Levhitika 22:2 - BIBELE Mahungu Lamanene

² “Byela Aroni ni vana va yena leswaku va nga tshuki va nyamisa vito ra mina lero hlawuleka; va fanele ku tivonela swinene loko va ndzi tisela tinyiko leto hlawuleka leti humesiweke hi Vaisraele: Hi mina HOSI.

Xitsonga (Bibele)

² “Byela Aroni ni vana va yena leswaku va tivonela loko va ri karhi va dya swilo leswi hlawuriweke swa vana va Israele, ni leswaku va nga tshuki va endla swahava vito ra mina leri kwetsimaka, eswilweni leswi va ndzi hlawulelaka swona: hi mina Yehovha.

Levhitika 22:2 Referans Kwoze

Duteronoma 15:19

“Mativula hinkwawo ya xinuna lama velekiweke emintlhambini ya swifuwo swa n'wina leswikulu ni leswitsongo, mi ta ma nyiketa eka HOSI Xikwembu xa n'wina. Mativula ya swifuwo swa n'wina leswikulu, mi nga tshuki mi ma tirhisa mintirho; na wona mativula ya swifuwo swa n'wina leswitsongo, mi nga ma tsemeti voya.

Levhitika 18:21

“U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

Tinhlayo 18:32

Loko mi humesile leswinene ngopfu, kutani mi dya leswi saleke, a mi nga vi na nandzu; kambe mi nga tshuki mi nyamisa swilo leswi hlawulekeke swa Vaisraele, hikuva loko mo swi nyamisa, mi ta fa.’ ”

Levhitika 22:32

Mi nga tshuki mi nyamisa vito ra mina; Vaisraele hinkwavo va fanele ku swi tiva leswaku ndzi hlawulekile; hi mina HOSI, Xikwembu lexi xi mi hlawulekisaka;

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

Eksoda 28:38

Aroni ú fanele ku vekela xiphepherhele lexi emombyeni wa yena; ú ta byarha xidyoho xa mhamba yin'wana ni yin'wana leyo hlawuleka leyi Vaisraele va nga ta va va nga yi humesanga hi ndlela leyinene. Aroni ú ta tshama a vekerile xiphepherhele lexi emombyeni wa yena, leswaku magandzelo ma ta amukeleka emahlweni ka mina HOSI.

Eksoda 13:12

hikokwalaho, mi ta hlawula hinkwaswo leswi rhangeke ku velekiwa, mi swi nyiketa eka HOSI Xikwembu. Mativula hinkwawo ya xinuna ya swifuwo swa n'wina ma ta va ya HOSI Xikwembu.

Levhitika 21:6

Va fanele ku hlawuleka, va tirhela mina Xikwembu xa vona, va nga nyamisi vito ra mina, hikuva hi vona lava va ndzi humeselaka magandzelo, swi nga swakudya swa mina HOSI Xikwembu xa vona; hikokwalaho va fanele ku va lava hlawulekeke.

Levhitika 20:3

Munhu loyi a yisaka n'wana wa yena eka Moloko, ú nyamisa xivandla xa mina lexo hlawuleka, a onha ni vito ra mina; hikokwalaho ndzi ta n'wi ba, ndzi n'wi hlongola a suka exikarhi ka va ka vona.

Levhitika 15:31

“Mi ta tsundzuxa Vaisraele hi mukhuva wolowo, leswaku va hambana ni swilo leswi swi nga tengangiki, kutani va nga ka va nga tivangeli rifu hi ku nyamisa Ntsonga wa mina lowo hlawuleka, lowu nga xikarhi ka vona.”

Levhitika 22:1

HOSI Xikwembu xi vulavula na Muxe, xi ku:

Ezra 8:28

Kutani ndzi ku ka vona: “N'wina mi hlawulekile emahlweni ka HOSI Xikwembu, na swona swibya leswi, swi hlawulekile. Silivhere leyi, na nsuku lowu, vanhu va swi humesile hi ku titwa, va humesela HOSI Xikwembu xa vatata wa n'wina.

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Ezekiele 44:8

Mintirho leyo hlawuleka eTempeleni a mi yi endlanga, mi yi tshikile yi tirhiwa hi vamatiko.