Levhitika 21:5 - BIBELE Mahungu Lamanene

⁵ Enkarhini wa nkosi, vaprista va nga tshuki va byewula misisi kumbe ku tsemeta malebvu lomu matlhelo, naswona va nga tshuki va tixekelela-xekelela.

Xitsonga (Bibele)

⁵ Vaprista va nga tshuki va byewula misisi, va nga tshuki va titsemela ematlhelo ya malebvu, va nga titlhaveli emirini ya vona.

Levhitika 21:5 Referans Kwoze

Duteronoma 14:1

“N'wina mi vanhu va HOSI Xikwembu xa n'wina, kutani loko ku tshuka ku lovile munhu, mi nga tlhaveli tinhlanga kumbe ku byewula nhloko,

Ezekiele 44:20

Vaprista a va nga byewuli misisi, kumbe ku yi tshika yi hangalaka, kambe va ta yi tsemeta kunene.

Mikiya 1:16

Byewulani misisi hinkwayo etinhlokweni ta n'wina, mi rila vana va n'wina lava mi va rhandzaka; vangamisani tinhloko ta n'wina, hikuva vana va n'wina va ta yisiwa evukhumbini.”

Amosi 8:10

Ndzi ta hundzula minkhuvo ya n'wina yi va minkosi, ni tinsimu ta n'wina hinkwato ti va ta swirilo; ndzi ta mi ambexa leswo khwaxa hinkwenu, ndzi mi byewula ni tinhloko. Siku ra kona, ndzi ta ri endla ri fana ni ra ku rila n'wana un'we wa xinuna; eku heteleleni, ku ta sala mbitsi ntsena.”

Yeremiya 48:37

Hinkwavo va le ku rileni ka nkosi, va byewule misisi ni malebvu, va tixekelele mavoko va ambala swo khwaxa.

Yeremiya 16:6

Etikweni rero, vanhu lavakulu ni lavatsongo va ta fa enkarhini wun'we; a va nga lahliwi kumbe ku riliwa. Vanhu a va nga byewuli tinhloko kumbe ku tixekelela, ku komba leswaku va le ku rileni.

Esaya 22:12

Enkarhini wolowo, HOSI ya matimba hinkwawo, N'wini wa hinkwaswo, a a langutela leswaku mi ta rila nkosi, mi byewula tinhloko, mi ambala swiambalo leswo khwaxa.

Esaya 15:2

Vaaki va muti wa Diboni va tlhandlukerile eswitsungeni leswo hlawuleka, va ya rila. Vanhu va tiko ra Mowabu va tlhava mukhosi va rilela muti wa Nebo ni wa Medeba. Hinkwavo va byewule misisi, va tsema ni malebvu.

Levhitika 10:6

Kutani Muxe a byela Aroni ni vana va yena Eliyazara na Itamara, a ku: “Mi nga tshuki mi rila nkosi lowu; mi nga tshiki misisi ya n'wina yi hangalaka, kumbe ku handzulela swiambalo swa n'wina. Loko mo endla sweswo, mi ta fa, mi tlhela mi endla leswaku HOSI Xikwembu xi hlundzukela ntshungu hinkwawo. Loko va ri Vaisraele lavan'wana, vona va nga rila nkosi wa lava dlayiweke hi ndzilo lowu humaka eka HOSI Xikwembu.

Levhitika 21:4

Kambe a nga tshuki a ya enkosini wa makwavo loyi a tekiweke, hikuva sweswo swi ta n'wi nyamisa.

Ezekiele 5:1

Xikwembu xi ku ka mina: “Wena munhu, tiendlele rikari hi banga ro kariha, u ri tirhisa ku byewula misisi ni malebvu, misisi ya kona u yi pima exikalwini, u yi avanyisa hi swiputsa swinharhu.