Levhitika 2:14 - BIBELE Mahungu Lamanene

¹⁴ “Loko mi humesela HOSI Xikwembu magandzelo ya swa le masin'wini hi swa ntshovelo wa n'wina wo sungula, mi fanele ku humesa tindzhoho leti katingiweke loko ta ha tsakama, kutani ti khuvutiwa.

Xitsonga (Bibele)

¹⁴ “ ‘Loko u humesela Yehovha nhlengo wa swirhangana swa mihandzu, u ta humesa min'oko leyintshwa leyi oxiweke endzilweni, yi ri min'oko leyinene leyi khumuriweke.

Levhitika 2:14 Referans Kwoze

Levhitika 23:10

ku ya tivisa Vaisraele marito ya xona lama nge: “Loko mi ta va mi fikile etikweni leri ndzi mi nyikaka rona, kutani mi tshovela leswi mi swi byaleke, mi fanele ku teka xirhundzu xa leswi mi nga ta rhanga mi swi tshovela, mi ya na xona eka muprista.

Nhlavutelo 14:4

Lava, hi lava va nga tinyamisangiki hi vavasati, hikuva va tengile. Hi lava va landzelelaka Xinyimpfana hinkwako lomu xi yaka kona. Lava hi lava va kutsuriweke exikarhi ka vanhu leswaku va va mihandzu yo rhanga ya ntshovelo, va humeseriwa Xikwembu ni Xinyimpfana.

1 Vakorinto 15:20

Kambe lexi tiyeke hileswaku Kriste ú pfuxiwile exikarhi ka vafi. Hi swona leswi tshembisaka leswaku lava feke na vona va ta pfuxiwa.

Malakiya 1:11

“Vito ra mina i rikulu exikarhi ka vanhu va misava hinkwayo; endhawini yin'wana ni yin'wana, vanhu va ndzi hisela mirhi ya risuna, va ndzi humesela magandzelo lama tengeke. Hakunene, vito ra mina i rikulu exikarhi ka vanhu va matiko hinkwawo. Ndzi vula sweswo, mina HOSI ya matimba hinkwawo.

Tinhlayo 28:2

“Byela Vaisraele leswaku va hamba va ndzi humesela swakudya swa magandzelo lama hisiwaka hi nkarhi wa kona, naswona swi va leswi ku nun'hwela ka swona ku nga ta ndzi tsakisa.

2 TIHOSI 4:42

Wanuna un'wana a ta a huma emutini wa Baala-Xalixa, a tisela munhu wa Xikwembu swinkwa swa 20 swa maxalana, ni minchocho ya koroni ya nguva leyintshwa, a swi rhwele hi nkwama wa yena. Elixa a lerisa, a ku: “Nyikani vanhu va dya.”

Duteronoma 26:2

mi fanele ku teka swin'wana swa leswi mi nga ta rhanga mi swi tshovela emasin'wini ya kwale tikweni leri HOSI Xikwembu xa n'wina xi nga ta mi nyika rona, mi swi chela exirhundzwini, mi famba na swona endhawini leyi HOSI Xikwembu xi nga ta yi hlawula leswaku vito ra xona ri gandzeleriwa eka yona.

Levhitika 23:20

Muprista ú ta teka swinyimpfana leswi, a ndzi widzela swona ni xinkwa xo endliwa hi leswi mi rhangeke hi swona ku tshovela; swinyimpfana leswi ni xinkwa lexi, swi hlawuleriwe mina HOSI leswaku swi va swa vaprista.

Levhitika 22:29

Ni loko mi tlhava xifuwo xa magandzelo ya ku ndzi nkhensa mina HOSI, xi tlhaveni hi ndlela leyi yi nga ta endla leswaku ndzi mi tsakela.

Genesa 4:3

Siku rin'wana, Kayini a humesela HOSI Xikwembu gandzelo hi mihandzu ya masimu ya yena,

Levhitika 2:15

Ehenhla ka tindzhoho leti, mi ta chela mafurha, mi n'wan'wasela ni murhi wa risuna. Lawa hi wona magandzelo ya swa le masin'wini.

Levhitika 2:16

Kutani muprista ú ta nusa tindzhoho leti ni mafurha ya kona, a ti hisa ni mirhi ya risuna hinkwato, a suma ha swona. Leyi hi yona mhamba leyi hiseriwaka HOSI Xikwembu.

Levhitika 23:13

Xinyimpfana lexi xi fanele ku humesiwa ni swintewana swimbirhi swa mapa lamanene lama pfanganyisiweke ni mafurha, leswaku ma va magandzelo lama hiseriwaka mina HOSI, lawa ku nun'hwela ka wona ku nga ta ndzi tsakisa; vhinyo leyi humesiwaka ni xinyimpfana lexi, yona yi ta va jomela rin'we.