Levhitika 2:4 - BIBELE Mahungu Lamanene

⁴ “Loko mi humesa magandzelo ya swa le masin'wini hi leswi swekiweke kunene, humesani swimbhundzwa leswo-ke-comela leswi endliweke hi mapa lamanene lama cheriweke mafurha, kumbe mi humesa xinkwa xo oma lexo-ke-comela lexi totiweke mafurha.

Xitsonga (Bibele)

⁴ “ ‘Loko u humesa nhlengo wa leswi swekiwaka exitikweni, u ta teka mapa layo saseka, u ma pfuva hi mafurha, u endla swimbundzu leswi nga riki na comela, ni swimbhundzwana leswi nga riki na comela, leswi totiweke hi mafurha.

Levhitika 2:4 Referans Kwoze

Eksoda 29:2

U ta lava ni xinkwa, ni swimbhundzwa leswi swekiweke hi mafurha, ni xinkwa xo oma lexi totiweke mafurha, hinkwaswo swi ri leswi swekiweke hi mapa lamanene ya koroni, swi nga cheriwanga comela.

Pisalema 22:14

Matimba ya mina ma hela kukota mati lama halatiweke, marhambu ya mina hinkwawo ma gudla-gudla, ni mbilu ya mina yi fana ni mafurha lama n'okisiwaka endzilweni.

1 Petro 2:22

A nga dyohanga nchumu, a nga vulanga swo kanganyisa van'wana.

1 Petro 2:1

Hikokwalaho, tshikani lunya hinkwaro, ni vuxisi hinkwabyo, ni vukanganyisi, ni mavondzo, ni ku lumbeta hinkwako.

Vaheveru 7:26

A swi fanela leswaku hi va ni Muprista Lonkulu wo kota sweswo, wo hlawuleka, wo pfumala nandzu, wo kala xivati, wo hambana ni vadyohi, la tlakusiweke ehenhla ka matilo.

Yohane 12:27

“Sweswi moya wa mina wa karhateka; xana ndzi nga vula yini? Xana ndzi nga ku, Tatana, ndzi ponise eka nkarhi lowu, xana? E-e, kambe leswi, hi swo leswi ndzi nga tela swona, eka nkarhi lowu.

Yohane 3:34

Loyi a rhumiweke hi Xikwembu, ú vula marito ya Xikwembu, hikuva Xikwembu a xi pimi loko xi nyika Moya wa xona.

Matewu 26:38

Kutani a ku ka vona: “Moya wa mina wu khomiwa hi gome lerikulu, gome ra ku fa; salani kwala, mi hiteka na mina.”

Esaya 42:1

HOSI Xikwembu xi ri: “Vonani nandza wa mina loyi ndzi n'wi seketelaka, muhlawuriwa wa mina loyi ndzi n'wi tsakelaka ngopfu; ndzi cherile Moya wa mina ehenhla ka yena, kutani ú ta tisa ku lulama ematikweni.

Levhitika 10:12

Kutani Muxe a vulavula na Aroni ni vana va yena lava saleke, Eliyazara na Itamara, a ku ka vona: “Leswi swi saleke eka magandzelo ya swa le masin'wini lama hiseriweke HOSI Xikwembu, swi tekeni, mi ya swi dyela kusuhi ni alitari swi nga cheriwanga comela, hikuva swi hlawulekile ngopfu.

Ezekiele 46:20

Kutani mupimi a ku ka mina: “Ndhawu leyi, hi kona laha vaprista va nga ta swekela kona nyama ya swifuwo swa magandzelo ya ku riha milandzu ni ya ku susa swidyoho; hi ndlela leyi, swilo leswi swo hlawuleka a swi nga humi exivaveni xa le ndzeni ka Tempele, hikuva swi nga vangela vanhu va tiko emakhombo loko va swi khumba.”

Esaya 61:1

Moya wa HOSI N'wini wa hinkwaswo wu le ka mina, hikuva ú ndzi hlawurile ku ya byela swisiwana emahungu lamanene. U ndzi rhumile ku ya pfuxela lava heleke matimba, ni ku tivisa lava nga vukhumbini leswaku va ta ntshunxiwa, ni ku byela lava nga khotsweni leswaku va ta huma.

Levhitika 7:12

Loko magandzelo lawa munhu wa kona a ma humesaka ma ri ya ku nkhensa Xikwembu, ú fanele ku tlhandlekela hi swimbhundzwa leswo-ke-comela leswi cheriweke mafurha, ni xinkwa lexo oma lexo-ke-comela lexi totiweke mafurha, ni swimbhundzwa swa mapa lamanene lama pfuviweke ni mafurha.

Levhitika 6:17

Loko va sweka xinkwa lexi, va nga tshuki va chela comela. Xinkwa lexi i xiphemu lexi va fanelaka ku nyikiwa xona eka leswi hiseriwaka HOSI Xikwembu; xi hlawulekile swinene, xi fana ni mhamba yo susa swidyoho kumbe magandzelo yo riha milandzu.

Levhitika 1:11

Xifuwo xa kona a a xi tlhave emahlweni ka HOSI Xikwembu, hi tlhelo ra n'walungu ra alitari. Vaprista, va nga vana va Aroni, va ta teka ngati ya xifuwo, va xuva ha yona alitari matlhelo hinkwawo.

Eksoda 16:31

Vaisraele va thya swakudya leswi evito ra “manna”; a swi ringana ni tindzhoho ta nhlampfurha, swi basile, swi nyanganya ku fana ni ximbhundzwa lexi totiweke vulombe.

Eksoda 12:8

“Nyama leyi, yi fanele ku dyiwa vusiku bya kona, yi oxiwile kunene, va yi dya ni xinkwa xo-ke-comela, ni matsavu lama bavaka.

Tinhlayo 6:15

Ú ta humesa ni xirhundzu xa xinkwa lexo-ke-comela, ni swimbhundzwa swa mapa lamanene lama pfuviweke hi mafurha, ni xinkwa lexo oma lexi totiweke mafurha, ni mapa ya gandzelo ni swakunwa swa kona.