Levhitika 24:9 - BIBELE Mahungu Lamanene

⁹ Swinkwa leswi swi ta va swa Aroni ni vana va yena; va ta swi dyela exivandleni lexi hlawulekeke, hikuva swi ta va xiphemu lexo hlawuleka ngopfu lexi va nga ta hamba va nyikiwa xona hilaha ku nga heriki, eka magandzelo lama humeseriwaka mina HOSI.”

Xitsonga (Bibele)

⁹ Swi ta va swa Aroni ni vana va yena, va ta swi dya exivandleni lexo hlawuleka hikuva i xilo lexi hlawulekeke ngopfu eka vona, lexi pamburiweke emihlengweni leyi humeseriwaka Yehovha hi ndzilo. I ku lerisa loku nga heriki.”

Levhitika 24:9 Referans Kwoze

Levhitika 8:31

Kutani Muxe a byela Aroni ni vana va yena, a ku ka vona: “Mi fanele ku sweka nyama enyangweni ya Ntsonga lowo Hlawuleka, mi yi dyela kwalaho ni swinkwa leswi nga xirhundzwini xa magandzelo ya ku vekiwa ka n'wina, hilaha HOSI Xikwembu xi leriseke hakona, xi ku: ‘Swi ta dyiwa hi Aroni ni vana va yena.’

Luka 6:4

Ú nghenile endlwini ya Xikwembu, a teka swinkwa swa magandzelo leswi nga fanelangiki ku dyiwa hi vanhu van'wana, loko ku nga ri hi vaprista ntsena, kutani a dya, a tlhela a nyika ni lava a va ri na yena.”

Marka 2:26

U nghenile endlwini ya Xikwembu, enkarhini wa Abiyatara Muprista lonkulu, a dya swinkwa swa mhamba leswi nga fanelangiki ku dyiwa hi vanhu van'wana, loko ku nga ri hi vaprista ntsena, a tlhela a nyika ni lava a va ri na yena.”

Matewu 12:4

Ú tshama a nghena na vona endlwini ya Xikwembu, va dya swinkwa swa mhamba leswi a swi nga fanelanga ku dyiwa hi yena ni lava a va ri na yena, kambe a swi dyiwa hi vaprista ntsena.

Levhitika 10:17

“Hikwalaho ka yini mi nga dyanga nyama ya xiphongho xa mhamba yo susa swidyoho, mi yi dyela exivandleni lexo hlawuleka, xana? Nyama ya mhamba leyi yi hlawulekile swinene; mi nyikiwile yona leswaku mi ta susa ha yona swidyoho swa ntshungu wa Vaisraele, mi va basisa emahlweni ka HOSI Xikwembu.

Levhitika 6:16

Mapa lama salaka ma ta dyiwa hi Aroni ni vana va yena; ma fanele ku endla xinkwa lexo-ke-comela, lexi nga ta dyeriwa exivandleni lexi hlawulekeke, ku nga xivaveni xa Ntsonga lowo Hlawuleka.

1 SAMIELE 21:6

Leswi a ku ri hava xin'wana xinkwa, muprista a nyika Davhida xinkwa xa mhamba lexo hlawuleka, lexi a xi susiwile etafuleni ra le mahlweni ka HOSI Xikwembu, ku vekeriwa lexa ha ku swekiwaka.

Levhitika 21:22

Hambiswiritano, wa pfumeleriwa ku dya swakudya swa magandzelo lama humeseriweke mina exivandleni lexo hlawuleka ngopfu, a nga dya ni tinyiko leto hlawuleka.

Malakiya 1:12

Kambe n'wina vaprista mi tota vito ra mina ethyaka, hi ku anakanya leswaku alitari ya mina N'wini wa hinkwaswo a hi nchumu, ni leswaku swakudya swa kona swa soleka.

Levhitika 8:3

u vitana ni ntshungu hinkwawo wa Vaisraele, wu ta hlengeletana enyangweni.”

Levhitika 24:10

Emixaxeni ya Vaisraele, a ku ri ni wanuna loyi tata wa yena a a ri Muegipta; mana wa yena a a ri Muisraele loyi a va ku i Xelomiti N'wa-Dibri wa nyimba ya ka Dani. Siku rin'wana, wanuna loyi ú holovisanile na Muisraele un'wana kwale mixaxeni, kutani Muegipta loyi a sandza vito ra Xikwembu, a tlhela a rhuketela. Hiloko van'wana va n'wi khoma, va n'wi yisa eka Muxe,

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”

Levhitika 3:17

Hinkwako lomu mi nga ta va mi tshama kona, mi nga tshuki mi dya mafurha kumbe ngati. Nawu lowu, mi fanele ku wu landza, n'wina ni vatukulu va n'wina hilaha ku nga heriki.”

Levhitika 6:9

ku ya vulavula na Aroni ni vana va yena, a va lerisa a ku: “Nawu hi tlhelo ra magandzelo lama hisiwaka hi lowu: Nyama ya xifuwo xa kona yi fanele ku tshama endzilweni wa le alitarini vusiku hinkwabyo wu ri karhi wu hlanganyetiwa, ri ko ri xa.

Levhitika 6:11

Loko a hetile, ú fanele ku hluvula leswi a swi ambaleke, a ambala swin'wana, kutani a olela nkuma lowu, a wu yisa ehandle ka mixaxa exivandleni lexi tengeke.

Levhitika 10:12

Kutani Muxe a vulavula na Aroni ni vana va yena lava saleke, Eliyazara na Itamara, a ku ka vona: “Leswi swi saleke eka magandzelo ya swa le masin'wini lama hiseriweke HOSI Xikwembu, swi tekeni, mi ya swi dyela kusuhi ni alitari swi nga cheriwanga comela, hikuva swi hlawulekile ngopfu.