Levhitika 2:9 - BIBELE Mahungu Lamanene

⁹ a fika a pambula swo suma ha swona, a swi hisa alitarini, yi va mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Xitsonga (Bibele)

⁹ Muprista u ta pambula eka nyiko xitsundzuxo xa yona, u ta xi hisa ealitarini, yi va mhamba leyi hisiwaka leyi nga ni risuna eka Yehovha.

Levhitika 2:9 Referans Kwoze

Levhitika 2:2

Kutani a ya na swona eka vaprista, va nga vana va Aroni, a fika a nusa mapa lama nga ni mafurha a tata xandla, kutani muprista ú ta swi hisa alitarini ni murhi hinkwawo wa risuna, swi va swo suma ha swona; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Vafilipiya 4:18

Ndzi kumile hakelo hinkwayo, ni ku tlula. Ndzi ni leswo tala, hikuva Epafrodito ú ndzi tisele tinyiko leti humaka eka n'wina. Tinyiko leti ti fana ni gandzelo ra risuna, leri amukelekaka eka Xikwembu, ri xi tsakisa.

Levhitika 6:15

Un'wana wa vona ú ta teka mapa lamanene ya magandzelo ya swa le masin'wini, a ma nusa ni mafurha ya kona a tata xandla, kutani a ma hisa alitarini ni murhi hinkwawo wa risuna, swi va swo suma ha swona; ku nun'hwela ka swona ku ta tsakisa HOSI Xikwembu.

Vafilipiya 2:17

Hambiloko ndzi fanela ku tlhandlekela vutomi bya mina ehenhla ka mhamba ya n'wina ya ku pfumela, leyi mi gandzelaka Xikwembu ha yona, ndzi tsakile ni ku tlangela swin'we na n'wina hinkwenu.

Vaefesa 5:2

Hanyani hi moya wa rirhandzu, tanihi Kriste loyi a hi rhandzeke ni ku tinyiketa hikwalaho ka hina, a humesela Xikwembu gandzelo ra risima, leri ri xi tsakisaka.

Varhoma 15:16

ku va nandza wa Kriste Yesu exikarhi ka vamatiko. Mina, kukota muprista, ndzi vula Mahungu Lamanene ya Xikwembu leswaku vamatiko va va mhamba leyi amukelekaka eka xona, leyi hlawulekisiweke hi Moya lowo Kwetsima.

Eksoda 29:18

Kutani u hisa khuna hinkwaro ehenhla ka alitari. Lawa hi wona magandzelo lama hisiwaka, lama humeseriwaka mina HOSI Xikwembu; hi yona mhamba leyi hiseriwaka mina, leyi ku nun'hwela ka yona ku nga ta ndzi tsakisa.

Varhoma 12:1

Loko swi ri tano vamakwerhu, ndza mi khongotela hikwalaho ka tintswalo ta Xikwembu, leswaku mi nyiketa vutomi bya n'wina hinkwabyo, byi va mhamba leyi hanyaka, leyi hlawulekeke, leyi amukelekaka eka Xikwembu; hi wona magandzelele ya n'wina ya xiviri.

Zakariya 13:9

Lava va nga ta sala, ndzi ta va kambela, ndzi va basisa hi ndzilo, kukota loko va basisa nsuku kumbe silivhere. Va ta ndzi huwelela, kutani mina ndzi ta va hlamula ndzi ku: ‘Mi vanhu va mina!’ Vona va ta vula va ku: ‘We HOSI, u Xikwembu xa hina!’ ”

Zakariya 13:7

HOSI ya matimba hinkwawo yi ri: “We fumu, pfuka u lwa ni murisi wa mina, lwana na yena yaloyi a nga yima kusuhi na mina. Bana murisi leswaku tinyimpfu ti ta hangalaka; lavatsongo hi mina ndzi nga ta va ba!

Esaya 53:10

A ku ri ku rhandza ka HOSI Xikwembu leswaku a twisiwa ku vava, a kombiwa maxangu. Leswi a tinyiketeke ku va mhamba yo riha swidyoho, ú ta vona vatukulu va yena, a hanya malembe layo tala; hi yena la nga ta yisa mahlweni ntirho wa HOSI Xikwembu.

Levhitika 2:8

Magandzelo ya swa le masin'wini lama endliweke hi swilo leswi ma endleriwa HOSI Xikwembu, mi ta ma yisa eka muprista, kutani yena a ya na wona alitarini,

Levhitika 2:16

Kutani muprista ú ta nusa tindzhoho leti ni mafurha ya kona, a ti hisa ni mirhi ya risuna hinkwato, a suma ha swona. Leyi hi yona mhamba leyi hiseriwaka HOSI Xikwembu.

Levhitika 4:31

Munhu wa kona ú fanele ku tsema mafurha hinkwawo ya mbuti, ku fana ni leswi va tsemisaka swona mafurha ya xifuwo xa magandzelo ya xinakulobye. Kutani muprista ú ta teka mafurha lawa, a ma hisa ehenhla ka alitari, ma va mhamba leyi ku nun'hwela ka yona ku nga ta tsakisa HOSI Xikwembu. Hi ndlela leyi, muprista ú ta va a basisile munhu wa kona, kutani ú ta rivaleriwa swidyoho swa yena.

Levhitika 5:12

Munhu wa kona ú fanele ku yisa mapa lawa eka muprista, kutani muprista ú ta nusa yo tata xandla, ma va yo suma ha wona, a ma hisa alitarini, swin'we ni magandzelo lama hiseriwaka HOSI Xikwembu; leyi i mhamba yo susa swidyoho.

Levhitika 24:7

Erixaxeni rin'wana ni rin'wana, u ta veka murhi lowu tengeke wa risuna wo suma swinkwa, lowu wu nga ta humeseriwa mina HOSI.

Tinhlayo 5:26

Kutani ú ta nusa xandla xa mapa ya gandzelo ro paluxa timhaka, a ma hisa alitarini, ku ri kona a nga ta nwisa wansati emati ya ndzhukano.

Levhitika 1:9

Loko swi ri swa le ndzeni ni manqina, swi fanele ku rhanga swi hlantswiwa. Kutani muprista ú ta hisa nyama hinkwayo alitarini. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.