Duteronoma 11:13

“Loko mi yingisa swileriso leswi ndzi mi byelaka swona namuntlha, mi rhandza HOSI Xikwembu xa n'wina ni ku xi tirhela hi timbilu ta n'wina hinkwato ni moya wa n'wina hinkwawo,

Pisalema 67:7

Hakunene Xikwembu xi hi katekisile; hinkwako emisaveni, vanhu a va chave xona!

Pisalema 85:13

Ku lulama ku rhangela HOSI Xikwembu emahlweni; laha xi fambaka kona, ku pfuleka tindlela.

Yuwele 2:22

Mi nga chavi n'wina swiharhi, hikuva madyelo enhoveni ma hlukile; mirhi yi tswarile mihandzu, minkuwa ni vhinya swa nemba hi mihandzu.