Levhitika 19:5 - BIBELE Mahungu Lamanene

⁵ “Loko mi ndzi tlhavela xifuwo xa magandzelo ya xinakulobye, xi tlhaveni hi ndlela leyi yi nga ta endla leswaku ndzi mi tsakela.

Xitsonga (Bibele)

⁵ “ ‘Kutakuloko mi humesela Yehovha mhamba ya ku khensa, mi ta yi humesa hi mukhuva lowu fanelaka leswaku mi ta amukeriwa.

Levhitika 19:5 Referans Kwoze

Levhitika 22:29

Ni loko mi tlhava xifuwo xa magandzelo ya ku ndzi nkhensa mina HOSI, xi tlhaveni hi ndlela leyi yi nga ta endla leswaku ndzi mi tsakela.

Levhitika 7:16

Kambe loko magandzelo ya kona ma ri lawa a tiboheke hi ku hlambanya leswaku ú ta ma humesa, kumbe lawa a ngo ma humesa hi ku titwa, nyama ya xifuwo xa kona yi nga ha dyiwa siku leri a ma humesaka ha rona, kutani leyi salaka yi nga hetisiwa siku leri tlhandlamaka.

Levhitika 22:19

ú fanele ku tlhava xifuwo xa xinuna lexi nga solekiki, yi nga nkuzi kumbe khuna kumbe xiphongho. Loko a endlisa sweswo, hi kona a nga ta tsakeriwa hi mina HOSI.

Levhitika 1:3

“Loko munhu a humesa magandzelo lama hisiwaka hi xin'wana xa swifuwo swa yena leswikulu, ú fanele ku hlawula nkuzi leyi nga solekiki, a ya yima na yona enyangweni ya Ntsonga lowo Hlawuleka, leswaku a ta tsakeriwa hi HOSI Xikwembu.

Ezekiele 46:12

“Siku mufumi wa tiko a tibohaka ku ndzi humesela magandzelo hi ku titwa ka yena, ma nga magandzelo lama hisiwaka kumbe ya xinakulobye, vaprista va ta n'wi pfumelela ku nghena hi nyangwa leyi langutaka evuxeni, a humesa magandzelo ya kona ku fana ni loko a humesa magandzelo ya Savata; loko a hetile, ú ta suka a famba, kutani nyangwa yi pfariwa.

Ezekiele 46:2

Emasikwini wolawo mufumi wa tiko ú ta ta hi le xivaveni xa le handle, a nghena erikupakupeni, kutani a ya yima enyangweni loko vaprista va ri karhi va humesa magandzelo hi vito ra yena, ma nga magandzelo lama hisiwaka ni ya xinakulobye. Loko va hetile, mufumi ú ta nkhinsama a khongela, kutani ú ta suka a famba. Nyangwa a yi nga pfariwi dyambu ri ko ri pela,

2 TIKRONIKA 31:2

Kutani Hezekiya a hlawula mintlawa ya vaprista ni Valevhi, un'wana ni un'wana a ri ni ntirho wa yena entlaweni wa yena; a ku ri ni vaprista ni Valevhi lava a va fambisa magandzelo lama hisiwaka ni ya xinakulobye; van'wana a va tirhela HOSI Xikwembu hi ku xi tlangela ni ku xi dzunisa hi tinsimu, etinyangweni ta yindlu ya xona.

Levhitika 22:23

Loko mi humesa magandzelo lawa mi ngo ma humesa hi ku titwa, mi nga tlhava hambi yi ri nkuzi kumbe nyimpfu leyi mavoko kumbe milenge ya yona yi nga ringananiki; kambe xifuwo xo tano a xi nkhenseki eka magandzelo lawa mi tiboheke hi ku hlambanya leswaku mi ta ma humesa.

Levhitika 22:21

Un'wana ni un'wana loyi a ndzi humeselaka magandzelo ya xinakulobye, ma nga va lawa a tiboheke a hlambanya ku ma humesa, kumbe lawa a ngo ma humesa hi ku titwa, ú fanele ku pambula xifuwo lexinene lexi nga solekiki eka swifuwo swa yena leswikulu kumbe leswitsongo; hi kona ndzi nga ta n'wi tsakela.

Eksoda 24:5

Kutani Muxe a rhuma majaha ya Israele ku tlhava tihomu, va humesela HOSI Xikwembu magandzelo lama hisiwaka ni ya xinakulobye.

Levhitika 19:4

Mi nga tshuki mi gandzela swikwembu swa hava, naswona mi nga tshuki mi n'okisa swilo, mi tivumbela swifaniso swa swikwembu: Hi mina HOSI, Xikwembu xa n'wina.

Levhitika 19:6

Nyama ya kona yi fanele ku dyiwa siku xi tlhaviwaka, kumbe siku leri tlhandlamaka. Kambe nyama leyi nga ta va ya ha sele hi siku ra vunharhu, yona yi fanele ku hisiwa.

Levhitika 7:18

Loko nyama leyi nga ta va ya ha sele hi siku ra vunharhu, yo dyiwa, loyi a humesaka magandzelo ya kona ya xinakulobye a nge nkhensiwi, swi ta tekiwa wonge a nga humesanga nchumu; sweswo swa yila, loyi a dyaka nyama ya kona ú ta va a tivangele nandzu.