Levhitika 19:10 - BIBELE Mahungu Lamanene

¹⁰ Ni loko mi tshovela vhinya ya n'wina, mi nga khayeleli mihandzu hinkwayo mi heta, naswona mi nga rholeli leyi nga wela hansi; siyani yin'wana mihandzu, mi yi siyela swisiwana ni valuveri: Hi mina HOSI, Xikwembu xa n'wina.

Xitsonga (Bibele)

¹⁰ U nga tshuki u kha leswi seleke evhinyeni ya wena, ni ku rholela mihandzu leyi weke ensin'wini ya wena U ta swi tshikela xisiwana ni muluveri. Hi mina Yehovha, Xikwembu xa n'wina.

Levhitika 19:10 Referans Kwoze

Esaya 24:13

Matiko hinkwawo lama nga kona emisaveni ma ta sarisa sweswo, swi fana ni loko va hetile ku kha mihandzu hinkwayo ya mitlhwari, kumbe enkarhini wo khwaja mihandzu ya vhinya.

Esaya 17:6

Ku ta sala Vaisraele va nga ri vangani; swi ta fana ni loko va hetile ku tshovela mihandzu hinkwayo ya mitlhwari; ku sala mihandzunyana yi nga ri yingani emarhavini ya le henhla, ni marhavini lawa a ma tswale ngopfu. Mina HOSI, Xikwembu xa Israele, ndzi vurisa sweswo.”

Levhitika 25:6

Hambiswiritano, leswi swi nga ta va kona elembeni leri ro wisisa masimu, mi ta dya swona n'wina, ni malandza ya n'wina ya xinuna ni ya xisati, ni vatirhi va n'wina lava mi va tholeke, ni vanhu lava luveleke exikarhi ka n'wina.

Mikiya 7:1

Ndzi le khombyeni minoo! Ndzi fana ni munhu wa ndlala loyi a lavaka mihandzu entangeni kumbe emasin'wini ya vhinya, loko va tshoverile, va tlhela va khwaja, kutani a kuma leswaku mihandzu hinkwayo ya vhinya ni matatana lawa a a ma navela ngopfu, swi khiwile swi hela.

Obadiya 1:5

“Loko vayivi va mi tela, ni loko mi ngheneriwa hi makhamba nivusiku, va ta phangha hinkwaswo leswi va swi lavaka, va ta tshovela swa muti wa n'wina kukotisa vhinya, va siya makhwaji ntsena; mi ta sala mi lo gòò!

Yeremiya 49:9

Loko ku tshuka ku ta vatshoveri emasin'wini ya n'wina, a va nga siyi makhwajo ke? Ni loko mi ngheneriwa hi makhamba, xana a ma nga teki ntsena leswi ma swi lavaka xana?

Vaavanyisi 8:2

Kambe yena a va hlamula a ku: “I ncini lexi ndzi xi endleke, lexi nga ringanisiwaka ni leswi n'wina mi swi endleke, xana? Leswi n'wina va ka Efrayimi mi swi khwajeke, swi tlula leswi hina va ka Abiezere hi swi tshoveleke,

Levhitika 19:9

“Loko mi tshovela swa le masin'wini ya n'wina, mi nga tshoveli mi ya fika emakumu ka nsimu, naswona loko mi hetile ku tshovela, mi nga tlheli mi ya khwaja.

Levhitika 19:11

“Mi nga tshuki mi yiva, mi nga kanganyisani, naswona mi nga hembelani.

Levhitika 23:22

“Loko mi tshovela swa le masin'wini ya n'wina, mi nga tshoveli mi ya fika emakumu ka nsimu, naswona loko mi hetile ku tshovela, mi nga tlheli mi ya khwaja; siyani swin'wana, mi siyela swisiwana ni valuveri: Hi mina HOSI, Xikwembu xa n'wina.”

Duteronoma 24:19

“Loko mi tshovela mavele emasin'wini, kutani mi tshuka mi siya man'wana endzhaku, mi nga tlheli mi ya ma teka, ma siyeleni valuveri ni lava pfumalaka vatswari, ni tinoni. Loko mi endla sweswo, HOSI Xikwembu xa n'wina xi ta mi katekisa emintirhweni ya n'wina hinkwayo.

Duteronoma 24:20

Loko mi khile mihandzu ya mirhi ya mitlhwari, mi nga ha tlheli mi tlhuva leyi saleke; siyelani valuveri, ni lava pfumalaka vatswari, ni tinoni.

Rhuti 2:2

Rhuti wa le Mowabu a kombela eka Nahumi a ku: “Ndzi pfumelele ku ya emasin'wini, ndzi ya khwaja minchocho eka un'wana ni un'wana loyi a nga ta ndzi komba tintswalo.” “Famba n'wananga”, ku hlamula Nahumi.

Levhitika 11:44

hikokwalaho, tivoneleni leswaku mi va lava hlawulekeke, hikuva mina ndzi hlawulekile. Mi nga tshuki mi tinyamisa hi ku dya xihadyana xihi na xihi lexi kokovaka emisaveni.

Levhitika 19:25

Hi lembe ra vuntlhanu, mi nga sungula ku dya mihandzu ya mirhi ya n'wina, leswaku yi ta hamba yi tswala swinene: Hi mina HOSI, Xikwembu xa n'wina.

Duteronoma 24:21

Loko mi tshoverile masimu ya n'wina ya vhinya, mi nga tlheli mi ya khwaja, siyelani valuveri, ni lava pfumalaka vatswari, ni tinoni.