Levhitika 22:3 - BIBELE Mahungu Lamanene

³ Va tivise leswaku, eminkarhini hinkwayo leyi taka, loko un'wana wa vatukulu va vona loyi a nga tengangiki a tshuka a tshinela kusuhi ni tinyiko leto hlawuleka leti Vaisraele va ndzi humeselaka tona, ú fanele ku hlongoriwa, a nga ha ti emahlweni ka mina: Hi mina HOSI.

Xitsonga (Bibele)

³ U ku eka vona: ‘Munhu un'wana ni un'wana wa rixaka ra n'wina, ni wa vatukulu va n'wina la nga ta tshinelela swilo leswi hlawuriweke, leswi vana va Israele va swi hlawuleleke Yehovha, loko a ri la nga tengangiki, munhu loyi, u ta susiwa emahlweni ka mina: hi mina Yehovha.

Levhitika 22:3 Referans Kwoze

2 Vatesalonika 1:9

Vanhu lava va ta avanyisiwa hi ku yisiwa eku onhakeni loku nga heriki, ni ku vona nghohe ya Hosi a va nga yi voni, hambi ma ri matimba ya yona layo kwetsima a va nga ma voni.

Matewu 25:41

“Kutani Hosi yi ta byela lava nge vokweni ra yona ra ximatsi yi ku: ‘Sukani ka mina, n'wina lava rhukaniweke hi Xikwembu; yanani endzilweni lowu nga timekiki, lowu lunghiseriweke Diyavulosi ni tintsumi ta yena;

Pisalema 51:11

U nga ndzi cukumeteli kule na wena, u nga ndzi tekeli Moya wa wena lowo kwetsima.

Pisalema 16:11

U ndzi komba ndlela ya vutomi, laha u nga kona, ntsako wa khapa; evokweni ra wena ra xinene, ka tiphiniwa hilaha ku nga heriki.

Tinhlayo 19:13

Un'wana ni un'wana loyi a khumbaka munhu la feke, kutani a nga tibasisi, ú nyamisa Ntsonga wa mina HOSI; munhu wo tano, ú fanele ku hlongoriwa a suka erixakeni ra Israele. Munhu wa kona ú ta tshama a nga tenganga, hikuva ú ta va a nga xuviwanga hi mati yo basisa leswi nyameke.

Levhitika 22:2

“Byela Aroni ni vana va yena leswaku va nga tshuki va nyamisa vito ra mina lero hlawuleka; va fanele ku tivonela swinene loko va ndzi tisela tinyiko leto hlawuleka leti humesiweke hi Vaisraele: Hi mina HOSI.

Ezra 8:28

Kutani ndzi ku ka vona: “N'wina mi hlawulekile emahlweni ka HOSI Xikwembu, na swona swibya leswi, swi hlawulekile. Silivhere leyi, na nsuku lowu, vanhu va swi humesile hi ku titwa, va humesela HOSI Xikwembu xa vatata wa n'wina.

Eksoda 30:33

Un'wana ni un'wana loyi a nga ta endla mafurha yo fana ni lawa, kumbe loyi a nga ta teka man'wana ya wona a tota munhu wa le handle, ú ta hlongoriwa, a suka erixakeni ra ka vona.’ ”