Levhitika 17:7 - BIBELE Mahungu Lamanene

⁷ Hi ndlela leyi, Vaisraele a va nga ha endli vunghwavava hi ku tlhava swifuwo swa vona, va gandzela ha swona swikwembu swa vona swa swiphongho. Naswona va fanele ku hlayisa nawu lowu, vona ni vatukulu va vona, hilaha ku nga heriki.”

Xitsonga (Bibele)

⁷ Va nga ha humesi magandzelo ya vona eka swikwembu leswi va oswanaka na swona. Wu va eka vona nawu lowu nga heriki etinxakeni ta tinxaka.’

Levhitika 17:7 Referans Kwoze

1 Vakorinto 10:20

E-e, ku hava! Kambe ndzi ri: Loko vamatiko va gandzela, va gandzela mademona, a va gandzeli Xikwembu. Kutani a ndzi lavi leswaku mi va ni vunakulobye ni mademona.

Eksoda 34:15

Mi nga tshuki mi endla ntwanano ni vaaki va tiko, hikuva loko va ri karhi va endla vunghwavava eku gandzeleni ka swikwembu swa vona, ni loko va swi humesela magandzelo, va nga tshuka va mi rhambile, kutani mi dya swa magandzelo ya vona,

2 TIKRONIKA 11:15

Yerobuwamu a a tihlawulele vaprista va yena, a va veka eswitsungeni leswo hlawuleka, laha a ku gandzeriwa swikwembu swa swiphongho ni swifaniso swa marhole leswi endliweke hi yena Yerobuwamu.

Duteronoma 32:17

Va humesile magandzelo, va humesela swikwembu leswi nga hanyiki, leswi ni ku swi tiva a va nga swi tivi; eka vona a swi ri swintshwa, leswa ha ku fikaka, leswi vatata wa vona a va nga ri na mhaka na swona.

Pisalema 106:37

va ko va dlaya vana va vona va xinuna ni va xisati, va humesa magandzelo ha vona va humesela swikwembu leswi swo biha.

Nhlavutelo 9:20

Vanhu hinkwavo lava nga pona ku dlawa hi mintungu leyi, a va fularhelanga leswi endliweke hi mavoko ya vona: A va tshikanga ku gandzela mademona ni swikwembu swa hava swa nsuku ni swa silivhere ni swa koporo ni swa maribye ni swa mintsandza, leswi nga voniki, swi nga twiki, hambi ku ri ku famba swi nga fambiki.

Ezekiele 23:8

A nga tshikanga vunghwavava lebyi a byi sunguleke le Egipta loko a ha ri lontshwa, enkarhini lowu a a etlela ni vavanuna lava nga onha vunhwana bya yena ni ku titsakisa ha yena.

Duteronoma 31:16

Kutani HOSI Xikwembu xi ku ka Muxe: “Vona, u le kusuhi ni ku fa, kutani vanhu lava va ta sala va ndzi fularhela, va tshova ntwanano lowu ndzi wu endleke na vona. Loko va ri exikarhi ka vamatiko lava va yaka va ya tshama na vona, va ta sungula ku endla vunghwavava, va landzelela swikwembu swa vamatiko lava.

Levhitika 20:5

mina hi xiviri ndzi ta ba munhu yoloyi ndzi ba ni ndyangu wa yena, swin'we ni hinkwavo lava endlaka na yena vunghwavava hi ku tirhela Moloko; ndzi ta va hlongola va suka exikarhi ka va ka vona.

Eksoda 32:8

Va hambukile hi ku hatlisa endleleni leyi ndzi nga va lerisa yona; va tivumberile xifaniso xa rhole, va xi nkhinsamela ni ku xi humesela magandzelo, va ku: ‘N'wina Vaisraele, hi lexi Xikwembu xa n'wina lexi xi mi humeseke etikweni ra Egipta.’ ”

Eksoda 22:20

“Un'wana ni un'wana loyi a humeselaka swikwembu swin'wana emagandzelo, ematshan'wini ya ku gandzela mina HOSI ntsena, ú fanele ku herisiwa.

Vaefesa 2:2

Eminkarhini yoleyo, a mi hanya eka swona, loko ma ha landza mikhuva leyo biha ya misava leyi. A mi ri ehansi ka ndhuna leyi fumaka mimoya ya le henhla empfhukeni, wu nga moya lowu tirhaka nasweswi exikarhi ka vanhu lava nga yingisiki Xikwembu.

2 Vakorinto 4:4

xikwembu xa misava leyi xi pfarile miehleketo ya vanhu lava va nga pfumeriki; xi va sive mahlo leswaku va nga voni ku vangama ka Mahungu Lamanene lama twarisaka ku kwetsima ka Kriste, yena loyi a nga xifaniso xa Xikwembu.

Yohane 14:30

A ndzi nga ha vulavuri swo tala na n'wina, hikuva mufumi wa misava leyi wa ta; kambe a nga na matimba ehenhla ka mina.

Yohane 12:31

Misava leyi sweswi ya karhi ya avanyisiwa, kutani mufumi wa misava leyi ú ta hlongoriwa sweswi.

Yeremiya 3:1

HOSI Xikwembu xi ri: “Loko wansati a hambana ni nuna wa yena, kutani a ya tekiwa hi wanuna un'wana, xana nuna wa yena lowo rhanga a nga tlhela a n'wi amukela xana? E-e! Sweswo swi nga nyamisa tiko ku tlula mpimo. Wena Israele, u ni swigangu leswo tala ngopfu; xana u vona leswaku u nga tlhelela eka mina xana?

Levhitika 3:17

Hinkwako lomu mi nga ta va mi tshama kona, mi nga tshuki mi dya mafurha kumbe ngati. Nawu lowu, mi fanele ku wu landza, n'wina ni vatukulu va n'wina hilaha ku nga heriki.”

Levhitika 17:8

Muxe a lerisiwa nakambe ku ya vulavula ni Vaisraele, a ku: “Munhu un'wana ni un'wana, a nga va Muisraele kumbe munhu la luveleke exikarhi ka vona, loko a lava ku humesa magandzelo lama hisiwaka kumbe magandzelo man'wana, ú fanele ku ta ni xifuwo xa kona enyangweni ya Ntsonga lowo Hlawuleka, a ta xi humesela HOSI Xikwembu. Loko a nga endlisi sweswo, ú fanele ku hlongoriwa, a susiwa exikarhi ka va ka vona.

Pisalema 106:39

Na vona vinyi va tinyamisile hi swiendlo swa vona, va nga ha tshembeki eka Xikwembu.

Ezekiele 23:3

Loko va ha ri lavantshwa, va sungurile ku hanya kukota tinghwavava etikweni ra Egipta, va pfumela ku kanyakanyiwa mavele, va onha vunhwana bya vona.

Eksoda 22:19

“Un'wana ni un'wana loyi a etlelaka ni xifuwo ú fanele ku herisiwa.

Eksoda 27:21

Aroni ni vana va yena va ta veka rivoni leri eka Ntsonga lowo Hlawuleka, ehandle ka xisirhelelo lexi sirhelelaka Areka ya Ntwanano; ri ta tshama ri pfurha emahlweni ka mina HOSI ku sukela nimadyambu ri kondza ri xa. Nawu lowu wu fanele ku hlayisiwa hi Vaisraele ni vatukulu va vona hi minkarhi hinkwayo.”