Levhitika 2:3 - BIBELE Mahungu Lamanene

³ Mapa lama saleke eka magandzelo lawa, ma ta va ya Aroni ni vana va yena; ma hlawulekile swinene, hikuva hi lawa ma saleke eka mhamba leyi hiseriwaka HOSI Xikwembu.

Xitsonga (Bibele)

³ Leswi seleke swa nyiko, i swa Aroni ni vana va yena: i xilo lexi hlawuriweke ngopfu exikarhi ka timhamba leti hiseriwaka Yehovha.

Levhitika 2:3 Referans Kwoze

Tinhlayo 18:9

Eka leswo hlawuleka ngopfu leswi Vaisraele va ndzi tiselaka swona, u ta kuma hinkwaswo leswi nga ta ka swi nga hisiwi, eka magandzelo hinkwawo ya xinakulobye, ni ka timhamba hinkwato to susa swidyoho, ni ka timhamba hinkwato to riha nandzu; hi swona leswo hlawuleka ngopfu leswi mi nga ta swi kuma, wena ni vana va wena.

Levhitika 21:22

Hambiswiritano, wa pfumeleriwa ku dya swakudya swa magandzelo lama humeseriweke mina exivandleni lexo hlawuleka ngopfu, a nga dya ni tinyiko leto hlawuleka.

1 SAMIELE 2:28

Exikarhi ka tinyimba hinkwato ta Vaisraele, ndzi hlawurile Aroni leswaku a va yena muprista wa mina, la nga ta tlhandlukela alitarini ya mina, a ya hisa mirhi ya risuna a ambarile nceka lowu vuriwaka “efodi”, loko a ri emahlweni ka mina. Naswona, magandzelo hinkwawo lawa Vaisraele va ma hisaka alitarini, ndzi ma tamerisile rixaka ra ka n'wina.

Levhitika 7:9

Muprista loyi a fambisaka ntirho wa magandzelo ya swa le masin'wini, ú ta kuma leswi swekiweke kunene, kumbe leswi oxiweke kumbe leswi katingiweke.

Levhitika 6:26

Muprista loyi a nga ta fambisa ntirho wa mhamba yo susa swidyoho, hi yena ntsena loyi a nga ta dya nyama ya kona, a yi dyela exivandleni lexi hlawulekeke, ku nga xivaveni xa Ntsonga lowo Hlawuleka.

Levhitika 2:10

Swakudya leswi saleke eka magandzelo lawa, swi ta va swa Aroni ni vana va yena; swi hlawulekile swinene, hikuva hi leswi saleke eka mhamba leyi hiseriwaka HOSI Xikwembu.

Eksoda 29:37

Hi masiku lawa ya 7, u ta humesela alitari emhamba ya ku yi basisa, u yi hlawulekisa; hikokwalaho yi ta va leyi hlawulekeke swinene, kutani xin'wana ni xin'wana lexi nga ta khumbana na alitari xi ta hundzuka lexi hlawulekeke.”

Levhitika 5:13

Hi ndlela leyi, muprista ú ta basisa munhu loyi eka xidyoho xihi na xihi lexi a xi endleke, kutani ú ta rivaleriwa. Mapa lawa ya saleke, ma ta va ya muprista, ku fana ni loko ku humesiwa magandzelo ya swa le masin'wini.”

Ezra 2:63

Ndhunankulu yi va byerile leswaku va nga tshuki va dya swakudya leswi humeseriweke Xikwembu, ku kondza muprista a vutisa mhaka ya vona eka Xikwembu, hi “Urimi” na “Thumimi”.

Levhitika 6:9

ku ya vulavula na Aroni ni vana va yena, a va lerisa a ku: “Nawu hi tlhelo ra magandzelo lama hisiwaka hi lowu: Nyama ya xifuwo xa kona yi fanele ku tshama endzilweni wa le alitarini vusiku hinkwabyo wu ri karhi wu hlanganyetiwa, ri ko ri xa.

Levhitika 7:7

Nawu hi tlhelo ra magandzelo yo riha milandzu, wu fana ni wa mhamba yo susa swidyoho: Nyama ya xifuwo xa kona i ya muprista loyi a basisaka swidyoho ha xona.

Levhitika 10:15

Vaisraele va ta hamba va humesa nenge ni xifuva xa nyiko leyo hlawuleka, loko va tisa mafurha lama hisiwaka; xifuva xi ta widzeriwa HOSI Xikwembu, xi va nyiko leyo hlawuleka. Minkarhi hinkwayo, wena ni vana va wena, mi ta nyikiwa swilo leswi, hilaha HOSI Xikwembu xi leriseke hakona.”

Levhitika 14:13

Xinyimpfana lexi, ú fanele ku xi tlhavela exivandleni lexo hlawuleka laha va tlhavelaka kona swifuwo swa mhamba yo susa swidyoho ni swa magandzelo lama hisiwaka. Nyama ya xifuwo xa magandzelo yo riha milandzu, a yi hambananga ni ya mhamba yo susa swidyoho, na yona yi hlawulekile swinene, kutani i ya vaprista.

Ezekiele 44:29

Hinkwaswo leswi Vaisraele va swi nyiketaka eka mina, loko va ndzi tisela swa le masin'wini kumbe loko va ndzi humesela magandzelo yo susa swidyoho kumbe yo riha milandzu, hi swona leswi vaprista va nga ta kuma swona.

Ezekiele 46:20

Kutani mupimi a ku ka mina: “Ndhawu leyi, hi kona laha vaprista va nga ta swekela kona nyama ya swifuwo swa magandzelo ya ku riha milandzu ni ya ku susa swidyoho; hi ndlela leyi, swilo leswi swo hlawuleka a swi nga humi exivaveni xa le ndzeni ka Tempele, hikuva swi nga vangela vanhu va tiko emakhombo loko va swi khumba.”