Levhitika 2:13 - BIBELE Mahungu Lamanene

¹³ Magandzelo ya n'wina hinkwawo ya swa le masin'wini, ma cheleni munyu. Mi nga tshuki mi rivala ku wu chela, hikuva munyu wu fanisa ntwanano wa n'wina ni Xikwembu xa n'wina, hikokwalaho wu cheleni minkarhi hinkwayo.

Xitsonga (Bibele)

¹³ U ta lunga hi munyu mihlengo hinkwayo ya wena; munyu wa ntwanano wa Xikwembu xa wena wu nga tshuki wu pfumaleka enhlengweni wa wena: u ta lunga hi munyu mihlengo hinkwayo ya wena.

Levhitika 2:13 Referans Kwoze

Ezekiele 43:24

u ta na swona emahlweni ka mina HOSI; vaprista va ta swi n'wan'wasela hi munyu, kutani va ta swi tlhava, va ndzi humesela ha swona gandzelo leri hisiwaka.

Matewu 5:13

“N'wina mi munyu wa misava; kambe loko munyu wu phyama, ku dzunga ka wona ku ta pfuxetiwa hi yini ke? A wa ha pfuni nchumu, loko ku nga ri ku cukumetiwa ehandle, wu kandziyeriwa hi vanhu.

Vakolosa 4:6

Ku vulavula ka n'wina a ku ve lokunene, loku nandzihaka masiku hinkwawo, mi ta tiva hilaha mi fanelaka ku hlamula un'wana ni un'wana hakona.

2 TIKRONIKA 13:5

HOSI Xikwembu xa Israele xi nyikile vuhosi bya tiko rero eka Davhida ni vana va yena, ma swi tiva sweswo; naswona xi bohile na vona ntwanano lowu nga tshoviwiki.

Tinhlayo 18:19

“Mihlengo hinkwayo leyo hlawuleka leyi Vaisraele va ndzi humeselaka yona mina HOSI, ndzi ku nyika yona wena ni vana va wena hinkwavo, hilaha ku nga heriki; ntwanano lowu ndzi wu endlaka na wena ni vatukulu va wena, wu fana ni leswi lungiweke hi munyu, wu nga ka wu nga onhaki.”

Ezra 7:22

Mi nga n'wi nyika silivhere yo tlula tithani ta 4, na koroni yo fika eka tithani ta 40, na vhinyo yo fika eka tinkho ta 100, na mafurha yo fika eka tinghotsa ta 400; munyu wona, n'wi nyikeni mi nga n'wi pimeli.

Eksoda 30:35

Mi ta hlanganisa swinun'hweriso leswi, mi endla murhi wa risuna, hi mukhuva lowu muendli wa mirhi leyo nun'hwerisa a pfanganyisaka ha wona; murhi wa kona mi wu chela munyu, wu tenga, wu va lowu hlawulekeke.