Levhitika 20:2 - BIBELE Mahungu Lamanene

² ku ya tivisa Vaisraele marito ya xona lama nge: “Loko un'wana wa Vaisraele kumbe un'wana wa lava luveleke exikarhi ka Vaisraele, a yisa n'wana wa yena eka Moloko xikwembu xa Vaamoni, ú fanele ku dlayiwa hi ntshungu hinkwawo, va n'wi khandla hi maribye, a fa.

Xitsonga (Bibele)

² “Mani na mani exikarhi ka vana va Israele, hambi exikarhi ka valuveri lava luvelaka eIsraeleni, la nyikaka un'wana wa vana va yena ku n'wi humesela Moloko, u ta avanyiseriwa rifu: vanhu va tiko va ta n'wi khandla hi maribye.

Levhitika 20:2 Referans Kwoze

Duteronoma 21:21

Kutani vanhu hinkwavo va muti va ta n'wi khandla hi maribye a fa. Hi ndlela leyi, mi ta susa vubihi exikarhi ka n'wina, kutani loko Vaisraele hinkwavo va swi twa, va ta hamba va chava.

Levhitika 24:23

Hiloko Muxe a ya a ya tivisa Vaisraele marito lawa, kutani vona va teka loyi a rhukaneke, va n'wi humesela ehandle ka mixaxa, va fika va n'wi khandla hi maribye, a fa. Hi ndlela leyi, Vaisraele va endla hilaha HOSI Xikwembu xi leriseke Muxe hakona.

Levhitika 24:14

“Humesa munhu loyi a rhukaneke a ya ehandle ka mixaxa, u fika u byela vanhu lava va n'wi tweke leswaku va tlhandleka mavoko enhlokweni ya yena, kutani u lerisa ntshungu hinkwawo leswaku wu n'wi khandla hi maribye a fa.

Levhitika 20:27

“Wanuna kumbe wansati loyi a nga ni swikwembu kumbe loyi a nga xingomantanda, ú fanele ku dlayiwa, a khandliwa hi maribye, a fa; rifu rero, ú ta va a lo tilavela rona.”

Levhitika 18:21

“U nga tshuki u nyiketa n'wana wa wena leswaku a hiseriwa Moloko xikwembu xa Vaamoni; sweswo ku ta va ku ri ku nyamisa vito ra mina HOSI, Xikwembu xa wena.

Timhaka 7:43

E-e! A mi rhwala ntsonga wa Moloko, ni nyeleti ya Rhomfani, xikwembu xa n'wina, swi nga swifaniso leswi mi nga swi endla leswaku mi swi nkhinsamela. Hikokwalaho ndzi ta mi rhurhisa ku hundza ni le Babilona.’

Ezekiele 23:39

Siku va endleke magandzelo hi vana va vona va humesela swikwembu swa hava, va tlhele va nghena eTempeleni ya mina va yi nyamisa; hi swona leswi va swi endleke endlwini ya mina.

Ezekiele 23:37

Vavasati lava va oswile loko va ya khongela swikwembu swa hava, mavoko ya vona ma lo pyì hi ngati, hikuva va tekile vana lava a va ndzi nyikile vona, va endla ha vona magandzelo lama hisiwaka, va humesela swikwembu leswi swa hava.

Ezekiele 20:31

Hakunene loko mi ri karhi mi humesa magandzelo ya n'wina ni loko mi dlaya vana va n'wina, mi va hisa emahlweni ka swikwembu swa n'wina hinkwaswo leswa hava, mi le ku tinyamiseni! Hikokwalaho swi tiveni n'wina Vaisraele: Ndzi tiyisa hi ku hlambanya leswaku ndzi nga ka ndzi nga pfumeri ku vutisiwa timhaka hi n'wina.

Ezekiele 20:26

Ndzi va tshikile va tinyamisa hi ku humesa magandzelo ya vona, va dlaya vana va vona va mativula va va hisela swikwembu swa hava; ndzi va khomisile tingana letikulu ha swona, ndzi endlela ku va komba leswaku HOSI Xikwembu, hi mina!

Yeremiya 32:35

Va lulamisile swivandla leswo hlawuleka swa Baali enkoveni wa va ka Hinomu, kutani va dlayile kona vana va vona va xinuna ni va xisati, va humesa ha vona magandzelo lama hisiwaka, va humesela Moloko xikwembu xa vona. Mhaka leyi, a va lerisiwanga hi mina, ni ku yi ehleketa a ndzi yi ehleketanga ni siku ni rin'we. Kutani manyala lawa va ma endleke, ma va dyohisile.

Yeremiya 7:31

Va akile ndhawu yo gandzela eka yona le Tofete enkoveni wa va ka Hinomu, va dlaya vana va vona va xinuna ni va xisati, va humesa ha vona magandzelo lama hisiwaka. Mhaka leyi, a va lerisiwanga hi mina, a ndzi yi ehleketanga ni siku ni rin'we!

Pisalema 106:38

Va halatile ngati leyi nga riki na nandzu ya vana va vona va xinuna ni va xisati, va humesa ha yona magandzelo va nyika swikwembu swa Vakanana, va nyamisisa sweswo tiko ra vona.

