Levhitika 2:11 - BIBELE Mahungu Lamanene

¹¹ “Magandzelo hinkwawo ya swa le masin'wini lawa mi ma humeselaka HOSI Xikwembu ma nga tshuki ma cheriwa comela, hikuva a ma cheriwi comela kumbe vulombe loko mi hisela HOSI Xikwembu emhamba;

Xitsonga (Bibele)

¹¹ “ ‘Nhlengo wun'wana ni wun'wana lowu mi wu humeselaka Yehovha, wu nga tshuki wu va wa swinkwa leswi nga ni comela, hikuva mi nga tshuki mi hisela Yehovha comela ni vulombe egandzelweni.

Levhitika 2:11 Referans Kwoze

Vagalatiya 5:9

“Comelanyana lexintsanana xi kukumuxa mbila hinkwayo”, hilaha swi vuriwaka hakona.

Luka 12:1

Hi nkarhi wolowo, loko vanhu va madzana-dzana va hlengeletana va ko va kandziyelana, Yesu a sungula ku byela vadyondzisiwa va yena a ku: “Tivoneleni eka comela xa Vafarisi, byi nga vukanganyisi;

Eksoda 23:18

“Mi nga tshuki mi katsa ngati ya swifuwo ni xinkwa lexi nga ni comela, loko mi ndzi gandzela; naswona, mi nga tshiki mafurha ya swona ma tshama ku fikela nimpundzu, loko mi ndzi endlela nkhuvo.

1 Petro 4:2

Kutani enkarhini wa n'wina lowu saleke wa ku hanya laha misaveni, mi nga ha fambisiwi hi ku navela ku titsakisa, kukota vanhu van'wana, kambe mi fambisiwa hi leswi Xikwembu xi rhandzaka swona.

Luka 21:34

“Tivoneleni leswaku timbilu ta n'wina ti nga tikeriwi hi makolo ni ku pyopyiwa, ni ku vilela hi swa vutomi lebyi, na swona tivoneleni leswaku siku rero ri nga mi tshuketi;

Marka 8:15

Kutani a va laya, a ku: “Tlharihani, mi chava comela xa Vafarisi, ni comela xa Heroda!”

Swivuriso 25:27

Ku dya vulombe ku tlula mpimo, a swi sasekanga. Swi tano ni loko u nkhensa munhu: U nga tati ngopfu marito.

Swivuriso 25:16

Vulombe, loko u byi kumile, dyana u pima, hikuva byi nga ku hlambisa timbilu, u hlanta;

Swivuriso 24:13

N'wananga, dyana vulombe, hikuva i byinene, ni xihlenge xa byona, a hi ku tsokombela ka xona.

Timhaka 14:22

va ri karhi va tiyisa timbilu ta vadyondzisiwa, va va khongotela ku tiyisela eku pfumeleni, va ku: “EMfun'weni wa Xikwembu, hi fanele ku nghena hi maxangu layo tala.”

Matewu 16:6

Yesu a ku ka vona: “Tlharihani, mi chava comela xa Vafarisi ni xa Vasaduki.”

Eksoda 34:25

“Loko mi ndzi tlhavela magandzelo, mi nga tshuki mi katsa ngati ya xifuwo ni xinkwa lexi nga ni comela; naswona, loko mi humesa magandzelo enkhubyeni wa Paseka, ku nga tshuki ku va ni leswi nga ta tshama ku fikela nimpundzu.

Eksoda 29:25

Kutani u ta swi teka emavokweni ya vona, u swi katsa ni magandzelo lama hisiwaka, u swi hisa ehenhla ka alitari, yi va mhamba leyi hiseriwaka mina HOSI Xikwembu, leyi ku nun'hwela ka yona ku nga ta ndzi tsakisa.

Levhitika 1:13

Loko swi ri swa le ndzeni ni manqina, swona ú fanele ku rhanga a swi hlantswa. Kutani muprista ú ta teka nyama hinkwayo a yi hisa ehenhla ka alitari. Lawa i magandzelo lama hisiwaka; hi yona mhamba leyi hiseriwaka HOSI Xikwembu, leyi ku nun'hwela ka yona ku nga ta xi tsakisa.

Levhitika 6:10

Muprista ú fanele ku ambala hembe ya yena ya ntsembyani ni xiburukwana xa ntsembyani xo tisiva ha xona, a teka nkuma lowu saleke alitarini loko ku hisiwa magandzelo, a wu chela kusuhi ni alitari.