Levhitika 21:7 - BIBELE Mahungu Lamanene

⁷ Loko va teka, va nga tshuki va ya lava nghwavava, kumbe loyi a nga tshama a tivana ni wanuna, kumbe wansati loyi a tshikaneke ni nuna, hikuva muprista ú hlawuleriwe ku tirhela mina Xikwembu xa yena.

Xitsonga (Bibele)

⁷ “ ‘Va nga tshuki va teka nsati wa mbhisa, kumbe la nga ni xisandzu; va nga tshuki va teka wansati la tshikiweke hi nuna wa yena, hikuva muprista u hlawuleriwe Xikwembu xa yena.

Levhitika 21:7 Referans Kwoze

Ezekiele 44:22

Loko muprista a lava ku teka nsati, a nga tshuki a hlawula loyi a feriweke kumbe loyi a tshikiweke hi nuna; muprista ú fanele ku teka wanhwana wa rixaka ra Israele, kumbe a teka wansati loyi a feriweke hi nuna loyi a a ri muprista na yena.

Levhitika 21:8

Vaisraele va fanele ku xixima vaprista, hikuva hi vona lava humesaka magandzelo, swi nga swakudya swa mina Xikwembu xa n'wina; a va tsundzuke leswaku vaprista va hlawulekile, hikuva mina HOSI Xikwembu lexi xi mi hlawulekisaka, ndzi hlawulekile.

1 Timotiya 3:11

Hi mukhuva wolowo vavasati na vona a va chaviseke, va nga vi na rilumbeto, kambe va dya hi ku pima, va tshembeka eswilweni hinkwaswo.

Esaya 50:1

HOSI Xikwembu xi vurisa sweswo xi ri: “Mi ehleketa leswaku ndzi mi tshikile, n'wina Vaisraele, ku fana ni wanuna la hlongolaka nsati wa yena; loko swi ri tano, ri kwihi papila leri tiyisaka mhaka ya kona, xana? Mi anakanya leswaku ndzi mi yisile evuhlongeni, ku fana ni munhu la rihaka swikweleti hi vana va yena; xana ndzi mi nyikete eka mani? Swidyoho swa n'wina, hi swona swi nga mi yisa evuhlongeni, mi tshikiwile hi mhaka ya milandzu ya n'wina kukota wansati la hlongoriweke evukatini.

Genesa 38:24

Endzhaku ka tin'hweti tinharhu, Yuda a kuma rito leri nge: “N'wingi wa wena Tamara ú endlile vunghwavava, kutani sweswi ú tikile.” Kutani Yuda a ku: “N'wi vuyiseni haleno, a ta hisiwa!”