Levhitika 26:1 - BIBELE Mahungu Lamanene

¹ “Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Xitsonga (Bibele)

¹ “ ‘Mi nga tshuki mi tiendlela swifaniso swa swikwembu swahava; mi nga tshuki mi tiyimisela swifaniso leswi vatliweke, ni swifaniso swa vanhu; kambe mi nga tshuki mi yimisa etikweni ra n'wina ribye leri nga ni xifaniso ku khinsama emahlweni ka xona hikuva hi mina Yehovha, Xikwembu xa n'wina.

Levhitika 26:1 Referans Kwoze

Levhitika 19:4

Mi nga tshuki mi gandzela swikwembu swa hava, naswona mi nga tshuki mi n'okisa swilo, mi tivumbela swifaniso swa swikwembu: Hi mina HOSI, Xikwembu xa n'wina.

Duteronoma 27:15

“ ‘A a rhukaniwe, munhu loyi a tivatlelaka kumbe ku tivumbela xifaniso xa xikwembu a xi gandzela exihundleni, kasi i xilo lexi a xi endleke hi mavoko ya yena, lexi vengiwaka hi HOSI Xikwembu.’ Kutani Vaisraele hinkwavo va ta hlamula va ku: ‘Amen!’

Tinhlayo 33:52

mi fanele ku hlongola vaaki hinkwavo va tiko leri, mi fayetela ni maribye hinkwawo ya vukhongeri bya vona bya hava, mi hindzimuxela ni swifaniso hinkwaswo swa swikwembu leswi va swi vumbeke, mi herisa ni switsunga swa vona hinkwaswo leswo hlawuleka;

Eksoda 23:24

Hikokwalaho, mi nga tshuki mi nkhinsamela swikwembu swa vona, kumbe ku swi humesela magandzelo, naswona mi nga tshuki mi landza mikhuva ya vona, kambe herisani swikwembu swa kona, mi fayetela ni maribye ya vukhongeri bya vona bya hava.

Eksoda 20:23

Mi nga tshuki mi tiendlela swikwembu swin'wana, hikuva ndzi kona mina; mi nga tshuki mi tiendlela swikwembu hi silivhere ni nsuku.

Nhlavutelo 22:15

Lava salaka ehandle ka muti hi lava endlaka leswo biha, ni vangoma, ni vaoswi, ni vadlayi, ni lava gandzelaka swikwembu swa hava, ni un'wana ni un'wana la tsakelaka vunwa ni ku hanya ha byona.

Timhaka 17:29

Kutani leswi hi nga va rixaka ra Xikwembu, a hi fanelanga ku anakanya leswaku vukwembu byi nga fana ni swifaniso swa nsuku, kumbe swa silivhere, kumbe swa ribye, swi nga swilo leswi vatliwaka hi vutlhari bya vanhu ni miehleketo ya vona.

Eksoda 34:17

“Mi nga tshuki mi n'okisa swilo mi tiendlela swifaniso swa swikwembu.

Esaya 2:20

Esikwini ra kona, swifaniso swa swikwembu swa silivhere ni swa nsuku, leswi vanhu va swi endleleke ku swi gandzela, va ta swi cukumeta swi ya wela eka timfukuzani ni vamangadyana.

Pisalema 97:7

Hinkwavo lava khongelaka swikwembu swa swifaniso, va ta khomiwa hi tingana, hikuva va tinyungubyisa hi leswi nga pfuniki nchumu. Swikwembu leswi hinkwaswo a swi nkhinsamele HOSI Xikwembu!

Eksoda 20:2

“Hi mina HOSI Xikwembu xa wena, lexi xi ku humeseke etikweni ra Egipta, ni le vuhlongeni bya kona.

Levhitika 25:55

“Vaisraele, ndzi va teka va ri malandza ya mina lawa ndzi ma humeseke etikweni ra Egipta. Hi mina HOSI, Xikwembu xa n'wina.

Duteronoma 5:6

‘Hi mina HOSI Xikwembu xa wena, lexi xi ku humeseke etikweni ra Egipta ni le vuhlongeni bya kona.

Pisalema 78:58

Va hlundzukisile Xikwembu hi switsunga swa vona swa vukhongeri bya hava; va xi tlhave mbilu hi ku tivatlela swikwembu swa vona swa swifaniso.

Levhitika 7:33

loyi a nga ta fambisa ntirho wo xuva hi ngati ni wa ku hisa mafurha. Exikarhi ka vana va Aroni, hi yena loyi a nga ta kuma nenge lowu, wu va wa yena.

Vaavanyisi 18:30

Kutani va ka Dani va yimisa xifaniso lexi vatliweke. Yonatani n'wana Gerixomu wa Muxe, ni vana va yena, va va vaprista va nyimba ya ka Dani, ku kondza loko vanhu va tiko va yisiwa evukhumbini.

2 TIHOSI 17:8

va hanyile hi mikhuva ya vamatiko lava hlongoriweke hi HOSI Xikwembu loko Vaisraele va nghena etikweni; naswona, va hanyile hi mikhuva leyi tihosi ta Israele ti nga tisungulela yona.

2 TIHOSI 17:10

naswona va yimisile maribye ya vona ya vukhongeri bya hava, ni timhandze ta Axera xikwembukazi, exintshabyanini xin'wana ni xin'wana ni le ndzhutini wa murhi wun'wana ni wun'wana lowu tlhumeke.

2 TIHOSI 17:16

Va tshikile swileriso hinkwaswo swa HOSI Xikwembu xa vona, kutani va n'okisa koporo, va tivumbela swifaniso swa marhole mambirhi. Naswona va vatlile mhandze ya Axera xikwembukazi, va nkhinsamela dyambu ni tinyeleti va tirhela na Baali.