Levhitika 23:4 - BIBELE Mahungu Lamanene

⁴ Minkhuvo leyi yi vekiweke yo tlangela mina HOSI, ma nga masiku lawa mi faneleke ku vitanana ha wona, mi hlengeletana mi ndzi gandzela, hi leyi:

Xitsonga (Bibele)

⁴ “ ‘Hi leyi mikhuvo ya Yehovha, hileswaku tinhlengeletano leto kwetsima leti mi nga ta ti lerisa emikarhini ya tona:

Levhitika 23:4 Referans Kwoze

Levhitika 23:2

ku ya tivisa Vaisraele marito ya xona lama nge: “Ku ni masiku lawa ndzi ma vekeke ya minkhuvo, lawa mi faneleke ku hlengeletana ha wona mi ndzi gandzela mina HOSI; lawa hi wona masiku ya minkhuvo lawa ndzi ma vekeke.

Eksoda 23:14

“Mi fanele ku ndzi tlangela hi minkhuvo minharhu elembeni.

Levhitika 23:37

“Leyi hi yona minkhuvo leyi vekiweke yo tlangela mina HOSI. Hi masiku lawa ya minkhuvo, mi fanele ku vitanana, mi hlengeletana mi ndzi gandzela, mi ndzi humesela magandzelo lama hisiwaka, ni ya xinakulobye, ni ya swa le masin'wini, mi ma humesa ni vhinyo ya kona, hi masiku lama vekiweke;

Eksoda 12:14

“Siku leri, mi fanele ku ri tsundzuka; ri ta va siku leri mi nga ta endla nkhuvo wo tlangela HOSI Xikwembu ha rona. Nkhuvo lowu wu ta va xiboho ni le ka hinkwavo lava nga ta velekiwa, hilaha ku nga heriki.

Levhitika 23:21

Hi siku roleri, mi fanele ku vitanana, mi hlengeletana mi ndzi gandzela, mi nga tirhi ntirho na wun'we lowu tikaka. Nawu lowu, mi fanele ku wu landza hinkwako lomu mi nga ta tshama kona, n'wina ni vatukulu va n'wina hilaha ku nga heriki.

Nehemiya 8:15

Tlhandlakambirhi, a ku tsariwile leswaku va fanele ku hangalasa mahungu va tivisa vanhu emitini ya vona hinkwayo ni le Yerusalema va va byela ku ya etintshaveni va ya vuya ni mahlampfu ya mirhi ya tinxaka-xaka leyi nga ni matluka, va ta aka mintsonga hilaha swi tsariweke hakona.

Ezekiele 44:24

Loko Vaisraele va mangalelana ehubyeni, vaprista va ta avanyisa mhaka ya kona hi ku landza nawu wa mina; va ta hlayisa minkhuvo ya vukhongeri ya lembe rin'wana ni rin'wana, va nga tshiki maendlele ya yona ni swiletelo swa yona leswi ndzi swi vekeke; naswona va ta vona leswaku varikwavo va nga tlangi hi masiku layo hlawuleka ya Savata lawa ndzi ma vekeke.

Nahume 1:15

Langutani! Murhumiwa wa ta hi le tintshaveni; ú tisa mahungu lamanene, ni ku tivisa timhaka ta ku rhula. N'wina vanhu va Yuda, cinani minkhuvo ya n'wina, hetisani leswi mi swi hlambanyeke, hikuva muonhi a nga ka a nga ha hlaseli tiko ra n'wina, ni siku ri rin'we, ú heriseriwe ra makumu.

Esaya 29:1

U ni khombo we Ariele, gandzelo ra Xikwembu, we muti lowu hosi Davhida a goveke eka wona! Ku ta hela lembe leri, ni leri taka, ni minkhuvo ya kona yi ta dyiwa hinkwayo,