Levhitika 26:13 - BIBELE Mahungu Lamanene

¹³ Hi mina HOSI, Xikwembu xa n'wina lexi xi mi humeseke etikweni ra Egipta, leswaku mi nga ha vi mahlonga ya Vaegipta. Ndzi susile mpingu lowu a mi rhwexiwile wona, leswaku na n'wina mi ta va vanhu exikarhi ka van'wana vanhu.

Xitsonga (Bibele)

¹³ Hi mina Yehovha, Xikwembu xa n'wina lexi mi humeseke etikweni ra Egipta, leswaku mi nga ha tshuki mi va makhumbi kona. Ndzi fayile mpingu wa joko ra n'wina, ndzi mi fambisile mi yimisa tinhamu.

Levhitika 26:13 Referans Kwoze

Ezekiele 34:27

Mirhi yi ta tswala mihandzu leyo tala, misava yi humesa ntshovelo lowo saseka. Vanhu va mina va ta tshamiseka etikweni ra vona va nga chavi nchumu; siku ndzi nga ta tshova joko leri va nga rhwexiwa rona, ndzi ta va kutsula emavokweni ya lava va va xanisaka, kutani va ta tiva leswaku HOSI Xikwembu, hi mina.

Pisalema 116:16

We HOSI, ndzi nandza wa wena, na yena mana wa mina a a ri nandza wa wena. A ndzi bohiwile, kambe sweswi ndzi ntshunxiwile.

Levhitika 25:38

Hi mina HOSI Xikwembu xa n'wina. Ndzi mi humesile etikweni ra Egipta leswaku ndzi ta mi nyika tiko ra Kanana, ni leswaku ndzi ta va Xikwembu xa n'wina.

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Yeremiya 2:20

HOSI Xikwembu xi ri: “N'wina Vaisraele, i khale mi arile ku fumiwa hi mina, mi ndzi tshikile mi nga lavi ku ndzi tirhela. Mi yile mi ya khongela eswitsungeni hinkwaswo, ni le hansi ka mirhi hinkwayo leyi tlhumeke, mi etlela kukota tinghwavava.

Levhitika 25:55

“Vaisraele, ndzi va teka va ri malandza ya mina lawa ndzi ma humeseke etikweni ra Egipta. Hi mina HOSI, Xikwembu xa n'wina.

Esaya 51:23

Xinwelo lexi ndzi ta xi nyika lava va mi xanisaka, lava va nge ka n'wina: ‘Pavalalani, hi ta hundza hi le henhla ka n'wina!’ Mihlana ya n'wina, va yi endlile mabudula, va famba ehenhla ka yona.”

Levhitika 25:42

Vaisraele i malandza ya mina lawa ndzi ma humeseke etikweni ra Egipta, hikokwalaho, va nga tshuki va xavisiwa va va mahlonga.

Eksoda 6:7

Naswona ndzi ta mi endla vanhu va mina, mina ndzi va Xikwembu xa n'wina; kutani mi ta swi tiva leswaku hi mina HOSI Xikwembu xa n'wina, lexi nga ta mi humesa emintirhweni yo tika ya le Egipta.

Ezekiele 30:18

Siku ndzi nga ta wisa mfumo wa tiko ra Egipta, va le Tahapanese va ta va exinyamini, kutani matimba lawa Vaegipta va tidzunisaka ha wona ma ta hela; tiko hinkwaro ri ta khubumetiwa hi xinyami, vaaki va rona va ta yisiwa evukhumbini.

Hosiya 11:4

Ndzi va fambisile hi moya wa ntwelavusiwana ni tintswalo, kutani eka vona ndzi hundzukile mupfuni loyi a va vevukiselaka mpingu; ndzi titsongahatile ndzi ta eka vona, ndzi ta va phamela swakudya.

Eksoda 14:8

HOSI Xikwembu xi nonon'hwisa mbilu ya Faro hosi ya Egipta, kutani a landza Vaisraele loko va ri karhi va huma va ntshunxekile swinene.

Esaya 9:3

We HOSI, u andzisile ntsako wa vona, u wu kurisa, va tsaka emahlweni ka wena va ba minkulungwana, wonge va le ku tshoveleni, kumbe eku avelaneni ka leswi va swi phangheke;

Yeremiya 28:2

“HOSI ya matimba hinkwawo Xikwembu xa Israele xi vurisa sweswo xi ri: Ndzi tshovile joko leri hosi ya Babilona yi mi rhwexeke rona.

Yeremiya 28:4

Naswona Yoyakini n'wana Yoyakimi hosi ya Yuda, ni vanhu hinkwavo va tiko ra Yuda lava yisiweke evukhumbini eBabilona, ndzi ta va vuyisa endhawini leyi. Ndzi vula sweswo mina HOSI, hikuva ndzi ta tshova joko ra hosi ya Babilona.”

Nahume 1:13

Sweswi ke, ndzi ta tshova joko ra Asiriya leri ri ku tikelaka, ndzi ta tsema tinketani leti ti ku bohaka.”