Levhitika 22:9 - BIBELE Mahungu Lamanene

⁹ Vaprista va fanele ku hlayisa swileriso swa mina, va nga tshuki va tlanga ha swona, hikuva sweswo swi nga va vangela nandzu, va fa. Hi mina HOSI, Xikwembu lexi xi va hlawulekisaka.

Xitsonga (Bibele)

⁹ “ ‘Va ta hlayisa milawu ya mina, leswaku va nga tirhwexi nandzu etimhakeni leti, va nga tshuki va fa hikwalaho ka ku onha ka vona: hi mina Yehovha loyi a va kwetsimisaka.

Levhitika 22:9 Referans Kwoze

Eksoda 28:43

Swiburukwana leswi swi fanele ku ambariwa hi Aroni ni vana va yena, loko va nghena eka Ntsonga lowo Hlawuleka, kumbe loko va ta kusuhi ni alitari ku ya tirha exivandleni lexo hlawuleka; loko va nga endlisi sweswo, va ta tivangela khombo, va fa. Lowu wu ta va nawu lowu bohaka Aroni ni vatukulu va yena hilaha ku nga heriki.”

Tinhlayo 18:32

Loko mi humesile leswinene ngopfu, kutani mi dya leswi saleke, a mi nga vi na nandzu; kambe mi nga tshuki mi nyamisa swilo leswi hlawulekeke swa Vaisraele, hikuva loko mo swi nyamisa, mi ta fa.’ ”

Tinhlayo 18:22

Ku endlela leswaku Vaisraele va nga tivangeli rifu hi ku tshinela kusuhi ni Ntsonga lowo Hlawuleka,

Levhitika 22:16

hi ku pfumelela munhu ntsena ku dya tinyiko ta kona; hikuva munhu wo tano ú ta va a tivangele nandzu lowu a nga ta fanela ku wu riha: Hi mina HOSI, Xikwembu lexi hlawulekisaka tinyiko leti.”

Levhitika 16:2

xi ku ka yena: “Byela makwenu Aroni leswaku ku ni siku leri a nga nghenaka ha rona exivandleni lexo hlawuleka ngopfu lexi pfariweke hi xisirhelelo, laha ku nga ni Areka ni xitshamu xa yona xa ndzivalelo; a nga tshuki a nghena minkarhi yin'wana, hikuva a nga ta fa loko ndzi humelela epapeni, ehenhla ka xitshamu xa ndzivalelo.

Matewu 23:17

N'wina swihunguki ni lavo-fe-mahlo, lexikulu hi xihi, xana i nsuku, kumbe i Tempele, leyi nga yona yi hlawulekisaka nsuku ke?

Levhitika 16:13

a fika a chela murhi wa risuna emakaleni, emahlweni ka mina HOSI; murhi wu ta tshwa wu humesa musi lowu nga ta funengeta xitshamu xa ndzivalelo lexi nga henhla ka Areka ya Ntwanano; loko a nga endlisi sweswo, ú ta fa.

Levhitika 18:30

Hikokwalaho, hlayisani leswi ndzi mi lerisaka swona, mi nga tshuki mi tekelela mikhuva ya manyala leyi a yi endliwa laha tikweni leri mi nga si fika; mi nga tshuki mi tinyamisa hi yona: Hi mina HOSI Xikwembu xa n'wina.”

Duteronoma 11:1

“Kutani, mi fanele ku rhandza HOSI Xikwembu xa n'wina, minkarhi hinkwayo mi endla leswi xi mi byelaka swona, mi hlayisa milawu ya xona, ni swiletelo swa xona, ni swileriso swa xona.