2 TIKRONIKA 33:6

Naswona a hisa vana va yena va xinuna enkoveni wa Hinomu, a endla magandzelo ha vona. A vhumbha, ni ku hlahluva, ni ku vutisa vafi, a tirhisana ni vangoma ni lava fembaka. A endla leswo biha ngopfu emahlweni ka HOSI Xikwembu, a kondza a xi hlundzukisa swinene.

2 TIKRONIKA 28:3

A hisa mirhi ya risuna enkoveni wa Hinomu, a hisa ni vana va yena a gandzela ha vona, a endla manyala ya vamatiko lava hlongoriweke hi HOSI Xikwembu, loko Vaisraele va nghena etikweni.

2 TIHOSI 23:10

Yosiyasi a nyamisa ndhawu leyi vuriwaka Tofete, ya le nkoveni wa va ka Hinomu, leswaku ku nga ha vi na munhu na un'we loyi a nga ta gandzela Moloko xikwembu xa Vaamoni, hi ku hisela endhawini ya kona n'wana wa yena wa xinuna kumbe wa xisati.

2 TIHOSI 17:17

Va hisile vana va vona va xinuna ni va xisati, va gandzela ha vona; va yile eka vangoma, va ya hlahluva, va tinyiketa ku endla leswi biheke emahlweni ka HOSI Xikwembu, va kondza va xi hlundzukisa.

Duteronoma 18:10

Exikarhi ka n'wina, ku nga tshuki ku va ni loyi a humesaka magandzelo hi ku hisa n'wana wa yena wa xinuna kumbe wa xisati; naswona ku nga tshuki ku va na loyi a tirhisaka swa vungoma, ni loyi a vhumbhaka kumbe ku hlahluva, kumbe ku va nyamusoro,

Duteronoma 12:31

HOSI Xikwembu xa n'wina, mi nga tshuki mi xi gandzela hi mukhuva lowu vanhu lava va gandzelaka ha wona; hikuva hinkwaswo leswi va swi endlelaka swikwembu swa vona, HOSI Xikwembu xa swi nyenya xi tlhela xi swi venga: Vanhu lava va hisa ni vana va vona va xinuna ni va xisati, va hisela swikwembu swa vona!

Levhitika 17:15

“Munhu un'wana ni un'wana, a nga va Muisraele kumbe muluveri, loyi a dyaka nyama ya xifuwo lexi nga lo tifela hi xoxe, kumbe lexi dlayiweke hi swivandzana, ú fanele ku hlantswa swiambalo swa yena, a hlamba ni miri; hambiswiritano, siku rero ú ta va a nga tenganga, dyambu ri ko ri pela; kutani hi kona a nga ta va a tengile.

Levhitika 17:13

Loko un'wana wa Vaisraele kumbe un'wana wa lava luveleke eka vona o tshuka a ya eku hloteni, kutani a dlaya xiharhi kumbe xinyanyana lexi a pfumeleriwaka ku dya nyama ya xona, ú fanele ku halata ngati ya xona, a yi seletela,

Levhitika 17:8

Muxe a lerisiwa nakambe ku ya vulavula ni Vaisraele, a ku: “Munhu un'wana ni un'wana, a nga va Muisraele kumbe munhu la luveleke exikarhi ka vona, loko a lava ku humesa magandzelo lama hisiwaka kumbe magandzelo man'wana, ú fanele ku ta ni xifuwo xa kona enyangweni ya Ntsonga lowo Hlawuleka, a ta xi humesela HOSI Xikwembu. Loko a nga endlisi sweswo, ú fanele ku hlongoriwa, a susiwa exikarhi ka va ka vona.

Levhitika 20:1

HOSI Xikwembu xi byela Muxe

1 TIHOSI 11:7

Hiloko Solomoni a dzima gandzelo ra Kemoxi xikwembu xa ndzhukano xa le Mowabu, a dzima ni ra Milikomo xikwembu xa ndzhukano xa Vaamoni, entshaveni ya le vuxeni bya Yerusalema.

Levhitika 24:16

Loyi a sandzaka vito ra mina HOSI, ú ta dlayiwa, ntshungu hinkwawo wu ta n'wi khandla hi maribye a fa; a nga va muluveri, kumbe Muisraele, loko a sandza vito ra mina, ú ta dlayiwa.

Duteronoma 17:2

“Eka wun'wana wa miti leyi HOSI Xikwembu xa n'wina xi nga ta mi nyika yona, ku nga tshuka ku va ni munhu wa xinuna kumbe wa xisati loyi a tshovaka ntwanano wa HOSI Xikwembu xa n'wina hi ku endla leswi nga nkhensekiki emahlweni ka xona.

Duteronoma 22:21

ú fanele ku yisiwa eka vona, a fika a yimisiwa enyangweni, kutani vavanuna va muti wolowo va fanele ku n'wi khandla hi maribye a fa, hikuva ú ta va a endlile mhaka ya vuphukuphuku etikweni ra Israele hi ku va ni mahanyelo ya vunghwavava, loko a ha ri eka vona. Vubihi byo tano, mi fanele ku byi susa exikarhi ka n'wina.