Levhitika 22:20 - BIBELE Mahungu Lamanene

²⁰ Mi nga tshuki mi humesa swifuwo leswi swi nga hetisekangiki; leswo tano mina HOSI Xikwembu a ndzi nga swi amukeri, loko mo swi humesa.

Xitsonga (Bibele)

²⁰ Mi nga tshuki mi humesa lexi nga ni xivati, hikuva gandzelo leri, a ri nga ta amukeriwa.

Levhitika 22:20 Referans Kwoze

Duteronoma 17:1

“Mi nga tshuki mi humesela HOSI Xikwembu xa n'wina gandzelo hi homu kumbe nyimpfu leyi nga ni xivati xihi na xihi; sweswo, HOSI Xikwembu xa swi nyenya.

Malakiya 1:8

Loko mi ndzi humesela magandzelo hi swifuwo leswi feke mahlo, kumbe leswi lamaleke ni leswi vabyaka, xana n'wina a mi swi voni leswaku swi bihile xana? Ringetani ku endlisa sweswo, mi nyika vafumi va n'wina, mi vona loko va nga swi tsakela, va mi amukela! Ndzi vurisa sweswo mina HOSI ya matimba hinkwawo.

Duteronoma 15:21

Kambe loko xifuwo xa kona xi ri ni xivati, kumbe xi lamele, kumbe xi file mahlo, kumbe xi vavisekile swinene, mi nga tshuki mi humesela HOSI Xikwembu gandzelo ha xona.

1 Petro 1:19

kambe hi ngati ya nkoka ya Kriste, leyi fanaka ni ya xinyimpfana lexi nga riki na vulema kumbe xivati.

Vaheveru 9:14

ngati ya Kriste yona yi ta va leyi tlurisaka ngopfu hi matimba; hikuva Kriste ú tinyiketile hi yexe, hi moya lowu nga heriki, a nga ri na xivati emahlweni ka Xikwembu, kutani ngati ya yena yi basisa mapfalo ya hina emintirhweni leyi nga pfuniki nchumu, leswaku hi tirhela Xikwembu lexi hanyaka.

Levhitika 22:25

Naswona mi nga tshuki mi ndzi humesela swakudya hi swifuwo swo tano, leswi mi swi kumeke eka vanhu lava va nga riki Vaisraele. Swifuwo leswi a swi hetisekanga, swi tekiwa swi ri ni swivati, kutani a swi nga amukeriwi loko mo humesa ha swona magandzelo.”

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Levhitika 3:1

“Loko munhu a humesa magandzelo ya xinakulobye hi xin'wana xa swifuwo swa yena leswikulu, ú fanele ku pambula lexi nga solekiki xa xinuna kumbe xa xisati, a ya na xona emahlweni ka HOSI Xikwembu.

Levhitika 3:6

“Loko munhu a humesela HOSI Xikwembu magandzelo ya xinakulobye hi xin'wana xa swifuwo swa yena leswitsongo, ú fanele ku pambula xa xinuna kumbe xa xisati, lexi nga solekiki a humesa xona.

Tinhlayo 19:2

“Nawu hi lowu, wu humesiwa hi mina HOSI. Byelani Vaisraele va mi tisela thokazi leri tengeke, ri tlhela ri va leri nga solekiki, naswona leri nga si tshamaka ri paniwa.

Tinhlayo 29:8

kambe hi siku rero, va fanele ku ndzi humesela magandzelo lama hisiwaka lawa ku nun'hwela ka wona ku nga ta ndzi tsakisa: Va ta tlhava xinkuzana xin'we, ni khuna rin'we, ni swinyimpfana swa 7 swa xinuna swa lembe rin'we leswi nga solekiki.

Ezekiele 45:18

HOSI N'wini wa hinkwaswo ú vurisa sweswo ú ri: “Hi siku ro rhanga ra n'hweti yo rhanga, mi ta teka xinkuzana lexi nga solekiki, mi humesa ha xona gandzelo ro basisa Tempele.

Levhitika 22:24

Mi nga tshuki mi ndzi humesela magandzelo hi xifuwo lexi hala mahlweni ka xona ku pfimbeke, kumbe ku tsheniweke, kumbe ku vavisekeke, kumbe ku tsemiweke kunene; etikweni ra n'wina a swi pfumeleriwi ku humesa magandzelo hi xifuwo xo tano.