Levhitika 20:3 - BIBELE Mahungu Lamanene

³ Munhu loyi a yisaka n'wana wa yena eka Moloko, ú nyamisa xivandla xa mina lexo hlawuleka, a onha ni vito ra mina; hikokwalaho ndzi ta n'wi ba, ndzi n'wi hlongola a suka exikarhi ka va ka vona.

Xitsonga (Bibele)

³ Na mina ndzi ta languta munhu loyi, hi vukari, ndzi n'wi susa exikarhi ka tiko ra yena, hikuva u humesele Moloko n'wana wa yena ku nyamisa vukwetsimelo bya mina, ni ku endla xisandzu hi vito ra mina ro kwetsima.

Levhitika 20:3 Referans Kwoze

Levhitika 18:21

“U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

Ezekiele 5:11

Mina HOSI N'wini wa hinkwaswo, ndza tiboha hi ku hlambanya ndzi ri: Leswi mi nyamiseke Tempele ya mina hi swilo swa n'wina leswo nyangatsa ni manyala ya n'wina, ndzi ta mi byewula tinhloko, ndzi nga ha mi tsetseleli kumbe ku mi twela vusiwana.

Levhitika 17:10

“Munhu un'wana ni un'wana, a nga va a ri Muisraele kumbe muluveri exikarhi ka Vaisraele, loko o tshuka a dya ngati, HOSI Xikwembu xi ta n'wi ba, xi n'wi hlongola, xi n'wi susa exikarhi ka va ka vona.

2 Vakorinto 6:16

Tempele ya Xikwembu yi ni vunakulobye byihi ni swikwembu swa hava ke? Hikuva tempele ya Xikwembu lexi hanyaka hi hina, kukotisa leswi Xikwembu xi nga te: “Ndzi ta aka na vona, ndzi famba-famba exikarhi ka vona, ndzi ta va Xikwembu xa vona, kutani vona va ta va tiko ra mina.”

Ezekiele 20:39

“Mina HOSI N'wini wa hinkwaswo ndzi ri, fambani n'wina hinkwenu Vaisraele, mi ya tirhela swikwembu swa n'wina swa hava namuntlha ni mundzuku, loko mi nga lavi ku ndzi yingisa; kambe mina a ndzi nga ha pfumeli leswaku mi nyamisa vito ra mina hi magandzelo ya swikwembu swa n'wina swa hava.

Tinhlayo 19:20

“Munhu loyi a nga tengangiki, loko a nga tibasisi, ú ta hlongoriwa a suka exikarhi ka ntshungu wa Vaisraele, hikuva ú ta nyamisa xivandla xa mina lexo hlawuleka. Munhu wo tano ú ta va a nga tenganga, hikuva a nga xuviwanga hi mati yo basisa leswi nyameke.

Levhitika 15:31

“Mi ta tsundzuxa Vaisraele hi mukhuva wolowo, leswaku va hambana ni swilo leswi swi nga tengangiki, kutani va nga ka va nga tivangeli rifu hi ku nyamisa Ntsonga wa mina lowo hlawuleka, lowu nga xikarhi ka vona.”

1 Petro 3:12

Hikuva mahlo ya Hosi ma tsakela lavo lulama, ni tindleve ta yona ti pfulekele swikhongelo swa vona, kambe Hosi yi fularhela lava endlaka swo biha.”

Levhitika 20:4

Kambe loko Vaisraele va tshika munhu loyi a yisaka n'wana wa yena eka Moloko, va endla wonge a va n'wi voni, kutani va nga n'wi dlayi,

Tinhlayo 19:13

Un'wana ni un'wana loyi a khumbaka munhu la feke, kutani a nga tibasisi, ú nyamisa Ntsonga wa mina HOSI; munhu wo tano, ú fanele ku hlongoriwa a suka erixakeni ra Israele. Munhu wa kona ú ta tshama a nga tenganga, hikuva ú ta va a nga xuviwanga hi mati yo basisa leswi nyameke.

Eksoda 30:33

Un'wana ni un'wana loyi a nga ta endla mafurha yo fana ni lawa, kumbe loyi a nga ta teka man'wana ya wona a tota munhu wa le handle, ú ta hlongoriwa, a suka erixakeni ra ka vona.’ ”

Levhitika 7:20

ya magandzelo ya xinakulobye lama humeseriwaka HOSI Xikwembu, kambe munhu loyi a dyaka nyama leyi enkarhini lowu a nga tengangiki, ú fanele ku hlongoriwa a suka exikarhi ka va ka vona.

Levhitika 7:21

Munhu a nga tshuka a khumbana ni xilo lexi nga tengangiki; ku nga va thyaka ra vanhu, kumbe xiharhi lexi nga tengangiki, kumbe xilo xihi na xihi lexi yilaka hi ku ka xi nga tenganga; loko munhu wo tano o dya nyama ya xifuwo xa magandzelo ya xinakulobye lama humeseriwaka HOSI Xikwembu, ú fanele ku hlongoriwa a suka exikarhi ka va ka vona.”

Levhitika 19:12

Mi nga tiyisi mavunwa hi ku hlambanya hi vito ra mina Xikwembu xa n'wina, hikuva sweswo i ku tlanga hi vito leri: Hi mina HOSI.

Levhitika 21:6

Va fanele ku hlawuleka, va tirhela mina Xikwembu xa vona, va nga nyamisi vito ra mina, hikuva hi vona lava va ndzi humeselaka magandzelo, swi nga swakudya swa mina HOSI Xikwembu xa vona; hikokwalaho va fanele ku va lava hlawulekeke.