Levhitika 19:4 - BIBELE Mahungu Lamanene

⁴ Mi nga tshuki mi gandzela swikwembu swa hava, naswona mi nga tshuki mi n'okisa swilo, mi tivumbela swifaniso swa swikwembu: Hi mina HOSI, Xikwembu xa n'wina.

Xitsonga (Bibele)

⁴ “ ‘Mi nga tshuki mi rhendzelekela eka swikwembu swa mavunwa, mi nga tshuki mi tiendlela swikwembu swa vumba. Hi mina Yehovha, Xikwembu xa n'wina.

Levhitika 19:4 Referans Kwoze

Levhitika 26:1

“Etikweni ra n'wina, mi nga tshuki mi tiendlela swikwembu swa hava, naswona mi nga tiyimiseli swifaniso swa swona, ni timhandze ta vugandzeri bya hava, kumbe ku sasekisa maribye mi gandzela wona. Hi mina HOSI, Xikwembu xa n'wina.

Eksoda 34:17

“Mi nga tshuki mi n'okisa swilo mi tiendlela swifaniso swa swikwembu.

Eksoda 20:23

Mi nga tshuki mi tiendlela swikwembu swin'wana, hikuva ndzi kona mina; mi nga tshuki mi tiendlela swikwembu hi silivhere ni nsuku.

1 Yohane 5:21

Vana vanga, fularhelani swikwembu swa hava!

Duteronoma 27:15

“ ‘A a rhukaniwe, munhu loyi a tivatlelaka kumbe ku tivumbela xifaniso xa xikwembu a xi gandzela exihundleni, kasi i xilo lexi a xi endleke hi mavoko ya yena, lexi vengiwaka hi HOSI Xikwembu.’ Kutani Vaisraele hinkwavo va ta hlamula va ku: ‘Amen!’

1 Vakorinto 10:14

Hikokwalaho, vamakwerhu lava rhandzekaka, chavani ku phahla swikwembu swa hava.

Pisalema 96:5

Swikwembu hinkwaswo swa vamatiko swo va swifaniso ntsena, kasi HOSI Xikwembu hi xona xi tumbuluxeke matilo.

Eksoda 32:4

Kutani Aroni a amukela nsuku eka vona, a wu n'okisa exibyeni xo n'okisela eka xona, a vumba xifaniso xa rhole; hiloko vanhu va ku: “N'wina Vaisraele, hi lexi Xikwembu xa n'wina, lexi xi mi humeseke etikweni ra Egipta!”

Hagayi 2:18

Xiyaxiyani, ku sukela siku ra namuntlha ri nga ra 24 ra n'hweti ya vu-9, ni minkarhi leyi taka. Hi siku leri ra ku pfuxa masungulo ya Tempele ya mina, xiyaxiyani leswi:

Levhitika 19:5

“Loko mi ndzi tlhavela xifuwo xa magandzelo ya xinakulobye, xi tlhaveni hi ndlela leyi yi nga ta endla leswaku ndzi mi tsakela.

1 TIKRONIKA 16:26

Swikwembu hinkwaswo swa vamatiko swo va swifaniso ntsena, kasi HOSI Xikwembu hi xona xi tumbuluxeke matilo.

Levhitika 11:44

hikokwalaho, tivoneleni leswaku mi va lava hlawulekeke, hikuva mina ndzi hlawulekile. Mi nga tshuki mi tinyamisa hi ku dya xihadyana xihi na xihi lexi kokovaka emisaveni.

Levhitika 19:25

Hi lembe ra vuntlhanu, mi nga sungula ku dya mihandzu ya mirhi ya n'wina, leswaku yi ta hamba yi tswala swinene: Hi mina HOSI, Xikwembu xa n'wina.

Duteronoma 4:16

hikokwalaho, chavani ku tinyamisa hi ku tiendlela xifaniso xihi na xihi xa xikwembu xin'wana, lexi vatliweke kumbe lexi vumbiweke, hambi xa xinuna hambi xa xisati;

Duteronoma 7:25

Mi ta hisa swifaniso swa swikwembu swa vona leswi vatliweke; mi nga tshuki mi navela silivhere kumbe nsuku lowu namekiweke eka swifaniso leswi, hikuva loko mo tshuka mi titekela wona, wu ta hundzuka ntlhamu lowu wu nga ta mi phasa. Swilo leswi, HOSI Xikwembu xa n'wina xa swi nyenya;

1 TIHOSI 14:9

Kasi wena u endlile leswo biha ku tlula hinkwavo lava nga rhanga va va tihosi. U sukile u ya tiendlela swikwembu swimbe, ni ku tivumbela swifaniso swa swona hi koporo leyi n'okisiweke, kutani u ndzi hlundzukisile ngopfu, u engetela hi ku ndzi fularhela.

2 TIKRONIKA 28:2

a hanya hi tindlela ta tihosi ta Israele, a vumba ni swifaniso swa Baali.