Levhitika 21:6 - BIBELE Mahungu Lamanene

⁶ Va fanele ku hlawuleka, va tirhela mina Xikwembu xa vona, va nga nyamisi vito ra mina, hikuva hi vona lava va ndzi humeselaka magandzelo, swi nga swakudya swa mina HOSI Xikwembu xa vona; hikokwalaho va fanele ku va lava hlawulekeke.

Xitsonga (Bibele)

⁶ Va ta tihlawulela Xikwembu xa vona, hikuva va tshama va humesela Yehovha magandzelo lama hisiwaka, swi ri swakudya swa Xikwembu xa vona: va ta va lava hlawuriweke.

Levhitika 21:6 Referans Kwoze

Levhitika 18:21

“U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

Levhitika 3:11

Kutani muprista ú ta hisa swilo leswi ehenhla ka alitari, swi va swakudya leswi swi humeseriwaka HOSI Xikwembu.

1 Petro 2:9

Kambe n'wina, mi rixaka leri hlawuriweke, mi vaprista va Hosi, mi tiko leri hlawulekeke, vanhu lava nga va Xikwembu hi xiviri, leswaku mi ta kota ku twarisa mintirho leyo saseka ya loyi a mi vitaneke ku huma emunyameni, mi ta nghena eku vonakaleni ka yena loku hlamarisaka.

Ezekiele 44:7

Mi pfumelela vamatiko lava nga yimbangiki, lava nga riki na mhaka na mina, leswaku va nghena eTempeleni ya mina, va yi nyamisa, loko n'wina mi ri karhi mi ndzi humesela swakudya hi magandzelo, ku katsa ni mafurha ni ngati, kutani mi tshovile ntwanano exikarhi ka mina na n'wina hi swilo hinkwaswo swa manyala leswi mi swi endleke.

Esaya 52:11

Sukani! Sukani! Humani eBabilona mi famba, mi nga tshuki mi khumba swilo leswi nga tengangiki. Humani etikweni rero! N'wina mi rhwalaka swibya swa HOSI Xikwembu, mi fanele ku tibasisa.

Ezra 8:28

Kutani ndzi ku ka vona: “N'wina mi hlawulekile emahlweni ka HOSI Xikwembu, na swona swibya leswi, swi hlawulekile. Silivhere leyi, na nsuku lowu, vanhu va swi humesile hi ku titwa, va humesela HOSI Xikwembu xa vatata wa n'wina.

Levhitika 21:8

Vaisraele va fanele ku xixima vaprista, hikuva hi vona lava humesaka magandzelo, swi nga swakudya swa mina Xikwembu xa n'wina; a va tsundzuke leswaku vaprista va hlawulekile, hikuva mina HOSI Xikwembu lexi xi mi hlawulekisaka, ndzi hlawulekile.

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

Levhitika 10:3

Kutani Muxe a ku ka Aroni: “Leswi hi swona HOSI Xikwembu a xi vula swona loko xi ku: ‘Lava va tshinelaka kusuhi na mina, va fanele ku ndzi chava, Vaisraele hinkwavo va fanele ku ndzi dzunisa.’ ” Loko a ri Aroni, a tikhoma a miyela.

Eksoda 29:44

Ndzi ta hlawulekisa Ntsonga ni alitari ya kona; na yena Aroni ni vana va yena, ndzi ta va hlawulekisa leswaku va va vaprista, va ndzi tirhela.

Eksoda 28:36

“Mi ta fula nsuku lowo tenga wu va xiphepherhele, eka xona mi kevetla marito lama nge: ‘La hlawuleriweke HOSI’, ku fana ni loko ku kevetliwa mfungho.

Eksoda 19:22

Hambi va ri vaprista lava pfumeleriwaka ku tshinela kusuhi na mina HOSI, va fanele ku tibasisa; loko swi nga ri tano, ndzi ta va hlundzukela ndzi va ba.”

Levhitika 21:17

ku ya vulavula na Aroni, a n'wi tivisa marito ya xona lama nge: “Eminkarhini hinkwayo leyi taka, ku nga tshuki ku va na un'wana wa vatukulu va wena loyi a taka a nga hetisekanga, a ta ndzi humesela magandzelo mina HOSI Xikwembu xa yena.

Levhitika 21:21

Ku nga tshuki ku va na un'we exikarhi ka vatukulu va wena Aroni loyi a taka a ta ndzi humesela magandzelo, loko a nga hetisekanga. Loyi a nga hetisekangiki, a nga tshuki a tshinela a ndzi humesela magandzelo mina Xikwembu xa yena.

Levhitika 20:3

Munhu loyi a yisaka n'wana wa yena eka Moloko, ú nyamisa xivandla xa mina lexo hlawuleka, a onha ni vito ra mina; hikokwalaho ndzi ta n'wi ba, ndzi n'wi hlongola a suka exikarhi ka va ka vona.

Levhitika 21:23

Kambe a nga tshuki a tshinela kusuhi ni xisirhelelo lexi pfalaka xivandla lexo hlawuleka ngopfu; ni le alitarini a nga tshineli, hikuva leswi a nga hetisekangiki, a nga nyamisa leswi nga ndzeni ka Ntsonga lowo Hlawuleka: Hi mina HOSI Xikwembu lexi hlawulekisaka vaprista.”

Tinhlayo 16:5

kutani a byela Kora ni vanghana va yena hinkwavo, a ku: “Mundzuku nimixo, HOSI Xikwembu xi ta kombisa loyi a nga wa xona ni loyi a hlawulekeke, kutani xi ta n'wi pfumelela ku tshinela a xi tirhela; ndzi ri, yoloyi xi tihlawuleleke yena, hi yena xi nga ta n'wi pfumelela ku tshinela a humesa magandzelo.

Tinhlayo 28:2

“Byela Vaisraele leswaku va hamba va ndzi humesela swakudya swa magandzelo lama hisiwaka hi nkarhi wa kona, naswona swi va leswi ku nun'hwela ka swona ku nga ta ndzi tsakisa.